الساده اعضاء المنتدي و السادة زوار الموقع ، في حالة وجود أي مشكلة في التسجيل بالموقع او إستعادة كلمات السر برجاء التواصل برساله علي الواتس آب علي رقم 01001045545 الخاص بصاحب الموقع الأستاذ كريم الكراني. |

 
العودة   رابــطة الصــيد و الرمــاية > أسلحة الصيد > الأسلحــة الهوائيـة و ذخائرهــا
 
الأسلحــة الهوائيـة و ذخائرهــا قسم خاص بالبنادق الهوائية و أنواع ذخائرها.

إضافة رد
 
أدوات الموضوع انواع عرض الموضوع
  رقم المشاركة : [1]  
قديم 05-31-2012, 02:39 PM
 
القبطان المصرى77
قنــاص مُخضرم
مزاجي
رايق
شكراً: 2
تم شكره 595 مرة في 419 مشاركة

 الأوسمة و جوائز
 بينات الاتصال بالعضو
 اخر مواضيع العضو
  القبطان المصرى77 غير متواجد حالياً  
الملف الشخصي






القبطان المصرى77 شخصية مميزة بالرابطةالقبطان المصرى77 شخصية مميزة بالرابطةالقبطان المصرى77 شخصية مميزة بالرابطةالقبطان المصرى77 شخصية مميزة بالرابطةالقبطان المصرى77 شخصية مميزة بالرابطةالقبطان المصرى77 شخصية مميزة بالرابطةالقبطان المصرى77 شخصية مميزة بالرابطة
 
افتراضي رساله الى كارهى الكرال

بسم الله الرحمن الرحيم
رساله الى كارهى الكرال
اولا وقبل كل شىء
احب اشكر جميع الاخوه المحترمين اللى عارفين نفسهم
اللى نصحونى انى ماضربش بيها كتير غير لما افكها واشحمها الاول
عشان وهى لسه جديده بتكون ناشفه من الداخل و مفهاش شحم
وده ممكن يأثر على الاجزاء الداخليه ويسبب خدوش ومشاكل فى الكانون والبستم
اهداء لاعضاءنا العظام ومحترفينا الكرام
وجهة نظر مأخوذه عن الكرال مطلوب تغييرها
انا احتارت كتير قبل ماكتب الموضوع ده
لكن حسيت انه واجب عليا اشارك اخواتى واساتذتى الاراء حتى نستفيد جميعا
اولا طبعا كلنا متابعين اخبار الكرال وعارفين ان فيه صيادين كتير محترفين شايلينها
وفيه صيادين اكتر خايفين منها وبيقولو سمعتها وحشه
وفيه ناس قالو فيها اشعار هجاء توديها فى داهيه وتخليها ملهاش لازمه
هههههههههههههههههه
لكن اللى مجننى ان فيه ناس كتييييييييييير اوى اشتروها وبيشكرو فيها
وبعد حيره كبيره وفترة مراقبه لأحوال البندقيه مع الناس
قررت اخوض التجربه
انا طبعا شاريها من شهرين تقريبا بـ 1650 جنيه

هى اينعم اشتريتها غاليه شويه لكن انا عملت بنصيحة واحد محترم قاللى
( بص ياصديقى لو مجبتش الكرال دلوقت بالسعر ده هاتندم لأنك كمان سنه ممكن تلاقى سعرها وصل فوق الـ2800 لأنها اثبتت وجودها وخليك فاكر كلمتى دى )
ومتهيئلى عنده حق بسبب جنون الاسعار اللى احنا عايشينه دلوقت
وانا كمان عن نفسى ليا وجهة نظر فى الموضوع وهى
وهى ان البندقيه دى حتى لو طلعت فى مستوى متوسط فى الاداء فهى سعرها رخيص ومش هاتضرنا كتير
احنا عندنا النوريكا 61 اللى سرعتها 170 وصلت 1600 جنيه دلوقت
والنوريكا سبورت اللى سرعتها 160 على ما اعتقد وصلت 1750 دلوقت
بالزمه ده مش حرام يعنى
وكمان سعر الكرال قريب من المعادى اللى بـ 1250 جنيه مع الفرق طبعا
لأننا لو قارناها بالمعادى هانعمل زى اللى بيقارن الطياره بالجمل
وطبعا المقارنه فى صالح الكرال من جميع النواحى
ده زائد انى مقتنع تماما انها كمان سنه هايبقى فعلا سعرها رهيب
المهم
اول ماخرجتها من الكرتونه يوم ماجبتها بصراحه شكلها شيك اوى والدبشك بتاعها عجبنى جداااااااااا
ولفت نظرى وزنها
انا كنت اسمع ان وزنها تقريبا 2.400
لكن وزنتها لقيتها حوالى 2.700
وبعد تغيير القاعده الفايبر بقاعده معدن اصبحت 2.925
القاعده المعدن فرقت فى الوزن شويه

المهم اول حاجه فكرت فيها هى الضرب..
كسرت البندقيه وعمرت رشايه ولاحظت ثقل كبير اوى اثناء الكسر
لكن محطتش فى دماغى وطنشت
وكان قدامى نص بلاطه ( مزايكو ) على مسافة 11 متر تقريبا نشنت عليها وضربت
بسم الله مشاء الله تقريبا كانت هاتفرتك البلاطه من قوتها
والطلقه حركت البلاطه من مكانها حوالى 15 سنتى للخلف
وبكده تبقى قوتها كويسه
وعشان اتأكد جبت قطعة خشب سمكها 4 سنتى ووقفتها على سيفها
وغرزت فيها دبوس مكتب كبس عشان انشن واضرب عليه على بعد 10 متر وضربت طلقتين
الطلقتين غرزو داخل الخشب حوالى 1.5 سنتى ونص
ودى صورة الطلقتين عامل عليهم زوم

واستخدمت مع البندقيه رش ديابلو تركى ودى صورتة

كده قوتها حلوه اوى
فاضل بقى نشوف باقى الامكانيات والبندقيه من الداخل
وطبعا كنت مرعوب من اللى باسمعه عنها من مشاكلها الداخليه سواء فى التقفيل
او النظافه والتشحيم
او القاعده اللى طبيعى هاتكون مكسوره
او السوسته اللى طبيعى هاتكون بايظه ومعووجه ومحتاجه تغيير
او الجلبه اللى بتكون مشققه او تالفه
وبعد نصايح بعض الاخوه الكرام سواء فى المنتدى او خارجه قمت بفك البندقيه وبرده وانا مرعوب
وكانت اول مفجأه
السوسته رهييييييييييبه بمعنى الكلمه
مش ناشفه ولا حاجه ( يعنى كويسه وتأدى الغرض )
ومعدوله زى المسطره وحلقاتها متساويه تماما
والمسافه بين كل حلقه وحلقه مظبوطه جدا جدا
وبرغم ذالك حطيت فى دماغى انى هابقى اجبلها سوسته اسبانى لزيادة الكفائه
ولسه جايبها من يومين
ودى صورتها

كده خلصنا من السوسته واطمنا عليها الحمد لله
نيجى للقاعده الفيبر
لقيتها سليمه وعشره على عشره وبتلمع كمان لكن برده حسيت انها ضعيفه ومش هاتتحمل ضغط السوسته مع الاستخدام
قمت واخد القاعده تانى يوم ورايح عند ورشة خراطه محترمه وقلتله عاوز زيها بالظبط بنفس المقاسات ولكن معدن او المونيوم
وعملهالى معدن واتكلفت بالظبط ( 20 جنيه ) بس
ودى صورة القاعده الفيبر وصورة القاعدة المعدن


كده اطمنت على القاعده
وبعدين بقى نيجى للبستم والجلبه
فكيت البستم وخرجته ومتنسوش انى لسه مرعوب
ههههههههههههههههه
لقيت البستم فى منتهى النظافه ومفهوش رايش ولا اى حاجه
وكل مافى الامر انه عاوز يتشحم مش اكتر
بصيت على الجلبه برده وانا مرعووب كالعاده
لقيتها عشره على عشره برده وزى الفل ومفهاش اى مشاكل
كده بدأ الرعب يخف شويه شويه
مسكت البندقيه وشحمتها كويس اوى اوى لانها مكانش فيها ولاااااااااا فتفوتة شحم صغننه
زى مايكون تركيا مفهاش شحم او يمكن عندهم ازمة شحم
ههههههههههههههه
قفلت البندقيه وتمام
وعشان تنسى موضوع فك مسامير الدبشك لوحدها اثناء الضرب
اشتريت تلاته اولسيه صغيرين من محل قطع غيار سيارات
وحطيت تحت كل مسمار اولسيه وربط عليه جامد
وكل سنه وانت طيب
بقالى شهرين باضرب بيها ومفيش مسمار اتنفس

المهم
قمت عشان اجرب و اشوف نتيجة تعبى
وبرده كنت لسه مرعوب شويه
وكانت اول صدمه وانا باعمر
زراع التعمير عند الكسر بيحتك بالكانون بعنف فى الجزء اللى الزراع بينام عليه على جسم الكانون من الخارج

وده طبعا مش كويس وعيوبه هاتكون
( ثقل كبير فى الكسر) ..
صوت مش حلو ومش طبيعى اثناء الكسر
( الاحتكاك بالكانون سيأدى حتما الى تضرر جسم الكانون من الخارج مستقبلا)
لأن الزراع الحواف بتاعته المقابله للكانون حاميه جدا
وهما كانو حاطين قطعتين فيبر صغيرين جدا بين الزراع وجسم البندقيه عشان يمنعو الاحتكاك
لكن بعد كسر وتعمير حوالى خمس رشات قطعتين الفيبر دول كل سنه وانت طيب (( اتمسحو ))

وقعدت افكر...هاتعمل ايه ياواد هاتعمل ايه ياواد........................
وبعد تفكير عميق
شغلت دماغى وقمت رايح عند اقرب حداد واخدت منه حتة صاج مجلفن سمكها حوالى 2 مللى وطولها حوالى خمسه سنتى وعرضها حوالى 3 سنتى
وقمت بالشاكوش وصنعت على ايدى واقى للكانون ومظبطه وخليته بالشكل ده

وسيبت تجويف فى نص الواقى بسيط عشان المسمار اللى فى نص الزراع ده يبات فيه

وجيت بالمبرد وقمت بأزالة الحواف من الواقى نهائيا حتى اصبحت ملساء جدا من الظهر و الاطراف
وبالذات الظهر و الاطراف اللى فى المؤخره وفى المقدمه عشان هما دول اللى هايكون عليهم قوة احتكاك
ولبستها بطريقة الكبس فى اسفل الزراع من الناحيه اللى بتحتك بالكانون
بالشكل ده اللى انا معلم عليه باللون الاصفر فى الصوره

وحطيت تحت الواقى شوية شحم بينه وبين جسم البندقيه
وقفلت البندقيه وجرب يامعلم البندقيه
الله واكبر الله واكبر
لقيت البندقيه بقت حرير فى الكسر
مفيش صوت احتكاك
مفيش صوت للكسر
الكسر بقى خفيف جدا وفى منتهى السهوله
صوتها فى الضرب اصبح معقول ومش قوى زى الاول عشان اتشحمت
كده البندقيه بقت زى الفل
تعالى بقى يامعلم على التجربه المهمه اللى بترعب اى صياد لسه شارى بندقيه جديده
وهى تجربة الدقه فى التجميع
طلعت من جيبى جنيه معدن
قصيت حتة ورقه بيضاء على قد الجنيه المعدن ولزقتها على قطعة خشب على مسافة 15 متر
وضربت خمس طلقات بدون تلسكوب طبعا وكانت النتيجه
تلات رشات ملتصقين داخل الورقه.
1رشايه جنبهم قليلا ولكن داخل الورقه ايضا
ورشايه بجانب الورقه من الخارج
ودى نتيجه متهيألى مرضيه جدااااااا
مع الاسف نسيت يومها اصور الورقه
طيب دلوقت انا عاوز اجربها عملى لكن مع الاسف مكنتش عارف اطلع للصيد وقتها اول ما اشتريتها
بس برده ايدى بتاكلنى وعاوز اجربها عملى
اخدتها معايا تانى يوم الشغل ولما وصلت فى المنطقه اللى شغال فيها
لقيت يمامه مستنيانى على سلك الكهربه على مسافه حوالى 23 متر نشنت وتوكلت على الله وانا برده مرعوب
الحمد لله نزلت خالصه
اتشجعت اكتر ومشيت كمان شويه لقيت يمامه على شجره على بعد 28 تقريبا ونشنت
اللهم لك الحمد نزلت مفرفره
مشيت كمان شويه لقيت يمامه تانى على شجره وكانت قريبه جدا حوالى 14 متر ونشنت لكن مفيش نصيب طارت عشان ايدى اتهزت وانا باضرب
بصيت فى الساعه وحسيت انى هاتأخر على شغلى قمت راجع
وانا فى طريقى فى الرجوع لقيت يمامه واقفه على الارض حوالى 20 متر
سميت ونشنت والحمد لله ماتحركتش من مكانها واتقفلت
وعلى فكره دى مكانتش طلعة صيد
دى كانت تجربه عمليه للبندقيه وتسليكة زور بس مش اكتر
هههههههههههههههههه
التلات يمامات الضحايا اهم

الكلام ده كان من شهرين
وانا حاليا ضربت بيها اكتر من 2500 رشايه
والحمد لله اصطادت بيها الفتره اللى فاتت كتير اوى
سواء يمام
او غربان
او عصافير
او فراخ ميه
او حتى سمك
وممكن كمان تصطاد بيها بنى ادمين لو عاوز

هههههههههههههههههههه
وسؤالى لاخواتى وحبايبى دلوقت
هو الصياد مننا يهمه ايه فى البندقيه غير انها
تكون دقيقه
تكون سريعه وقويه
تكون شيك
تكون رخيصه
وترفع راسك فى كل مكان تصطاد فيه
وده كله موجود فى الكرال ان شاء الله
مااااااااعلينا بقى
كده انا عملت اللى عليا وانتو حرين
ياترى فيه حد عنده اى سؤال قبل ما امشى واقفل
انا شايف واحد رافع ايده فى الصف الاخرانى وعاوز يسأل
اتفضل ياسيدى اسأل انا سامع
س سؤال
ياقبطان انت بتقول انها سريعه وقويه ودقيقه ومش عارف ايه
دى بندقيه تعبانه وخامتها وحشه ومتتقارنش بالاسبانى ولا الالمانى
وبعدين هو انا اروح اشترى بندقيه جديده وفى اول يوم اغيرلها سوسته وجلبه ومش عارف ايه
امال هى جديده ازاى

ج جواب
حبيب قلبى خليك معايا وانا هافهمك واحده واحده
اولا
فيها ايه يعنى لما تجيب الكرال بــ 1400 مثلا
وتصرف عليها كمان 300 سوسته وجلبه وخلافه
يعنى المجموع هايبقى 1700 جنيه
بس بعد كده هاتحس انك ماسك بندقيه محترمه
واسأل خبرائنا عنها هنا وشوف هايقولولك ايه عنها بعد التعديلات
وكمان انت عندك اقل بندقيه هاى باور الالمانى والاسبانى سعرها فوق الـ3000
وبعدين تعالى هنا
اولا خاماتها مش وحشه اوى يعنى
وبعدين شوف انت دافع فيها كام ياحبيبى1700 بالتعديل (تراب الفلوس ) بالنسبه للهاى باور
وبعدين ابقى تعالى كلمنى فى خامات
سبحان الله عليك يا اخى
متعصبنيش بقى
هههههههههههههههههههه
ماااااااعلينا
ها حد عاوز يسأل تانى غير الاخ ؟؟
اتفضل حضرتك يابو نضاره سوده عاوز تقول ايه
س سؤال
انت بتقول انها دقيقه جدا
حضرتك جبت الكلام ده منين
انا كان عندى كرال وجربتها بدل المره عشرين ومفيش دقه خالص
وكنت كل ماضرب بيها الاقيها طلقه يمين وطلقه شمال
وحبه فوق وحبه تحت
وكأننا فى فرح العمده
ال دقيقه ال

ج جواب
ياباشا الموضوع بتاع التشكيل فى الضرب ده ليه اسباب كتير
ممكن من ال سوسته وممكن جلبه وممكن من انواع الرش اللى بتستخدمها
وعشان اثبتلك وجهة نظرى اتفضل انا جربت عليها 6 انواع رش مختلفه
وكانت دى النتايج مع كل نوع فى الدقه
جبت جنيه معدن
وعملت 5 دواير بحجم الجنيه المعدن على لوح خشب

وضربت فى كل دايره 5 رشات من كل نوع
مع الوضع فى الاعتبار انى كنت باظبط البندقيه اولا فى كل مره على كل نوع رش هاضرب بيه
والضرب كان على مسافه 15 متر بدون تلسكوب طبعا
وادى النتيجه بعد تركيب السوسته الجديده
انا جربت عليها خمس انواع رش

التجربه على رش جامو ماتش ويعتبر هو البريمو مع الكرال فى التجميع معايا
خمس رشات فى الدايره
4 رشات فوق بعض ورشايه جنبهم
مع الوضع فى الاعتبار ان اول رشه اللى هى على حرف الدايره
كانت قبل ماظبط البندقيه على الجامو ماتش عشان نسيت
يعنى المفروض الخمسه فوق بعض

تااااااانى تقييم كان للديابلو الالمانى وبصراحه الرشه دى ممتازه مع الكرال برده
خمس رشات
4 فوق بعض
وواحده جنبهم

تالت تقييم كان للجامو هانتر
خمس رشات
تلاته فوق بعض
واتنين جنب بعض

رابع تقييم كان لل(هدف مان) المصرى
وده عمل فرح العمده اللى حضرتك تقصده اهو
اتنين فوق بعض
وتلاته فرح العمده
ههههههههههههههه

خامس تقييم كان للديابلو التركى
وبرغم انه كان شغال معايا حلو فى السوسته القديمه
لكن بعد تركيب السوسته الجديده مش نافع معايا
فرح العمده برده
خمس رشات
اتنين فوق بعض
وتلاته بره

وبكده المفروض حضرتك تكون فهمت وجهه نظرى طبعا فى موضوع التشكيل ده
ولو مكنتش مقتنع برده دى حريه شخصيه
ومن حقك تعترض وتعمل اللى يريحك
احنا فى بلد ديموقراطى ومحدش مننا هايكلمك
ياصيادين لو شفتوه فى الحرب اقتلوه
ههههههههههههههههههه
واخيرا اتمنى اكون وفقت فى وصف كل شىء
وبرغم ان سمعت عن البندقيه دى حجات كتير منها المؤيد ومنها الناقد لكن
هافضل دايما اتذكر مقوله من احد الصايدين بيقول فيها
( البندقيه الكرال دى بالذات عامله زى البطيخه )
ياتطلع معاك رهيبه وجميله ياأما تطلع ملهاش لازمه وفيها مشاكل كتير
والحمد لله ان ربنا اكرمنى وطلعت من الصنف الاول
وكمان كل مشاكلها كانت فى السوسته والجلبه والقاعده وعدم ثبات المسامير
وكل المشاكل دى خبرائنا حلوها قبل كده فى المنتدى واحنا برده قلنا عليها دلوقت الحمد لله فى موضوعنا
وانا الحمد لله لسه مغيرلها سوسته النهارده
وكمان عملتلها تمويه وبقت تحفه اهى

وبعدين كمان الاعمال بالنيات
وانا طيب وغلبان وابن حلال كمان
انا مش هاتكلم عن نفسى تانى بقى
عشان مش باحب اتكلم عن نفسى كتير
هههههههههههههههههههه
اجمل واحلى تحيه لكل قناصين وصيادين مصر
التوقيع *لـيس كـل مـن حــمـل السلاح كـان صيـادا*
*ولكن كل من كان صياداً كان للأخلاق عنوانا*



من مواضيعي في هذا القسم القبطان المصرى77


رد مع اقتباس مشاركة محذوفة
18 أعضاء قالوا شكراً لـ القبطان المصرى77 على المشاركة المفيدة:
هاني الهاوي (02-22-2017), أبوذيب (06-03-2012), ahmed (05-31-2012), احمد عبد العليم (06-01-2012), محمد 2000 (02-24-2016), هيثم موسي (10-23-2012), akel (10-31-2012), Amin Hegazy (05-31-2012), amirhlal (08-21-2012), Amr Axel (08-31-2012), المقروش (09-14-2015), Mahmoudx (04-13-2016), mayofzee (09-08-2012), miroo (06-02-2012), mr.samakawi (03-02-2013), راحل (08-27-2012), smsmn8888 (05-31-2012), xkhaledxmm (10-27-2012)
قديم 05-31-2012, 03:11 PM   رقم المشاركة : [2]
mibrahem
صياد متميــــز
 
مزاجي
رايق
شكراً: 66
تم شكره 100 مرة في 88 مشاركة

الملف الشخصي




mibrahem صياد فعال بالرابطة
 
 الأوسمة و جوائز
 بينات الاتصال بالعضو
 اخر مواضيع العضو

mibrahem غير متواجد حالياً

افتراضي رد: رساله الى كارهى الكرال

مشكور اخى العزيز على مشاركتنا معلوماتك وهى وجهة نظر تستحق الثناء عليها
التوقيع
سبحان الله والحمد الله ولاالله إلاالله والله أكبر
م / محمد ابراهيم

من مواضيعي في هذا القسم mibrahem


  رد مع اقتباس مشاركة تمت مراقبتها
قديم 05-31-2012, 03:22 PM   رقم المشاركة : [3]
عادل عبده
قنـــاص مــتمـيز
 
مزاجي
رايق
شكراً: 158
تم شكره 545 مرة في 440 مشاركة

الملف الشخصي




عادل عبده شخصية مميزة بالرابطةعادل عبده شخصية مميزة بالرابطةعادل عبده شخصية مميزة بالرابطةعادل عبده شخصية مميزة بالرابطةعادل عبده شخصية مميزة بالرابطةعادل عبده شخصية مميزة بالرابطةعادل عبده شخصية مميزة بالرابطة
 
 
 الأوسمة و جوائز
 بينات الاتصال بالعضو
 اخر مواضيع العضو

عادل عبده غير متواجد حالياً

افتراضي رد: رساله الى كارهى الكرال

ههههههههههههههههههههههههههههههههههههههههههههههه
بجد انت ملكش حل احلى تقيييم فى الدنيا كلها على الاسلوب بس مش على التعديلات
تعديلات جميله وافكارك حلوه بجد تسلم ايدك
السوسته بتبقى ارزاق وعلى حسب حظك هى من اللى بقو يتفكو ولا اللى جايين زى ما هما
الجلبه بقى يا معلم هتتغير هتتغير هى كويسه اه بس مش ده الاداء الكامل بتاعها
اكسر الماسوره وزحقك صباعك الصغير على مكان خروج الهوا وكمل تعمير لو شفطت صباعك تبقى اصلى لو مشفطتش يبقى مش ده الاداء الكامل
فكره تلبيسه دراع التعمير جميله بس فى اسهل منها
هوه انك تفصل حتتين بلاستيك
انا بعمل كده عن نفسى
اعمل حدافه بقى والبندقيه مش هيبقى ليها حل
التجميع جميل والماتش جميل والديابلو جمع بين رخص السعر ونضافه المستورد وسرعته عاليه
الجامو هانتر برده رشايه محترمه جدا
بالتوفيق يا كبير وتسلم ايدك ودماغك وانا عن نفسى مبهور بطريقه سرد الموضوع
اما عن اللى بيحب الكرال
انا بعشقها ومن حبى فيها جبت وحده نمره واحد (عيار 4.5)
ادعيلى بقى اظبطها وهبقى اقولك بعد التظبيط
لك منى احلى تحيه
التوقيع ((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))

اللهم انى استغفرك واتوب اليك

*اللهم انت ربى لا اله الا انت سبحانك خلقتنى وانا عبدك وانا على عهدك ووعدك ما استطعت اعوذ بك من شر ماصنعت ابوء لك بنعمتك على وابوء لك بزنبى فأغفر لى فأنهه لايغفر الزنوب الا انت *

من مواضيعي في هذا القسم عادل عبده


  رد مع اقتباس مشاركة تمت مراقبتها
الأعضاء الذين قالوا شكراً لـ عادل عبده على المشاركة المفيدة:
قديم 05-31-2012, 03:23 PM   رقم المشاركة : [4]
القبطان المصرى77
قنــاص مُخضرم
 
مزاجي
رايق
شكراً: 2
تم شكره 595 مرة في 419 مشاركة

الملف الشخصي




القبطان المصرى77 شخصية مميزة بالرابطةالقبطان المصرى77 شخصية مميزة بالرابطةالقبطان المصرى77 شخصية مميزة بالرابطةالقبطان المصرى77 شخصية مميزة بالرابطةالقبطان المصرى77 شخصية مميزة بالرابطةالقبطان المصرى77 شخصية مميزة بالرابطةالقبطان المصرى77 شخصية مميزة بالرابطة
 
 
 الأوسمة و جوائز
 بينات الاتصال بالعضو
 اخر مواضيع العضو

القبطان المصرى77 غير متواجد حالياً

افتراضي رد: رساله الى كارهى الكرال

اقتباس:
المشاركة الأصلية كتبت بواسطة mibrahem مشاهدة المشاركة
مشكور اخى العزيز على مشاركتنا معلوماتك وهى وجهة نظر تستحق الثناء عليها
اشكر حضرتك جداااااااا استاذى الكريم على مرورك الاكثر من رائع
التوقيع *لـيس كـل مـن حــمـل السلاح كـان صيـادا*
*ولكن كل من كان صياداً كان للأخلاق عنوانا*



من مواضيعي في هذا القسم القبطان المصرى77


  رد مع اقتباس مشاركة تمت مراقبتها
قديم 05-31-2012, 03:32 PM   رقم المشاركة : [5]
القبطان المصرى77
قنــاص مُخضرم
 
مزاجي
رايق
شكراً: 2
تم شكره 595 مرة في 419 مشاركة

الملف الشخصي




القبطان المصرى77 شخصية مميزة بالرابطةالقبطان المصرى77 شخصية مميزة بالرابطةالقبطان المصرى77 شخصية مميزة بالرابطةالقبطان المصرى77 شخصية مميزة بالرابطةالقبطان المصرى77 شخصية مميزة بالرابطةالقبطان المصرى77 شخصية مميزة بالرابطةالقبطان المصرى77 شخصية مميزة بالرابطة
 
 
 الأوسمة و جوائز
 بينات الاتصال بالعضو
 اخر مواضيع العضو

القبطان المصرى77 غير متواجد حالياً

افتراضي رد: رساله الى كارهى الكرال

اقتباس:
المشاركة الأصلية كتبت بواسطة عادل عبده مشاهدة المشاركة
ههههههههههههههههههههههههههههههههههههههههههههههه
بجد انت ملكش حل احلى تقيييم فى الدنيا كلها على الاسلوب بس مش على التعديلات
تعديلات جميله وافكارك حلوه بجد تسلم ايدك
السوسته بتبقى ارزاق وعلى حسب حظك هى من اللى بقو يتفكو ولا اللى جايين زى ما هما
الجلبه بقى يا معلم هتتغير هتتغير هى كويسه اه بس مش ده الاداء الكامل بتاعها
اكسر الماسوره وزحقك صباعك الصغير على مكان خروج الهوا وكمل تعمير لو شفطت صباعك تبقى اصلى لو مشفطتش يبقى مش ده الاداء الكامل
فكره تلبيسه دراع التعمير جميله بس فى اسهل منها
هوه انك تفصل حتتين بلاستيك
انا بعمل كده عن نفسى
اعمل حدافه بقى والبندقيه مش هيبقى ليها حل
التجميع جميل والماتش جميل والديابلو جمع بين رخص السعر ونضافه المستورد وسرعته عاليه
الجامو هانتر برده رشايه محترمه جدا
بالتوفيق يا كبير وتسلم ايدك ودماغك وانا عن نفسى مبهور بطريقه سرد الموضوع
اما عن اللى بيحب الكرال
انا بعشقها ومن حبى فيها جبت وحده نمره واحد (عيار 4.5)
ادعيلى بقى اظبطها وهبقى اقولك بعد التظبيط
لك منى احلى تحيه
ههههههههههههههههههه
حبيبى ياعادل بك والله
وطبعا حضرتك من الناس الجميله اللى كلنا بنستفيد منها وبالاخص فى الكرال
وبالنسبه لموضوع قطعتين الزراع ان شاء الله هاحاول اعمل زى حضرتك واكيد طبعا هايكون افضل
وبالنسبه لجلبة البستم انا فعلا عملتلها الاختبار ده وكانت زى الفل والله
اما بقى موضوع الحدافه فياااااااااااريت حضرتك تعمل معايا واجب وتبعتلى المواصافت والمقاسات بالظبط عالخاص عشان انفذها لو مفيش مانع
وتبقى كده عملت معايا احلى واجب
وهافضل ادعيلك من هنا للسنه الجايه
ههههههههههههههههههههه
التوقيع *لـيس كـل مـن حــمـل السلاح كـان صيـادا*
*ولكن كل من كان صياداً كان للأخلاق عنوانا*



من مواضيعي في هذا القسم القبطان المصرى77


  رد مع اقتباس مشاركة تمت مراقبتها
قديم 05-31-2012, 03:52 PM   رقم المشاركة : [6]
راغب
صياد متميــــز
 
مزاجي
رايق
شكراً: 19
تم شكره 114 مرة في 74 مشاركة

الملف الشخصي




راغب صياد نشيط بالرابطةراغب صياد نشيط بالرابطة
 
 
 الأوسمة و جوائز
 بينات الاتصال بالعضو
 اخر مواضيع العضو

راغب غير متواجد حالياً

افتراضي رد: رساله الى كارهى الكرال

موضوع ممتاز واحلى تقييم
انت تنفع روائى مالوش حل
على فكره انا كان عندى نفس التخوفات اللى عندك ولما حبتها لقيت الوضع مختلف تماما
تسلم ايدك
  رد مع اقتباس مشاركة تمت مراقبتها
قديم 05-31-2012, 03:53 PM   رقم المشاركة : [7]
dr_mohasan
Banned
 
مزاجي
رايق
شكراً: 299
تم شكره 236 مرة في 163 مشاركة

الملف الشخصي



dr_mohasan صياد بالرابطة
 
 الأوسمة و جوائز
 بينات الاتصال بالعضو
 اخر مواضيع العضو

dr_mohasan غير متواجد حالياً

افتراضي رد: رساله الى كارهى الكرال

الموضوع ده من افضل ما قرأت على المنتدى وواضح المجهود اللى اتعمل فيه
تحيّاتى يا قبطان
التوقيع
من مواضيعي في هذا القسم dr_mohasan


  رد مع اقتباس مشاركة تمت مراقبتها
قديم 05-31-2012, 04:02 PM   رقم المشاركة : [8]
Aymank2
صياد مُـخضرم
 
مزاجي
رايق
شكراً: 41
تم شكره 222 مرة في 170 مشاركة

الملف الشخصي




Aymank2 صياد نشيط جدا بالرابطةAymank2 صياد نشيط جدا بالرابطةAymank2 صياد نشيط جدا بالرابطة
 
 
 الأوسمة و جوائز
 بينات الاتصال بالعضو
 اخر مواضيع العضو

Aymank2 غير متواجد حالياً

افتراضي رد: رساله الى كارهى الكرال

ايه الحلاوه ديه ياقبطان 100% انا عملت تقريبا كل الى انتا ذكرته فى الموضوع بس برده البندقيه كانت بتشكل لحد ملك الكرال عادل عبده عمل الاختراعات الجمده فيها بقت بندقيه تانيه خالص احلى تقييم ليك على موضوعك القيم.
  رد مع اقتباس مشاركة تمت مراقبتها
قديم 05-31-2012, 04:17 PM   رقم المشاركة : [9]
كريم الكراني
☠ 💀 الإدارة 💀 ☠
 
مزاجي
افكر
شكراً: 1,858
تم شكره 3,213 مرة في 1,703 مشاركة

الملف الشخصي




كريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.com
 
 
 الأوسمة و جوائز
 بينات الاتصال بالعضو
 اخر مواضيع العضو

كريم الكراني غير متواجد حالياً

افتراضي رد: رساله الى كارهى الكرال

موضوع مميز جدا و لا أجد سببا وجيها لكره الكرال في الوقت الحالي في حين أن ثمنها مناسب جدا بالمقارنة بالمقارنة بالبنادق الأخري .. و من المؤكد أنه سيرتفع ثمنها قريبا كما ذكرت ، و لكن وقتها ستسقط أحد أهم مميزات هذه البندقية من وجهه نظري.
  رد مع اقتباس مشاركة تمت مراقبتها
قديم 05-31-2012, 05:37 PM   رقم المشاركة : [10]
القبطان المصرى77
قنــاص مُخضرم
 
مزاجي
رايق
شكراً: 2
تم شكره 595 مرة في 419 مشاركة

الملف الشخصي




القبطان المصرى77 شخصية مميزة بالرابطةالقبطان المصرى77 شخصية مميزة بالرابطةالقبطان المصرى77 شخصية مميزة بالرابطةالقبطان المصرى77 شخصية مميزة بالرابطةالقبطان المصرى77 شخصية مميزة بالرابطةالقبطان المصرى77 شخصية مميزة بالرابطةالقبطان المصرى77 شخصية مميزة بالرابطة
 
 
 الأوسمة و جوائز
 بينات الاتصال بالعضو
 اخر مواضيع العضو

القبطان المصرى77 غير متواجد حالياً

افتراضي رد: رساله الى كارهى الكرال

اقتباس:
المشاركة الأصلية كتبت بواسطة راغب مشاهدة المشاركة
موضوع ممتاز واحلى تقييم
انت تنفع روائى مالوش حل
على فكره انا كان عندى نفس التخوفات اللى عندك ولما حبتها لقيت الوضع مختلف تماما
تسلم ايدك
استاذ راغب الكلام مهما كان كتير ومن ناس اكتر اكيد عمره ماهيكون زى التجربه العمليه
والحمد لله اننا جربنا وعرفنا قيمتها بنفسنا
التوقيع *لـيس كـل مـن حــمـل السلاح كـان صيـادا*
*ولكن كل من كان صياداً كان للأخلاق عنوانا*



من مواضيعي في هذا القسم القبطان المصرى77


  رد مع اقتباس مشاركة تمت مراقبتها
إضافة رد

مواقع النشر (المفضلة)

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة



المواضيع المتشابهه
الموضوع كاتب الموضوع المنتدى مشاركات آخر مشاركة
الكرال التركى wael122 ورشــــة أسلحة الصيد 30 04-29-2012 06:19 PM
رساله الى الشباب مؤنس محمد الموضوعات العامة 9 04-07-2012 05:32 PM


الساعة الآن 07:36 AM


جميع الحقوق محفوظة لمنتدى رابطة الصيد والرماية.
. v1.1.1 (Pro).

Security team