الساده اعضاء المنتدي و السادة زوار الموقع ، في حالة وجود أي مشكلة في التسجيل بالموقع او إستعادة كلمات السر برجاء التواصل برساله علي الواتس آب علي رقم 01001045545 الخاص بصاحب الموقع الأستاذ كريم الكراني. |

 
العودة   رابــطة الصــيد و الرمــاية > أسلحة الصيد > ورشــــة أسلحة الصيد
 
ورشــــة أسلحة الصيد قسم يهتم بصيانة و تعديلات البنادق و حل المشاكل الشائعة.

الموضوع سيتم تحديثة آليا كل 600 ثواني(s). Automatic thread refreshing has been stopped because you appear to be idle. Un-Idle - إعادة تحميل
إضافة رد
 
أدوات الموضوع انواع عرض الموضوع
قديم 01-30-2016, 09:09 AM   رقم المشاركة : [21]
حازم عبدالعزيز
صياد فعـــــال
 
مزاجي
رايق
شكراً: 14
تم شكره 18 مرة في 16 مشاركة

الملف الشخصي




حازم عبدالعزيز صياد نشيط بالرابطةحازم عبدالعزيز صياد نشيط بالرابطة
 
 
 الأوسمة و جوائز
 بينات الاتصال بالعضو
 اخر مواضيع العضو

حازم عبدالعزيز غير متواجد حالياً

افتراضي رد: حل نهائى لمشكلة عدم دقة الكرال

وهل فيه حل لصوت ارتطام الحديد فى الشادو 1000
التوقيع حازم

  رد مع اقتباس مشاركة تمت مراقبتها
قديم 01-30-2016, 07:18 PM   رقم المشاركة : [22]
Mustafa Amer
نائب مدير الموقع
 
مزاجي
افكر
شكراً: 4
تم شكره 162 مرة في 146 مشاركة

الملف الشخصي




Mustafa Amer صياد متألق بالرابطةMustafa Amer صياد متألق بالرابطةMustafa Amer صياد متألق بالرابطةMustafa Amer صياد متألق بالرابطةMustafa Amer صياد متألق بالرابطة
 
 
 الأوسمة و جوائز
 بينات الاتصال بالعضو
 اخر مواضيع العضو

Mustafa Amer غير متواجد حالياً

افتراضي رد: حل نهائى لمشكلة عدم دقة الكرال

مجهود جيد جدا و ننتظر حد ينفذ و يقولنا نتيجة ايجابية
التوقيع --------------------------------------------
تحياتي و بارك الله فيكم

مصطفى عامر
من مواضيعي في هذا القسم Mustafa Amer


  رد مع اقتباس مشاركة تمت مراقبتها
قديم 03-13-2016, 11:23 PM   رقم المشاركة : [23]
مؤمن براكودا
تاجر مُعتمد بالرابطة
 
مزاجي
رايق
شكراً: 0
تم شكره 21 مرة في 14 مشاركة

الملف الشخصي



مؤمن براكودا صياد نشيط بالرابطةمؤمن براكودا صياد نشيط بالرابطة
 
 الأوسمة و جوائز
 بينات الاتصال بالعضو
 اخر مواضيع العضو

مؤمن براكودا غير متواجد حالياً

افتراضي رد: حل نهائى لمشكلة عدم دقة الكرال

اقتباس:
المشاركة الأصلية كتبت بواسطة مستر بام مشاهدة المشاركة
انا كنت كاتب الكلام ده في كومنت بس اخدت منه كوبي وقررت اعمله موضوع مستقل علشان الكل يستفاد.... ولو ان الرد جاي متاخر اوي بس انا عارف علاج الكرال بالنسبة للدقه وعدم التشكيل وكل واحد عنده كرال يعمل اللي هقوله ده ويشوف النتيجه ولو ماكنتش النتيجه دقه عاليه زي دقة الشادو بالظبط يبقي بحق.... اولا لازم تركبلها سوسته اصليه وطبعا مش عايز اقول كل السوست الموجوده حاليا سوست مضروبه انما اللي مش لاقي سوسته اصليه بتاعة شادو او cfx يجيب سوسته بتاعة الديانا 52 او بتاعة ال 350 ماجنوم المضروبه لان المضروب بتاع الديانا سلكه اتخن ونوع سلكه افضل من المضروب بتاع الجاموهات ويقصها ويخليها 31 حلقه بس وده لان في حدافه طويله لسه هنركبها طول راسها 1 سم وللعلم لو زودت عن 31 حلقه وانت مركب حدافه هتلقط تعشيق معاك اه بس مافيش دقه كويسه لان الزناد هيبقي تقيل وقوة انفلات السوسته هتبقي اقوي... سامع حد بيقولي وهي الحلقه الواحده تفرق يعني لو خلينا السوسته 32 حلقه؟ وده هقوله انا جربت بنفسي واكتشفت ان سوسته الديانا اللي انت هتركبها لو مركب حدافه يبقي لازم تكون 31 حلقه لاعلي دقه والكلام ده عن عدة تجارب مش تجربه واحده لعدد الحلقات ... تاني حاجه بقي اننا نركب حدافه طويله والمنتدي هنا فيه موضوع موجود فيه مواصفاتها... وبرضه سامع حد بيقولي ان الحدافه طبعا علشان السوسته ما يحصلهاش انحناء صح؟ وده هقوله لااااااااااا مش صح بالظبط انت فاهم نص الحكايه بس انما السبب مش كده وبس انما لان وزن بستم الكرال خفيف مش زي بتاع الشادو والحدافه الطويله هنا وزنها بيعوض خفة وزن البستم بتاع الكرال اثناء الانفلات فبيديله ثبات ودقه .... تالت حاجه بقي تجيب جلبة بستم حلوه وتركبها وفكك من الهري بتاع عايز اداء عالي هات الجلبه الاصليه الصفرا بتاعة الشادو ودي هتديك دقه وبدنجان اللي مش عارف ايه... كل ده عن تجربه هبل في الجبل لاني جربت بنفسي اداء الجلبه الاصليه الصفرا واداء الجلبه التركي البيضا... سامع برضه حد بيقولي ماهو يمكن الجلبه الصفرا بتاعه الشادو اللي انت جبتها وجربت بيها كانت مضروبه وده هقوله لا مش مضروبه لاني شاريها بفيزا من موقع انجليزي وجيالي شحن واشتريت واحده تانيه اصليه من هنا في مصر من محمد فتح الله ب 100 جنيه وطلعت هي هي نفس اللي جبتها شحن وتم تجربه الجلبتين الصفر الاصليين دول والمقارنه بالجلبه التركي البيضاء وكان الاداء واااااااحد ومنحني رمايه ثابت هو هو بدون تشكيل وده بعد عمل كل التعديلات اللي في كلامي اللي فات و اللي جاي ده.... بس لما تيجي تشتري الجلبه التركي نقي واحده مافيهاش اي تأكل في الحروف بتاعتها ومافيهاش اي خدوش بالبلدي كده استنضفلك جلبه.... رابع حاجه بقي راجع علي جلبة بيت الرش وفكك برضه من الهطل بتاع تنفخ في الماسوره او انك تشفط وتحط لسانك ده برضه هبل في الجبل والسبب ان قوه ضغط الهوا اثناء ضرب الرشه وهل بتنفس وله لا مش هيبقي في قوة نفخ بقك لما تنفخ في الماسوره والطريقه الوحيده لمعرفة كفاءة جلبة بيت الرش هي بالنظر لما تكسر الماسوره بص علي الجلبه بتاعة بيت الرش هل هي اعلي من داير الرشه وله لا... ولو كانت مش اعلي لازم تغيرها ولو مالاقتش جلبه بيت رش تشتريها هات خرطوم انبوبه بوتجاز وقشره وطلع الجلده اللي جواها وركبها وقصها بكاتر هتلاقيها شغاله فولالي هههه... خامس حاجه.. اتاكد ان الوردتين اللي بين جسم الكانون والماسوره اللي هما بيدخل جواهم مسمار ربط الماسوره في الكانون مش متاكلين وده تعرفه لما تلاقي الماسوره ثابته جدا ومش بتتحرك بسيط لا يمين و لا شمال لان الوردتين دول راكبين من جوه مش هتشوفهم الا بفك الماسوره من الكانون خاااالص.... سادس حاجه انك تتاكد ان الكاتم الامامي البلاستيك مش بيلف يمين وشمال ويتحرك ولو كان بيلف اخلعه وحط نقطه امير لاصق علي الماسوره وركبه وهو هيثبت وبالنسبه للناشنكاه الخلفي لازم يتغير بواحد اسباني حتي لو كان سليم وبكرر لااااااازم يتغير بواحد اسباني بس خلي بالك النشان الخلفي الاسباني من تحت بومبيه مش مسطح زي بتاع الكرال والحل انك تفك النشنكان الجديد نصين و تسيب قاعده النشنكاه الخلفي بتاعة الكرال زي ماهي وتركب عليها النص بتاع الناشنكاه الاسباني الجديد من فوق ويفضل نشنكاه اسباني حديد ف حديد بدون فسفور والسبب ان اللي بدون فسفور بيبقي كلها حديد في حديد و ده لا يتكسر ولا يتحرك معاك مهما حصل او اتخبط... انما الفسفوري بتاع الشادو فيه جزء بلاستيك ولو اتخبط خبطه بسيطه هيلق ويتحرك فيما بعد لانه بلاستيك وهيتحرك من شده الضرب ومش هتحس انه بيتحرك علي فكره وهتغكره انه كويس وهو اصلا وحش ويخلف نشان.... ولو كان الناشنكاه الخلفي بيحك في جسم البندقيه اثناء التعمير اكحت مكان الحك بكاتر او سكينه لغاية ما يظبط ومايحكش النشكاه في الدبشك اثناء التعمير... سابع حاجه اياك والشحم الكتير لانه بيسبب التشكيل وشحم علي خفيف خالص خالص يااادوب لحسه علي جناب البستم وعلي جسم السوسته فقط... ثامنا اربط مسامير الدبشك كويس واتاكد من ثباتها... تاسعا افضل نوع رش للكرال الجامو ماتش في الاسباني والرمايه المصري في المصري..وجميع انواع الرش الانجليزي كويس معاها... تاسع حاجه نضف الماسوره كويس بادوات التنضيف... نسيت اهم حاجه معلش هههههه بص ماتعملش قاعدة سوسته تفلون او ارتلون او حديد كل ده هبل في الجبل.. هات ماسوره مياه من اي سباك نص بوصه بولي بروبلين اللي هي الخضراااااء عليك نور واقطع منها 38 ملي يعني 4 سم الا 2 ملي... سامع واحد فتك بيقولي وهو ال2 ملي هيفرقو مانعملها 4 سم وده هقوله والله ده المقاس اللي الخواجه عامله واعمل زيه وخلاص.. المهم بعد ماتقصها لف حتته شيكرتون صفيره لفه واحده علي اخر الاكس بتاع قاعدة السوسته لتقليل القطر الداخلي للماسوره البلاستيك وبعدها ركب حتة الماسوره علشان ماتلقش وتتحرك لما تدخل في قاعدة السوسته وللعلم البولي بروبلين زيه زي التفلون والارتلون في قوة التحمل وامتصاص الصدمه وحته الماسوره دي هتشتريها ب ربع جنيه بس هههههه..... الحاجه ال 11 هي انك لازم تغير البنز بتاع الربط بين قاعدة السوسته والكانون الخارجي ببنز اطول وطبعا اقصد البنز اللي هو بتدق عليه والبندقيه في المنجله علشان تفك البندقيه... المهم لازم تعمل واحد اطول 3 ملي وتعمل جنب منه براس مبططه عند الخراط والسبب ان من كتر الضرب البنز ده بيتحرك وبيفلت من جنب وده طبعا يبوظ جسم الكانون و لما بيفلت من ناحيه واحده بيخلي القاعده بتاعة السوسته تبقي مش ثابته اثناء الضرب والبندقيه تشكل منك ... تعالي بقي جرب الدقه بعد ماتعمل اللي انا قولته ده كله والله هتلاقي دقه زي دقه الشادو 1000 بالظبط وتحدي... وللعلم انا عاشق للبام وبندقيتي الاساسيه بام وعندي كرال وكانت جناني بسبب التشكيل وبجد حطتها في دماغي لغايه ما حليت المشكله خااااالص وللعلم اى سكوب هتركبه عليها مش هيديك دقه زى لما تركبه علي الشادو والسبب ان الكرال مافيهاش استوبر غاطس لذلك مهما تظبطه هيقعد شويه ويخلف نشان معاك يعني لو عايز دقه زى ماقولت فكك من الاسكوب واضرب اوبن سايت بالنشنكاه الاسباني الاصلي الحديد واتفرج على الدقه وعموما انا من اسكندريه واى حد من اسكندريه محتاج مساعده بخصوص اى بندقيه يتصل بيا احنا خوات بس ياريت اللي يتصل يكون في فترة بعد الضهر وده لاني بشتغل محامي وبيبقي عندي محكمه كل يوم الصبح وبليل بيبقي عندى مكتب واهلا باى حد 01090340134
انا قلت بردك ان انتا اخرك تعدل كرال يا خسارة الثانية اللى داخلت فيها قريت العنوان.........
ياحبيبى يوفر فلوسة ويشترى بندقية طالما هايغير سوتة وجلبة وبستم وحدافة وكانون
وماسورة
  رد مع اقتباس مشاركة تمت مراقبتها
قديم 03-16-2016, 11:03 PM   رقم المشاركة : [24]
Mohamed sh
* صياد vip بالرابطة *
 
مزاجي
قلق
شكراً: 14
تم شكره 73 مرة في 68 مشاركة

الملف الشخصي



Mohamed sh صياد نشيط جدا بالرابطةMohamed sh صياد نشيط جدا بالرابطةMohamed sh صياد نشيط جدا بالرابطة
 
 
 الأوسمة و جوائز
 بينات الاتصال بالعضو
 اخر مواضيع العضو

Mohamed sh غير متواجد حالياً

افتراضي رد: حل نهائى لمشكلة عدم دقة الكرال

اقتباس:
المشاركة الأصلية كتبت بواسطة حسن مشاهدة المشاركة
الانبعاج يؤثر على الدقة لانه يزيد رد الفعل الجانبي
التوقيع
(ما أصابك لم يكن ليخطأك وما أخطأك لم يكن ليصيبك)

  رد مع اقتباس مشاركة تمت مراقبتها
الأعضاء الذين قالوا شكراً لـ Mohamed sh على المشاركة المفيدة:
mohamed elsawy (10-19-2016)
قديم 05-03-2016, 02:53 AM   رقم المشاركة : [25]
مستر بام
صياد
 
مزاجي
رايق
شكراً: 21
تم شكره 9 مرة في 4 مشاركة

الملف الشخصي



مستر بام صياد بالرابطة
 
 الأوسمة و جوائز
 بينات الاتصال بالعضو
 اخر مواضيع العضو

مستر بام غير متواجد حالياً

افتراضي رد: حل نهائى لمشكلة عدم دقة الكرال

يا عم مؤمن بارمودا انت ولا ليك في الصيد ببصله وطبعا اقصد صيد الاوبن سايت وانت اخرك تصطاد باسكوب بس وكمان ولا فاهم اي حاجه في الصيد وعمال تفتي وخلاص... تعالي بقي خد الكبسه ياللي بتتريق علي التعديلات بتاعتي و بتقول ان يوفر فلوسه احسن بدل مايغير اللي انا قولته في البندقية .. خد تعالي.. الحدافه ب 30 جنيه والقاعده اللي بنعملها من الماسوره البولي بروبلين بنص جنيه ودي بدل القاعدة التيفلون المكلفة وبتقوم بامتصاص رد الفعل جدااا وجلبه البستم الاصليه ب 50 والنشنكاه الخلفي المعدن ب 60 جنيه وسوسته ب 120 يبقي كده الاجمالي ماكملش 300 جنيه فين يصرف دي بقي؟ ويعني هو انت لما تبيع لواحد مش فاهم اسكوب ب 3000 جنيه مابتتكلمش ليه معاه عن غلو الاسكوب بتاعك ساعتها؟ وليه مش بتقوله اشتري بندقيه دقيقه ووفر تمن الاسكوب؟ وله علشان انت اللي بتبيعه؟ هههههه وبعدين انت اصلا ماتعرفش تصطاد باي بندقيه اوبن سايت من مسافه لانك اصلا مالكش فيها وعمرك ما اصطادت بدون سكوب ولو تحب اني اتحداك بكرال انا معدلها اوبن سايت وانت بالكوميتا بتاعتك بالاسكوب مستعد اعقدك في الرمايه قدام اعضاء الرابطه لو تحب... ولو حابب كمان الاعبك علي بندقيتك ب 5 ضربات من 60 متر مقاسه بالمتر الليزر وانا قد كلامي اني هلعب علي بندقيتي و هضرب اوبن سايت ونشوف تجميع مين فينا اللي يكسب.... وبعدين هو في حاجه اسمها اني اخري اعدل كرال يا ابو سكوب انت؟ هو انت مش فاهم ان اللي يعدل كرال وياخد منها دقه يعرف يعدل pcp لو عايز يا عم المبتدئ ههههه قولي صحيح. .. انت لسه بتجيب تلسكوبات مضروبه بملاليم وتبيعها بالف ونص واكتر للمبتدئين؟ لاني اعرف ناس مبتدئه انت ضحكت عليهم وخمتهم باسكوبات مضروبه بتخلف نشان بعد ضربتين بس وبعدين انت واحد ماتعرفش في الصيد غير انك تجيب بندقيه ماركه مشهوره بالدقه زي الكوميتا او جامو وتلطع عليها الاسكوب الكريم بتاعك وتغير المسامير بتاعة القاعده الطويله وتحطلهم لوك وتعدل الصليبه بميزان مايه والسلام عليكم ورحمة الله وبركاته ومفكر ان ده كده انت صياد ماحصلتش ههههههه عموما انت ماتعرفش تصطاد بكرال اصلا لانها عايزه محترف علشان تعرف تضرب بيها بدقه و انت لو عايز تبقي صياد كويس اقرأ عن منحني المقذوف والجول ووضعيه الضرب الحره لامتصاص رد الفعل و اتعلم تضرب اوبن سايت من مسافات وبعدين تعالي اتنطط عليا يا عم يابو سكوب انت هههههههههه هههههه قال اخري اعدل كرال قال... ده انا ممكن اعدلك انت شخصيا واصطاد بيك ههههههههه واهدي بقي ها؟ اهدي ومش اي موضوع تلاقيه هنا انه هيقلل مبيعات الاسكوبات المضروبه بتاعتك تقوم تدخل تهاجم صاحب الموضوع اللي بيتكلم عن الدقه بالاوبن سايت وده علشان توهم المبتدئين ان الحل للدقه هو الاسكوب وتبيعلهم الاسكوبات المضروبه او انك تلاقي موضوع مهم وعليه اقبال تقوم تدخل تقول اي كلام علشان تعمل حجه و تحط في التوقيع علي الموضوع رابط اعلان ليك علشان تعلن عن التلسكوبات البايظه بتاعتك في الموضوع يا ابو سكوب وبعدين اعتقد انك مش فاهم كلامي ده اصلا لان واضح من طريقة كتابتك انك خريج معهد لاسلكي بالكتير. .. يعني كاتبلي قلت؟ ودي بتتكتب كده.. قولت مش تتكتب قلت. . وكاتبلي انتا.. اسمها انتا؟ ههههه وله بتتكتب انت؟ وكاتبلي هاتغير.. ودي بتتكتب هتغير.. مافيهاش الف يعني... وللعلم انا بكتب عاميه برضه دلوقتي... وبعدين انا قولت ف موضوعي ان اللي يعدل البندقية يغير كانون وماسوره؟ ههههه عموما اتعلم تقرأ وتكتب عربي صح علشان تفهم كلام الناس صح. . . وبعدين انا مش عارف فين الناس الادمنز بتاعة المنتدي؟ يعني ماحدش دخل قاله عيب وكتر خير الراجل انه قعد يكتب كل ده للاعضاء وسايبينك تغلط فيا وتقولي انت اخرك تعدل كرال وتقولي يا حبيبي وتقولي ضيعت وقتك انك دخلت الموضوع وداخل كمان تحط اعلان ليك في موضوعي لاسكوباتك البايظه . ..
  رد مع اقتباس مشاركة تمت مراقبتها
قديم 05-03-2016, 03:44 AM   رقم المشاركة : [26]
مستر بام
صياد
 
مزاجي
رايق
شكراً: 21
تم شكره 9 مرة في 4 مشاركة

الملف الشخصي



مستر بام صياد بالرابطة
 
 الأوسمة و جوائز
 بينات الاتصال بالعضو
 اخر مواضيع العضو

مستر بام غير متواجد حالياً

افتراضي رد: حل نهائى لمشكلة عدم دقة الكرال

اقتباس:
المشاركة الأصلية كتبت بواسطة حازم عبدالعزيز مشاهدة المشاركة
وهل فيه حل لصوت ارتطام الحديد فى الشادو 1000
مش فاهم قصد حضرتك هل هو علي صوت زنه بتسمعه اثناء انفلات البستم؟ وله صوت قصدك صوت اصطدام البستم بالكانون في نهايه مشواره بيبقي عالي؟
  رد مع اقتباس مشاركة تمت مراقبتها
إضافة رد

مواقع النشر (المفضلة)
الموضوع سيتم تحديثة آليا كل 600 ثواني(s). Automatic thread refreshing has been stopped because you appear to be idle. Un-Idle - إعادة تحميل

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة



المواضيع المتشابهه
الموضوع كاتب الموضوع المنتدى مشاركات آخر مشاركة
سعر نهائى ممنوع الفصال poom الموضوعات العامة 7 03-21-2013 04:52 PM
الحل النهائى لمشكلة كسر قواعد مسامير الدبشك ( وثبات المسامير ايضا) القبطان المصرى77 ورشــــة أسلحة الصيد 23 02-07-2013 12:29 PM
كل يوم حل لمشكلة معينة فى الكمبيوتر mman2005 الموضوعات العامة 7 03-01-2012 02:40 PM


الساعة الآن 04:20 PM


جميع الحقوق محفوظة لمنتدى رابطة الصيد والرماية.
. v1.1.1 (Pro).

Security team