عرض مشاركة واحدة
قديم 10-25-2011, 04:48 PM   رقم المشاركة : [226]
Gamo
واحد من الناس
 
مزاجي
مشغول
شكراً: 300
تم شكره 419 مرة في 229 مشاركة

الملف الشخصي




Gamo تم تعطيل التقييم
 
 الأوسمة و جوائز
 بينات الاتصال بالعضو
 اخر مواضيع العضو

Gamo غير متواجد حالياً

افتراضي رد: كــرســى الاعتـــــراف.

اقتباس:
المشاركة الأصلية كتبت بواسطة تيتو المحلاوى مشاهدة المشاركة
بسم الله الرحمن الرحيم
السؤال الاول

كام مره كان عندك معاد مع ته مربوطه واخدت صابونه
(واوعى تتهرب من السؤال)

حصل انك كنت وسط ناس وقولت نكته وطلعت بايخه؟ وايه هي النكته الي قلتها

هل حصل انك حاولت تعاكس بنت ومعبرتكش ومشيت وسابتك؟

مين الشخص الي نفسك تجرب عليه جميع انواع الاسلحه الي ذكرتها في ردك السابق


ايه الحاجه الي حصلتلك وانت صغير(كويسه او وحشه) ومتنسهاش ابدا

قولي عيوب كل من (مع حفظ الالقاب
)

بدر
Essam Assem
Mero1x
العربى
الأفوكاتو
smsmn8888
كريم الكرانى
وانا كمان بالمرة


السؤال الثانى
بما ان كل واحد بيقول للتانى فين هديتى
فين هديتى انا كمان

ايه ظروف شغلك المزعله الناس منك دى

شعورك اية لما كريم طلبك للدعم الفنى هنا فى الرابطة

اية اكبر مقلب خته فحياتك

اية اكتر موقف محرج اتعرضتله

ايه اكتر موقف ضحكت فية

ايه اكتر موقف ندمت على عمايله

اية السؤال المعجبكش فى اللعبه كلها

االحاجات دى بترمزلك باية(الليل والنجوم والبحر واللون الاحمر واللون الاسود)

جاوب على ماجهز سؤالين تانيين
اظن اسهل من كدة مش هتلاقى
تحياتى

مش بقولك متوصيين بيا قوي وكمان اسئلة مسروقه ماشي يا تيتو :1306783995348:

اقتباس:
- كام مره كان عندك معاد مع ته مربوطه واخدت صابونه
(واوعى تتهرب من السؤال)
حصلت معايا مره واحده وانا في اولى ثانوي بس كان غصب عنها اهلها منعوها وحسيت بالاحباط وقتها لانه كان اول موعد غرامي مع بنت

اقتباس:
- حصل انك كنت وسط ناس وقولت نكته وطلعت بايخه؟ وايه هي النكته الي قلتها
انا من عادتي مبقولش نكت خالص

اقتباس:
هل حصل انك حاولت تعاكس بنت ومعبرتكش ومشيت وسابتك؟
انا بطبعي مش بتاع معاكسات والكلام ده, بس في الحقيقه حصل معايا العكس ^_^ بس اتخلصت منها بطريقة لطيفه شويه

اقتباس:
مين الشخص الي نفسك تجرب عليه جميع انواع الاسلحه الي ذكرتها في ردك السابق
في الحقيقه في بتاع 5 في حياتي نفسي اجرب عليهم جميع انواع الاسلحه بجد مش بهزار , منهم ناس معرفه من خارج النت ومنهم قرايب رخمين جدا

اقتباس:
ايه الحاجه الي حصلتلك وانت صغير(كويسه او وحشه) ومتنسهاش ابدا
الحاجة الكويسه الي منسهاش اني في سنة خامسة ابتدائي كنت الاول على المدرسة و اختاروني انا وبنت زملتي علشان نمثل المدرسة كلها في مسابقه بين المدارس وكنت فخور قوي بنفسي وقتها لكن للاسف ركزت مع زملتي اكتر من المسابقه ودا كان سبب خسارتنا في النهاية ههههههههه

الحاجه الوحشه الي منسهاش ابدا, لما كنت في السعودية وانا صغير شوفت حد القصاص بيقام على شخص في ميدان وكان منظر صعب على حد في سني


اقتباس:
قولي عيوب كل من (مع حفظ الالقاب
اقتباس:
)

بدر
Essam Assem
Mero1x
العربى
الأفوكاتو
smsmn8888
كريم الكرانى
وانا كمان بالمرة
طبعا الاسئلة زي دي بتتجاوب بدبلوماسيه زي ما عمل كريم الكراني ^_^
او ممكن اعمل نفسي مش واخد بالي , انت اختار وبعدها هجاوبك



اقتباس:
السؤال الثانى
بما ان كل واحد بيقول للتانى فين هديتى
فين هديتى انا كمان
اي حد عايز هديه عند ابو بدر

اقتباس:
ايه ظروف شغلك المزعله الناس منك دى
بحكم ان شغلي ملهوش مواعيد محدده وان احيانا بيكون الشغل مفاجيء, او في عطل فني او مشكله لازم حلها ومبكونش عارف هخلصها امتى فدا بيخليني احيانا مقدرش ارتبط بمواعيد خروج او مقابله مع حد كتير ودا بيزعل ناس مني
بالاضافة طبعا التلفون بيعملي توتر, خاصة لما يكون في عميل في الشغل رخم شويه وشغالي اتصالات فا اغلب الوقت بكون عامله صامت وحاطه في درج المكتب


اقتباس:
شعورك اية لما كريم طلبك للدعم الفنى هنا فى الرابطة
بصراحه اتحمست للفكره جدا, خاصة بعد ما اتعرض موقع الصيد في مصر للبيع لان بحكم شغلي في المجال ده كنت متوقع وعارفه ايه الي هيحصل بعد عرضه للبيع, وتوقعت المشاكل الي حصلت
وكنت شايف ان الرابطه بديل للهواية الجميله الي هي الصيد

اقتباس:
اية اكبر مقلب خته فحياتك
مش فاكر بصراحه

اقتباس:
اية اكتر موقف محرج اتعرضتله
في مواقف كتير بصراحه بس اخرهم واكبرهم من سنتين تلاته كده ,والدتي صحتني من النوم وقالتلي تعال انا جمب المسجد الفلاني البس وتعال بسرعه, انا طبعا الادرنلين ضرب في نفوخي انا قولت حاجه حصلت لبست بسرعه جدا ولا غسلت وشي ولا سرحت شعري واخدت معايا حاجه في جيبي ونازل على اساس اقتل حد النهارده, وروحت ولقيت الوالده واقفه ومعاها بنت(مخدتش بالي منها غير في الآخر) واتاري الوالده جايبالي عروسه وكانت عايزاني اشوفها
طبعا انا كنت في قمة الاحراج من منظري والطريقة الي قابلتها بيها هههههههه
والوالده الله يسامحها بتعمل فيا من دا كتير


اقتباس:
ايه اكتر موقف ضحكت فية
لينا واحد صاحبنا طوله بتاع 190 سم او اكتر, وجسم قوي وحاجه كده زي الحيطه
وكان قاعد معايا في البيت وانا عندي قطه , ومكنتش اعرف انه بيخاف من القطط لدرجة الهستريا وتخيل المنظر لما واحد بالحجم ده يطلع فوق السرير وخايف من قطه ويزعق علشان اطلعها وكانه شاف اسد قدامه وانا شوفت المنظر ده وفطست من الضحك اليوم ده ضحكت لحد ما نفسي اتقطع :1245524850otmh26748وكل ما افتكر الموقف ده اضحك


اقتباس:
ايه اكتر موقف ندمت على عمايله
في حجات اكيد كلنا عملناها في حياتنا وبنندم عليها, بس اعذرني من الاجابة على السؤال ده

اقتباس:
اية السؤال المعجبكش فى اللعبه كلها
السؤال الي قبل ده ههههههههه, لان دايما الواحد بيحاول ينسى المواقف الي ندم عليها وميحبش يفتكرها ^_^

اقتباس:
االحاجات دى بترمزلك باية(الليل والنجوم والبحر واللون الاحمر واللون الاسود)
الليل: الهدوء
النجوم:الابداع
البحر:التأمل
اللون الاحمر:الكراهيه
اللون الاسود:الغموض
  رد مع اقتباس مشاركة تمت مراقبتها
الأعضاء الذين قالوا شكراً لـ Gamo على المشاركة المفيدة: