برجاء من السادة أعضاء المنتدي و المشتركين بكارنيهات الرابطة ( الدفعة الثانية ) 2017 التواصل علي الموبايل 01001045545 لإستلام الكارنية. |

 
العودة   رابــطة الصــيد و الرمــاية > أسلحة الصيد > الأسلحــة الهوائيـة و ذخائرهــا
 
الأسلحــة الهوائيـة و ذخائرهــا قسم خاص بالبنادق الهوائية و أنواع ذخائرها.

إضافة رد
 
أدوات الموضوع انواع عرض الموضوع
  رقم المشاركة : [1]  
قديم 01-03-2012, 06:41 PM
 
Ahmed77
صياد
مزاجي
رايق
شكراً: 38
تم شكره 28 مرة في 8 مشاركة

 الأوسمة و جوائز
 بينات الاتصال بالعضو
 اخر مواضيع العضو
  Ahmed77 غير متواجد حالياً  
الملف الشخصي






Ahmed77 صياد بالرابطة
 
افتراضي

المنتدى الجميل ده لقيته امبارح بس و لمل قرأت فيه شوية فكرنى بالذي مضى و حبيت اكتب موضوععن حاجات كتير اتعلمتها فى عمر طويل قضيته فى هواية ضغط الهواء. انا اتولدت فى عيلة غاوية صيد و ضربت اسلحة نارية من عمر 10 سنين بس لقيت نسي باتجه للرش بحب حقيقي واحترام للتصميم الى قوته ودقته العامل الأكبر فيها البندقية نفسها عكس الأسلحة النارية الى بيعتمد ادائها بنسبة اكتر على الطلقة.

احب ابتدى بطريقة تحديد قوة البندقية. معظم البنادق بيكون مكتوب معاها السرعة الأبتدائية للطلقة بالقدم او المتر فى الثانية. ده اسلوب تجارى مش دقيق. الشركات بتستعمل طلقات خفيفة جدا لتحقيق اعلى سرعة, لكن عند استعمال طلقات عادية السرعة بتنخفض. لذلك النظام الأسلم و المعتمد فى القانون الأوروبي هو الطاقة الابتدائية او ال muzzle energy. طريقة حسابها هى السرعة بالقدم مربعة فى وزن الطلقة مقسومة على 450240.

فمثلا الديانا 52 و 48 و 54 نمرة 2 سرتها الأبتداية 755 قدم\ثانية بطلقة RWS Hobby وزنها 12 جراين فتكون قوتها = 755x755 x12 مقسومة على 450240 = 15 fpe
القانون بيستعمل المقياس ده. فى بريطانا الحد الاقصى لقوة البندقية الرش التى يمكن امتلاكها بدون رخصة هو 12 fpe و فى المانيا 5.3 fpe و فى الولايات المتحدة مافيش اى حد اقصى.

فى بنادق الرماية مش مطلوب قوة كبيرة لان الغرض عمل ثقب فى ورقة الهدف على بعد 10 متر ولذلك بنادق الرماية غالبا قوتها فى حدود 6 fpe. دى صورة بندقيىه رماية اوليمبية



في الصيد الطاقة المطلوبى بتكون اعلى و على الأقل 10 fpe لصيد الطيور على مسافات قريبة و 15 fpe فما فوق لصيد الأرانب و الحيوانات الصغيرة. للفنص عى المسافات البعيدة يفضل الطلقات الأثقل وزنا لأنها بتحتفظ بالسرعة افضل بسبب الكثافة المقطعية. الطلىقة الخفيفة لها سرعة ابتدائية عالية و لكن تفقد السرعة بسهولة. لو كورت ورقة و رميتها اخرها 5 متر بس لو زلطة بنفس الحجم هاتبعد كتير. الكثافة و الوزن بتعطى قدرة للمقذوف على الاحتفاظ بالطاقة الحركية kinetic energy و اختراق مقاومة الهواء

انواع البنادق 4 تقسيمات اساسية

1 السوستة spring power
2 الهواء المخزون pneumatic / PCP pre-charged pneumatic
3 السوستة الغازية GAS RAM
4 البروكوك BROCOCK
5 ثانى اوكسيد الكربون

السوستة

دى الأبسط و الارخص و الأكثر انتشارا. دى بتعتمد على سوستة معدنية بتدفع كباس (بستون) فى نهايته كاوتشة لحبس الهواء و فى النهاية الهواء بيضرب الرشة و يطلقها. دى رسمه مبسطة



طبعا ابسط اشكالها بنادق كسر الماسورة زى الرمسيس و فى الحالة دى الماسورة نفسها هى زراع التعمير, و فيه انواع الماسورة فيها ثابتة و لها زراع تعمير سفلى زى BSA Air Sporter او جانبية زى الديانا 48 52

مميزات بنادق السوستة ان عندها اكتفاء ذاتى و مابتحتاجش مصدر خارجى للطاقة مثل الانواع الاخرى و انها بسيطة و رخيصة. عيوبها ثقل الوزن لوجود سوستة ضخمة و بستون معدى. و رد الفعل الى بيقلل الدقة. و ان السوستة بتتعب و تحتاج تغير. و ان فيه اهتزاز بيحصل لما المعدن يخبط فى بعضه وده بيبوظ التليسكوبات الرخيصة و بيخلى التليسكوب يتزحلق للوراء

القوة المتوسطة لبنادق السوستة من 9 الى 13 fpe. و اعلى من كدة ممكن بس مشاكله بتكتر. مثلا الديانا 48 52 علشان توصل لطاقة 15 او 16 حطو فيها سوستة ناشفة جدا بتتكسر بسهولة لو البندقية ضربت بدون طلقة فى الماسورة. برضو النوريكا جيت فيها سوستة مبالغ فيها و النتيجة اهتزاز و رد فعل عالى بيخلى التنشين الدقيق بيها صعب.

اقوى بندقة سوستة فى العالم هى بندقية صناعة يدوى انجليزى اسمها Whiscombe المهندس الى بيصنعها اسمه جون ويسكمب انا قابلته و اتكلمت معاه و كان نفسى اشترى واحدة بس خفت ماعرفش ادخلها مصر. دي صورتها



البندقية دى قوتها 29 fpe ودى اعلى قوة لبندقية سوسته فى العالم. ميزة البندقية دى ان فيها 2 كباس فى ماسوره كبيرة تحت الماسورة العدية. ال2 كباس دول بيتحركوا عكس بعض و يخبطوا فى بعض فى النص و الهوا المحبوس بينهم يطلع فوق على الماسورة العادية و يطلع الطلقة. بخلاف ان النظام ده بيولد قوة مضاعفة, البندقية دى مالهاش رد فعل لأن البستن الأولانى بيخلى البندقية عايزة تقفز للخلف, و البستن التانى الى بيتحرك عكسه بيخليها عايزة تقفز للامام و بكدة بيلغوا بعض و النتيجة بندقية بدون رد فعل. اختراع عبقرى بس مشكلته ان وزن البندقية عالى جدا

فيه بنادق سوستة تانية مالهاش رد فعل زى الديانا 54 و فيها الجزء المعدنى محمل على مجرى و لما يتحرك للوراء بيجرى على المجرى و يضيع بدون الوصول لكتفك. عيبها طبعا لو عينك قريبة من التليسكوب هاتاخد خبطة تمام زى ما حصللى وانا صغير و والدى شاف عينى المزرقة و افتكرنى اتضربت فى المدرسة

البندقية السوستة الأفخم و الأرقى فى العالم و دى كانت حلم حياتى بس كالعادة مابتتباعش فى مصر و مكانش فيه طريقة ادخلها من غير ماتتبهدل. دى انجليزى ماركة Air Arms و اسمها برو سبورت pro-sport





دى قوتها 15-16 fpe و مصنوعة بدقة و مواد اعلى من المستخدمة عادة فى بنادق ضغط الهواء و فيها ماسورة من مصنع لوثار والتر و نظام زناد بجودة البنادق الأولمبية. الشركة بترفض تحط لها نشنكان مفتوح علشان مايبوظش شكلها الجمالى و بوجه عام بتعتبرالرولز رويس بتاعة اسلحة ضغط الهواء

اخيرا اشهر بنادق السوستة و اكثرها نجاحا هى الفالك Falke و ال BSA AIR SPORTER و الفايروخ 77 و الفايروخ 80

الهواء المخزون


دى بنادق منتشرة اكثر فى البلاد الغنية لأرتفاع اسعارها. فى النوع ده مافيش سوستة ولا كباس. بيبقى فيها مخزن هواء بيتملى بمنفاخ او كمبرسور او انبوبة غطس و يخرج الهواء شوية شوية مع كل طلقة. حركة التعمير فى البنادق دى بتكون بسيطة زى بنادق الرصاص و معظمها بيكون فيه مخزن بيشيل 10-12 طلقة لسرعة الاطلاق بشد الأجزء فقط.

مخزن الهواء بيبقى نوعين. نوع بيبقى انبوبة ثابتة تحت الماسورة زى الصورةدى



او الخزان بيكون زجاجة بتنفصل عن البندقية و يعاد تركيبها زى الصورة التالية



الأنبوبة الثابتة سعتها اكبر و شكلها اجمل بس لما تملاها و تطلع تصطاد يومك هاينتهى بنهاية الهواء المخزون. اما الزجاجة المنفصلة فهى شكلها عبيط و سعتها اصغر, بس ممكن تاخد معاك 2 او 3 قزايز مليانة و لما واحدة تفضى تفكها و تركب واحدة تانية و تكمل صيد

ميزة بنادق الهواء المخزون ان مافيهاش سوستة او معدن بيخبط و لذلك مالهاش ر فعل اطلاقا و التنشين الدقيق بيها اسهل بكتير من بنادق السوستة. و ميزة اكبر ان قوتها اعلى بكتير فمعظمها بيولد 30 fpe وبتوصلل ارقام طاقة مهولة اقوى بكتير من المسدسات الحى و العيارات النارية الصغيرة مثل .22 و اكبر ميزة هى سرعة توالى الطلقات لأنك بتضرب و بعدين تشد الاجزاء بسهولة و تضرب تانى و هكذا حتى تفرغ خزنة الطلقات. البنادق الجيدة قادرة على اطلاق 60 او 70 طلقة فى كل ملية لخزان الهواء. اخر ميزة انك ممكن تعمرها و تفضل مستنى الهدف او الطريدة ساعت و مايحصلش حاجة. فى بنادق السوستة تركا معمرة لوقت طويل يضعف السوستة.

عيوب البنادق الهواء المخزون انك محتاج مصدر خارجى لمليها بعد كل 60 او 70 طلقة, انها غالية, ان شكلها و طريقة شد الأجزاء قريبة من البنادق النارية الحى مما قد يسبب مشاكل, وان صوتها عالى نتيجة ان الطلقات بتكون اسرع من الصوت فى البنادق الاقوى وده بيعمل فرقعة ناتجة عن كسر حاجز الصوت. لما كنت فى انجلترا استعملتها بكاتم صوت و كانت متعة لايمكن توصف و لكن للأسف كاتم الصوت ممنوع قانونا فى معظم دول العالم حتى امريكا. الدولة الوحيدة الى زرتها الى كواتم الصوت فيها مسموحة هى انجلترا



بنادق الهواء المخزون بتوفر مساحة كبيرة للأختراع. مثلا فيه بنادق فيها عداد بيعرفك فاضل فيها هواء قد ايه



و فيه بنادق تانية فيها زناد الكترونى و تحكم بقوة الطلقة كأنه كمبيوتر. فممكن الطريده تكون قريبة فتدخل للشاشة انك عاوز طلقة بقوة 15 fpe فقط وتضرب و بعدين تلمح هدف على بعد 150 متر فتقوم مدخل للشاشة انك عايز قوة 50 fpe وتقوم بقنصه. مثال فى الصورة التالية





اقوى بنادق الهواء المخزون غير معروفة لوجود عدد غير محدود من المصنعين الكبار و الورش الصغيرة ولكن انا شخصيا استعملت بندقية Barnes Pneumatic قوتها 830 fbe يعنى اقوى من الديانا 52 بخمسة و خمسين ضعف!!

ارقى و افخم البنادق من النوع ده عليها خلاف بس اغلب الناس بيعتبروا Daystate تحفة فى التصنيع و جمال المواد. صناعة انجليزى و الدبشك ايطالى

اشهر و انجح البنادق هى air arms s410 , فايروخ HW100 , بي اس ايه سوبر 10, و Sam Yang وهى صناعة كورية

ملحوظة سريعة: يوجد نوع من هذه البنادق به منفاخ متصل بالبندقية. فى هذا النوع تقوم بكبس الهواء 8 او 10 مرات ثم تطلق الطلقة ثم تكبس الهواء من جديد لتطلق طلقة اخرى. النوع ده متعب و بطيئ علشان كدة شبه منقرض. مثال فى الصورة التالية




البروكوك

ده نوع من بنادق و مسدسات ضغط الهواء اخترعته شركة Brocock الأنجليزية و كان اختراع مدهش. فى نظام البروكوك عندك طلقة نحاس شبه الطلقه الحيىة بالظبط. الطلقة النحاس دى بتملاها هواء بمنفاخ و بعدين تركب عليها طلقة رش عادية و تقفلها و كدة بقى معاك رصاصة زى الحى بس بدل البارود فيه هواء مضغوط. الصور دى بتوضح تركيب الطلقة




بعد ما تجهز الطلقات بتحطها فى خزنة زى الرصاص الحى بالظبط و تدخلها فى البندقية البروكوك و ابرة ضرب النار بتطلق الهواء المخزون و بعدين تشد الأجزاء ترمى الطلقة الفاضية و تسحب الى بعدها. دى صورة بندقيىة brocock predator



مميزاتها ان البندقة خفيفى جدا لان مافيش سوست و لا مكبس و لا مخزن و لازجاجة هواء. و سهلة جدا فكها و تزييتها زى اى بندقية ماوزر حى. و تقدر تعبى الف طلقة و تاخدهم معاك و انت رايح تصطاد. النوع ده الوحيد الى مالوش عيوب

للأسف الحكومة البريطانية قررت انها تغير القانون و تمنع البروكوك لسهولة تحويل البنادق لحى بواسطة المجرمين و طلبت من المواطنين تسليم البنادق و المسدسات لشراؤها منهم او اعطابها ثم ترجيعها للمالك للأحتفاظ بيها. دى كانت ضربة قاضية للشركة و دلوقتى شركة بروكوك بتعمل بنادق خزان هواء عادية خايبة و ماحدش بيشتريها و التصميم الأصلى شركات صينية اشترته بس انتاجها ردئ و فيه خطورة على الصياد علشان كدة ممنوع استيراده فى الدول المتحضرة بيتباع فى بعض دول العالم الثالث

ثانى اوكسيد الكربون

وده نوع معظمنا عارفه. بيبقى عبارة عن انبوبة انى اكسيد كربون متبرشمة بتشتريها و تركبها على البندقية او المسدس و بتكسر البرشام ولما تفضى ترميها. فيه الأنبوبة الصغيرة المعروفة



و فيه انبوبة اكبر بتولد قوة اكبر





النوع ده قوته محدودة حوالى 10 fpe. مميزانه خفة الوزن و سرعة تتالى الطلقات, عيوبه سعر الأنابيب و ان الأداء مش ثابت لأن ثانى اكسيد الكربون السائل فى الانبوبة بيتأثر بتغير درجة الحرارة. البنادق دى بتعتبر اساسا للتنشين على الكانز و التسلية و نادرا انها تستخدم فى الصيد. انجحها Benjamin Buccaneer



السوستة الغازية

النوع ده مطابق للسوستة العادية بس بدل السوستة المعدن فيه مكبس مزنوق فيه هواء او غاز ولما المكبس بينضغط الغاز بيبقى عايز بتفرد تانى زى السوستة المعدنية بالظبط. صورة السوستة الغازية



النوع ده له نفس مميزات السوستة العادية بس بدون 2 من عيوبها: اولا مابيضعفش زى السوستة المعدنية لأنه غاز. ثانيا ممكن يفضل متعمر ساعات و ايام بدون مشاكل.

شركة واحدة بتنتجه اسمها Theoben فى انجلترا و شركات تانية بتبيعة باسمها زى Beeman فى امريكا. النوع ده قوى جدا و بينتج 30 fpe بس تعميره صعب و رد فعله قوى جدا على الكتف. دى صورة THEOEBN ELIMINATOR



اتمنى تكونوا استمتعتم بقرأة الموضوع
رد مع اقتباس مشاركة محذوفة
12 أعضاء قالوا شكراً لـ Ahmed77 على المشاركة المفيدة:
adel152 (05-04-2012), محمد طه (01-08-2012), هيثم موسي (04-29-2013), ammaruk2000 (01-04-2012), Andria (01-05-2012), وليد عبد العزيز (06-22-2016), المقروش (09-14-2015), elnawawy (03-06-2012), Golden Sniper (01-04-2012), sameer (01-04-2012), The SNiPeR (11-14-2012), Yousef A. Raafat (01-03-2012)
قديم 01-03-2012, 07:46 PM   رقم المشاركة : [2]
Essam Assem
قنـــاص مــتمـيز
 
مزاجي
رايق
شكراً: 424
تم شكره 1,075 مرة في 564 مشاركة

الملف الشخصي




Essam Assem شخصية مميزة بالرابطةEssam Assem شخصية مميزة بالرابطةEssam Assem شخصية مميزة بالرابطةEssam Assem شخصية مميزة بالرابطةEssam Assem شخصية مميزة بالرابطةEssam Assem شخصية مميزة بالرابطة
 
 
 الأوسمة و جوائز
 بينات الاتصال بالعضو
 اخر مواضيع العضو

Essam Assem غير متواجد حالياً

افتراضي رد: اسلحة ضغط الهواء, انواعها و مواصفاتها

بسم الله ما شاء الله اة الشغل الجامد دة وتقريبا كدة الرابطة زاد فيها خبير فنى جديد وواضح جدا انة قديم فى نفس الوقت وخبرة لا بأس بها فى البنادق الهوائية
اولا بطلب من حضرتك انك متحرمش اخوانك من الاعضاء من مواضيع مماثلة وحتى نكتسب من خبرات حضرتك
ثانيا حضرتك اضافة قوية جدا لموقع الرابطة واحنا اتشرفنا فعلا بوجودك معانا ونتمني استمرارك وتفاعلك معانا دائما

وتسلم ايدك على الموضوع الجبار والحصرى ،
وتحياتى لشخصك الكريم وللجميع.
التوقيع
يجب ان ندخل الى قلوبنا حب هذه الهواية التي كانت وستبقى عنوانا للرجولة وتعكس اخلاق الصياد العالية فى حياتنا اليومية وعلى هذه الصفحات الالكترونية
[SIGPIC][/SIGPIC]
من مواضيعي في هذا القسم Essam Assem


  رد مع اقتباس مشاركة تمت مراقبتها
الأعضاء الذين قالوا شكراً لـ Essam Assem على المشاركة المفيدة:
Ahmed77 (01-03-2012)
قديم 01-03-2012, 07:50 PM   رقم المشاركة : [3]
Ahmed77
صياد
 
مزاجي
رايق
شكراً: 38
تم شكره 28 مرة في 8 مشاركة

الملف الشخصي




Ahmed77 صياد بالرابطة
 
 
 الأوسمة و جوائز
 بينات الاتصال بالعضو
 اخر مواضيع العضو

Ahmed77 غير متواجد حالياً

افتراضي رد: اسلحة ضغط الهواء, انواعها و مواصفاتها

كلك ذوق يا عصام باشا. خلاص المكان ها بقي بيتى و راشقلكم علي طول
  رد مع اقتباس مشاركة تمت مراقبتها
5 أعضاء قالوا شكراً لـ Ahmed77 على المشاركة المفيدة:
Essam Assem (01-03-2012), Golden Sniper (01-04-2012), sameer (01-04-2012), كريم الكراني (01-03-2012), Yousef A. Raafat (01-03-2012)
قديم 01-03-2012, 07:59 PM   رقم المشاركة : [4]
كريم الكراني
☠ 💀 الإدارة 💀 ☠
 
مزاجي
افكر
شكراً: 1,856
تم شكره 3,202 مرة في 1,695 مشاركة

الملف الشخصي




كريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.com
 
 
 الأوسمة و جوائز
 بينات الاتصال بالعضو
 اخر مواضيع العضو

كريم الكراني غير متواجد حالياً

افتراضي رد: اسلحة ضغط الهواء, انواعها و مواصفاتها

تسلم أيدك يا أ / أحمد علي الموضوع المفيد و ربنا يزيدك من علمة و نتمني أن نري لك موضوعات مفيدة و عديدة لتعم الفائدة علي الجميع و يستفيد الأعضاء من خبرات حضرتك و بالتوفيق دائما و تحياتي لك.
  رد مع اقتباس مشاركة تمت مراقبتها
الأعضاء الذين قالوا شكراً لـ كريم الكراني على المشاركة المفيدة:
Ahmed77 (01-03-2012)
قديم 01-03-2012, 08:39 PM   رقم المشاركة : [5]
Hesham.M
صياد مُتـألــق
 
مزاجي
رايق
شكراً: 49
تم شكره 186 مرة في 156 مشاركة

الملف الشخصي




Hesham.M صياد نشيط جدا بالرابطةHesham.M صياد نشيط جدا بالرابطةHesham.M صياد نشيط جدا بالرابطة
 
 
 الأوسمة و جوائز
 بينات الاتصال بالعضو
 اخر مواضيع العضو

Hesham.M غير متواجد حالياً

افتراضي رد: اسلحة ضغط الهواء, انواعها و مواصفاتها

تســــــــــــــــــــــلم ايدك شوية حاجات تهبل بس
التوقيع
My Old Name:Hesham{mafya}a

الصيد ادب مش مسك سلاح[SIGPIC][/SIGPIC]

  رد مع اقتباس مشاركة تمت مراقبتها
الأعضاء الذين قالوا شكراً لـ Hesham.M على المشاركة المفيدة:
Ahmed77 (01-03-2012)
قديم 01-03-2012, 09:02 PM   رقم المشاركة : [6]
احمد عبد العليم
قنــاص مُخضرم
 
مزاجي
تعبان
شكراً: 648
تم شكره 580 مرة في 441 مشاركة

الملف الشخصي




احمد عبد العليم عضو هام جدا بالرابطةاحمد عبد العليم عضو هام جدا بالرابطةاحمد عبد العليم عضو هام جدا بالرابطةاحمد عبد العليم عضو هام جدا بالرابطةاحمد عبد العليم عضو هام جدا بالرابطةاحمد عبد العليم عضو هام جدا بالرابطةاحمد عبد العليم عضو هام جدا بالرابطةاحمد عبد العليم عضو هام جدا بالرابطةاحمد عبد العليم عضو هام جدا بالرابطة
 
 الأوسمة و جوائز
 بينات الاتصال بالعضو
 اخر مواضيع العضو

احمد عبد العليم غير متواجد حالياً

افتراضي رد: اسلحة ضغط الهواء, انواعها و مواصفاتها

تسلم ايدك يا باشا
التوقيع
" كن في الحياة كعابر سبيل واترك وراءك كل أثر جميل فما نحن في الدنيا إلا ضيوف وما
على الضيوف إلا الرحيل "



[SIGPIC][/SIGPIC]


من مواضيعي في هذا القسم احمد عبد العليم


  رد مع اقتباس مشاركة تمت مراقبتها
الأعضاء الذين قالوا شكراً لـ احمد عبد العليم على المشاركة المفيدة:
Ahmed77 (01-03-2012)
قديم 01-03-2012, 10:19 PM   رقم المشاركة : [7]
omar oz
صياد مجتهــد
 
مزاجي
رايق
شكراً: 42
تم شكره 138 مرة في 39 مشاركة

الملف الشخصي



omar oz صياد نشيط جدا بالرابطةomar oz صياد نشيط جدا بالرابطةomar oz صياد نشيط جدا بالرابطة
 
 الأوسمة و جوائز
 بينات الاتصال بالعضو
 اخر مواضيع العضو

omar oz غير متواجد حالياً

افتراضي رد: اسلحة ضغط الهواء, انواعها و مواصفاتها

بسم الله ما شاء الله ,معلومات حضرتك ممتازه ,وموضوع اكثر من رائع وشامل تسلم ايدك.
  رد مع اقتباس مشاركة تمت مراقبتها
الأعضاء الذين قالوا شكراً لـ omar oz على المشاركة المفيدة:
Ahmed77 (01-03-2012)
قديم 01-03-2012, 11:34 PM   رقم المشاركة : [8]
Amr Axel
* صياد vip بالرابطة *
 
مزاجي
ساخر
شكراً: 587
تم شكره 569 مرة في 394 مشاركة

الملف الشخصي



Amr Axel عضو هام جدا بالرابطةAmr Axel عضو هام جدا بالرابطةAmr Axel عضو هام جدا بالرابطةAmr Axel عضو هام جدا بالرابطةAmr Axel عضو هام جدا بالرابطةAmr Axel عضو هام جدا بالرابطةAmr Axel عضو هام جدا بالرابطةAmr Axel عضو هام جدا بالرابطةAmr Axel عضو هام جدا بالرابطةAmr Axel عضو هام جدا بالرابطة
 
 الأوسمة و جوائز
 بينات الاتصال بالعضو
 اخر مواضيع العضو

Amr Axel غير متواجد حالياً

افتراضي رد: اسلحة ضغط الهواء, انواعها و مواصفاتها

اهلا و سهلا بحضرتك معانا في موقع الرابطة و يبدو ان المنتدي فعلا زاد خبير :)
و نشكرك ع الموضوع الرائع ده و نتمني نشوف تفاعل حضرتك في المنتدي
بالتوفيق ان شاء الله
  رد مع اقتباس مشاركة تمت مراقبتها
2 أعضاء قالوا شكراً لـ Amr Axel على المشاركة المفيدة:
Ahmed77 (01-03-2012), sameer (01-04-2012)
قديم 01-03-2012, 11:47 PM   رقم المشاركة : [9]
Yousef A. Raafat
صياد مُـخضرم
 
مزاجي
مستمتع
شكراً: 239
تم شكره 298 مرة في 220 مشاركة

الملف الشخصي




Yousef A. Raafat صياد متألق بالرابطةYousef A. Raafat صياد متألق بالرابطةYousef A. Raafat صياد متألق بالرابطةYousef A. Raafat صياد متألق بالرابطة
 
 
 الأوسمة و جوائز
 بينات الاتصال بالعضو
 اخر مواضيع العضو

Yousef A. Raafat غير متواجد حالياً

افتراضي رد: اسلحة ضغط الهواء, انواعها و مواصفاتها

بسم الله ما شاء الله , بجد موضوع متكامل سواء ف المعلومات او طريقة السرد او او او ... , تسلم ايدك و افدتنا بعرض معومات كتير مننا ميعرفوهاش , ربنا يباركلك فى معلوماتك و يجازيك خير على نشرها , على فكرة انت هتتاخد اسير لصالح المنتدى هنا , اعمل حسابك على كدة يا احمد باشا
التوقيع
أشهد أن لا إله إلا الله و أشهد أن سيدنا محمد رسول الله
و أن عيسى بن مريم عبد الله و رسوله و أنه روح الله و كلمته ألقاها إلى مريم البتول
و أن الجنة حق و أن النار حق

من نصائح عميد الصيادين ( م. طلعت بخيت ) : من اهم العوامل المتحكمة فى نتيجة طلعة الصيد البرى حالتك المزاجية و مدى تركيزك و مدى صفاء ذهنك و كونك نايم قبلها كويس و لا لأ و اهم من كل ده الرزق المكتوب لك


م. أحمد رأفت ( العضو : Silver_5000 سابقاً )

من مواضيعي في هذا القسم Yousef A. Raafat


  رد مع اقتباس مشاركة تمت مراقبتها
الأعضاء الذين قالوا شكراً لـ Yousef A. Raafat على المشاركة المفيدة:
Ahmed77 (01-03-2012)
قديم 01-04-2012, 12:00 AM   رقم المشاركة : [10]
Ahmed77
صياد
 
مزاجي
رايق
شكراً: 38
تم شكره 28 مرة في 8 مشاركة

الملف الشخصي




Ahmed77 صياد بالرابطة
 
 
 الأوسمة و جوائز
 بينات الاتصال بالعضو
 اخر مواضيع العضو

Ahmed77 غير متواجد حالياً

افتراضي رد: اسلحة ضغط الهواء, انواعها و مواصفاتها

كتر خيركم يا شباب. مش خبير ولا حاجة. انا عمال اقراء مواضيعكم القديمة و اتعلمت منكم كتير اليومين الى فاتوا
  رد مع اقتباس مشاركة تمت مراقبتها
إضافة رد

مواقع النشر (المفضلة)

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة



المواضيع المتشابهه
الموضوع كاتب الموضوع المنتدى مشاركات آخر مشاركة
موسوعة مسدسات الرش بجميع انواعها Essam Assem الأسلحــة الهوائيـة و ذخائرهــا 45 04-25-2013 07:40 PM
معرض اسلحة هواء 2012 ahmoudy الأسلحــة الهوائيـة و ذخائرهــا 22 08-28-2012 02:44 AM
بندقية ديانا - طرازاتها - انواعها - اشكالها - وصور لمنتجات شركة ديانا كامل مصطفى مواصفات البنادق الهوائيــة 2 07-22-2012 12:37 AM


الساعة الآن 10:06 PM


جميع الحقوق محفوظة لمنتدى رابطة الصيد والرماية.
. v1.1.1 (Pro).

Security team