الساده اعضاء المنتدي و السادة زوار الموقع ، في حالة وجود أي مشكلة في التسجيل بالموقع او إستعادة كلمات السر برجاء التواصل برساله علي الواتس آب علي رقم 01001045545 الخاص بصاحب الموقع الأستاذ كريم الكراني. |

 
العودة   رابــطة الصــيد و الرمــاية > الصيد البحري و النهري > صيـــد الأسمــــاك
 
صيـــد الأسمــــاك معلومات عن جميع انواع الأسماك البحرية و النهرية و أساليب صيدها.

إضافة رد
 
أدوات الموضوع انواع عرض الموضوع
  رقم المشاركة : [1]  
قديم 08-24-2012, 05:05 PM
 
ابو يوسف الخضيرى
صياد
مزاجي
رايق
شكراً: 28
تم شكره 16 مرة في 11 مشاركة

 الأوسمة و جوائز
 بينات الاتصال بالعضو
 اخر مواضيع العضو
  ابو يوسف الخضيرى غير متواجد حالياً  
الملف الشخصي






ابو يوسف الخضيرى صياد بالرابطة
 
افتراضي متعة صيد النهر

ذا سمح لى الصياد صاحب الخبرة ايهاب ان اقول نبذة عن صيد البلطى (البلطى من الاسماك الذكية جدا او يمكن اتعلم من كتر اللى شافة لذلك يجب ان تتبع حرفية ومهارة عالية فى صيدة طبعا كلنا عرفين انة سمك نهرى يعنى يوجد فى النهر ةالترع والمصارف ولة انواع كثيرة من الطعم اشهرها الدود والغلة الريم الاخضر (الخضار) نتكلم عن الغلة ولو عجبكم نتكلم بعد كدة عن اى نوع اولا نجهز الغلة وتجهيزها بسيط جدا اما ان تنقع فى الماء لمدة من 4 الى 5 ساعات او تسلق ففى ماء مغلى حتى تنضج يعنى تنشلها او تطفى النار قبل متفتح ثانيا تجهيز العدة الخيط الرئيسى على المكنة 30 او 35 نركب علية الفلة او الغماز وبكون صغير جدا ثم نضع التقل ويجب ان يكون حجمة مناسب للغماز علشان ميغطس بعد كدة نعمل الخية خيط الوش يكون 20 او بالكتير 25 ومقاس السنارة 10 وتجهيز العدة بهذة الطريقة لسبب مهم وهو ان حبة الغلة خفيفة الوزن فلازم نجهز عدة خفيفة عشان متحسش بتقل اثناء الاكل ثالثا اختيار المكان مهم فيجب ان يكون على الشط مباشرتا ويكون الشط بة دوران خفيف من نحيتك مش من نحية المية ودة عشان يسمح بوقوف الغماز والمكان دة بنسمية الدور ثم نقوم برش كمية من الغلة فى هذا الدوران ونتركة حوالى 20 دقيقة لما يجمع سمك والغلة ترش على الشط مبا شرتا على الطينة اللى بينة علطول تحت اول المية ثم نضع حبيتين فى السنرتين نظبط المسافة بين السنارة والغماز حوالى شبر ونص مسافة قصيرة ولا نجلس فوق الدور علطول بل نجلس بجانب الدور بحيث يكون العود بالجمب يعنى بتحاول تكون مش ظاهر للدور ونرمى جوة ونسحب براحة لحد لما الغماز يبدئ يميل دة معناة ان التقل لمس الارض ونصبر اذا سحبت او عطست نضرب نقر بس نصبر والضربة لازم تكون سليمة يعنى لا تسحب براحة ولا تشد بقوة يدوب تشبك السنارة فى السمكة ولو اكلت وبعدين منعت زود شوية غلة خفيفة وشكرا على فكرة صيد الخضار اكثر متعة واحتراف وسمكتة حلوة والغلة بردة بتدى سمك محترم وتانى شكرا لكم على الله ان اكون استوفيت هذة الطريقة
رد مع اقتباس مشاركة محذوفة
الأعضاء الذين قالوا شكراً لـ ابو يوسف الخضيرى على المشاركة المفيدة:
قديم 08-24-2012, 05:10 PM   رقم المشاركة : [2]
ابو يوسف الخضيرى
صياد
 
مزاجي
رايق
شكراً: 28
تم شكره 16 مرة في 11 مشاركة

الملف الشخصي




ابو يوسف الخضيرى صياد بالرابطة
 
 
 الأوسمة و جوائز
 بينات الاتصال بالعضو
 اخر مواضيع العضو

ابو يوسف الخضيرى غير متواجد حالياً

افتراضي رد: متعة صيد النهر

السلام عليكم وحمة الله وبركاتة

طريقة صيد الخضار

اولا تجهيز العدة العود عود الخضار يتميز بالخفة والطول والمرونة العالية يعنى لو عود 4,5 ويكونن خفيف ومرن يباة جميل للخضار ومن افضل الانواع المرنة عود اسمة (salesstar) لاكن للاسف مش موجود بس لو لقيت واحد قديم وسليم يندفع فية اى مبلغ يركب علية مكنة صغيرة وذالك لخفة الوزن لان صيد الخضار لازم تكون شايل العود علطول
خيط المكنة يكون 25 وذالك ليكون سلس فى الفك واللم
الغماز بيكون كبير اكبر من غماز الطعم مرتين وطويل والحبسة بتعتة اسمها الراية معروفة حبسة غماز الخضار وبعدين التقل ويكون مناسب للغماز ثم نقوم بتركيب المدور او المشبك ويكون صغير بعد كدة نقوم بوزن الغماز وذالك برصاص لف وهو عبارة عن ورق رقيق من الرصاص موجود عن محلات العدة نقطع منة ونلف على الخيط فوق التقل ونجرب فى المية لحد ميغطس الغماز كلة ميظهرش غير الراية بعد كدة الوش بيكون من خيط 20 وطويل لايقل عن 70سم واحيانا يصل لمتر او اكثر والسنارتين يكونو صغيرين جدا وتقريبا المسافة بين الغماز والسنارة تصل الى مترين وبكدة نكون جهزنا عدة خضار 100 100

نختار المكان المناسب وديما يكون مكان ميتة حامية او دائمة الجريان وياسلام لو مردة (المردة دى المكان اللى الحريم بيغسلو فية الحلل ههههههههههه ) لان امام المكان دة فى الغويط بكون مجمع سمك ونطعم السنرتين بناخد من الخضارة نسيرة طويلة ونلفها على السنارة بحيث تكون مدلدلة حوالى 15 سم ونسمى ونرمى جوة بعد الشط بحوالى 3 او 4 متر ويكون الرمى عكس اتجاة المية ونفتح الخوذة ونسيب الغماز يسحب الخيط بقوة جريان المية ويكون فى انسيابية تامة لو حتى نناول الغماز الخيط بادينا ومنخليش اى حمل على الغماز اكنة حر مش متصل بحاجة والرمى عكس اتجاة المية علشان نطول مسافة مشى الغماز ونسيبة يمشى حوالى 20 متر او اكتر طبعا كل اللى باين من الغماز الراية اول الغمز بتبدئ الراية تنزل وتطلع نسيبها وبعدين تغطس وتطلع نسيبها طبعا وهية مشية بعد كدة تغرق ومتطلعش خالص فى الوقت دة بنكون حررنا الخيط يعنى لمينا البوش وقفلنا الخوذة ونضرب ضربة صح وجدع طلع
لازم السمكة تطلع من المية بالطريقة السليمة علشان متخسرهاش وتزعل انتبة ان السمكة ممكن تكون ثقيلة والخيط 20 فلازم تكون ظابط التشريق بتاع المكنة وتسيسها لحد متجيلك مسلمة

ملحوظة (التفاصيل دى كلها مهمة ومش مبالغ فيها وطناش اى حاجة منها هتفرق معاك ودى خبرة مرمطة على المية)

سؤال مهم باة :ــــ لية عدة الخضار كبيرة وعدة الغلة صغيرة جدا رغم ان الاثنين وزنة وحدة والنتيجة وحدة ان السمكة متحسش بتقل اثناء الاكل او السحب

وشكرا وعفوا على الاطالة
  رد مع اقتباس مشاركة تمت مراقبتها
قديم 08-24-2012, 08:38 PM   رقم المشاركة : [3]
ابو يوسف الخضيرى
صياد
 
مزاجي
رايق
شكراً: 28
تم شكره 16 مرة في 11 مشاركة

الملف الشخصي




ابو يوسف الخضيرى صياد بالرابطة
 
 
 الأوسمة و جوائز
 بينات الاتصال بالعضو
 اخر مواضيع العضو

ابو يوسف الخضيرى غير متواجد حالياً

افتراضي رد: متعة صيد النهر

السلام عليكم ورحمة اللة وبركاتة

طريقة اخرى لصيد الخضار


هذة طريقة جميلة وليست جديدة (وصعبة ) ولاكن ليس الكل يعرفها

والاختلاف فى نوع الخضار واختلاف بسيط فى العدة
اسم هذة الخضارة (المخوشة ) وهذة الخضارة تختلف تماما عن العادية فى الشكل والملمس والقوام فان الخضارة العادية تكون طويلة بعد متيجى من المية تتغسل طبعا فى ميتها وبعد كدة تتعصر من الماء الزائد وتلف فى قماشة مبلولة او خيشة شوال افضل وبنقطع منها نساير طويلة ونستعملها
اما الخضارة (المخوشة )تنمو وسط الماء وتكون على شكل وردة كبيرة يصل قطرها احيانا للاكثر من متر وليس بها عرق مثل الاخرى فهى ان لم تعاملها برفق تتفتت سريعا وملمسها (مظفلطة ) والصعوبة اكثرها فى التعامل معها ولذلك اول متخرج من المية توضع فى اكياس منفوخة بالهواء وتربط وتجدها عند محلات بيع العدة والطعم بهذا الشكل ولا توجد الا فى نهاية موسم الخضار ولا تتواجد اكثر من شهرين وعلى فكرة احيانا البائع لو مش معرفة يخبيها ويقلك مفيش ودة حصل معايا كتير ويجب الا تتعرض لاى حرارة

العدة هية هية مع اختلاف بسيط لاكن مهم وهو طول الوش فى الخضارة العدية يكون الوش ممكن يصل لقرب المترلاكن هنا يكون اقصر ما يمكن يعنى من 10 الى 15 سم ولا يزيد لان السمك فى الطبيعة ياكل من هذة الوردة من على وش المية وبنهم رهيب وكمية كبيرة ممكن للى غاوى لف كتير يكون شاف المنظر دة المهم الوش قصير ونفس السنرتين والمسافة بين الغماز والسنارة اقل ما يمكن بعد كدة نطعم ناخد نسيرة وهتطلع قصيرة عصب عننا وبرفق نضعها بموازاة الخيط ونلفها لفتين حول السنارة واللى هيجرب يطول بالة
ونسمى ونرمى بعد الشط بمتر او 2 ونفتح الخوزة ونسبها تمشى واول لما الراية بتاع الغمازتتهز نضرب وان تاخرت فى الضرب بعد اول هزة لن تجد الطعم لانة فى وقوعة اسرع من العجينة

واحد يقول طيب ولية وجع القلب دة
وجع القلب دة لان الخضارة دة لا تظهر الا فى قرب نهاية موسم الخضار وبيكون بدئ يمنع والغلة لسة مشتغلتش
الحاجة التنية انك لو عرفتلها وعرفت تصتاد بيها هتتمتع وهتضرب سمك لما تزهق فهى تجن السمك (سبحان اللة )

وشكرا زمان الناس زهقت

ابو يوسف الخضيرى
  رد مع اقتباس مشاركة تمت مراقبتها
قديم 08-25-2012, 11:47 PM   رقم المشاركة : [4]
ابو يوسف الخضيرى
صياد
 
مزاجي
رايق
شكراً: 28
تم شكره 16 مرة في 11 مشاركة

الملف الشخصي




ابو يوسف الخضيرى صياد بالرابطة
 
 
 الأوسمة و جوائز
 بينات الاتصال بالعضو
 اخر مواضيع العضو

ابو يوسف الخضيرى غير متواجد حالياً

افتراضي رد: متعة صيد النهر

السلام عليكم ورحمة اللة وبركاتة

البياض

انا عن نفسى بحس انها عروس النيل

طريقة صيدها جميلة وسهلة خالص لاكن بتحتاج سهر على المية طول اليل

العدة عود حلو وخييط 35 او 40 زى متحب غماز طعم عادى يركب على الخيط واثناء التركيب نعمل حساب الفسفور ثم تقل عادى مناسب للغماز ثم الخية او مدور ثم يركب الوش طولة عادى وش طعم والسنرتين متوسط

وبعد كدة نطعم والطعم بيطون دود او معروف عند البياع بطعم افرنجى ويختلف عن العادى بطولة احيانا يصل طول الوحدة الى 30 سم ويتم تطعيمة حى وتدخل السنارة من منتصفة بحيث يكون نصفها الموجود بة الراس فى الاعلى والنصف الاخر اسفل

او نوع اخر من الدود اسمة نطاط ويتميز بكثرة حركتة وقصر طولة ويطعم بطريقة اسمها العنكبوت بنعدى السنارة من اسفل الراس تعدية بس يعنى مش بندككة ونرس جمب بعض حوالى 5 او 6 تبص للسنارة بع تطعيمها تجدها كلها بتلعب شكل ارجل العنكبوت وكل دة لاغراء البياضة

بعد التطعيم نخلى طول الرمال اى المسافة بين الغماز والسنارة حوالى 70 سم ونيجى على مكان على الشط ويستحسن يكون فية نسيرة ونرمى جوة شوية ونلم قرب النسيرة لحد ميبتدى يميل طبعا ركبنا الفسفور ونورناة ونصبر وفى الغالب لا ينقر بل يسحب علطول وسحب سريع طبعا تكون جاهز وتضرب وان شاء اللة بياضة محترمة وميزتها انها بعد اول ضربة لاتقاوم نهائى هدية جدا ومين عالم ممكن يطلع بعد كل دة قرموط ويعذبك

شكرا

ابو يوسف الخضيرى
  رد مع اقتباس مشاركة تمت مراقبتها
الأعضاء الذين قالوا شكراً لـ ابو يوسف الخضيرى على المشاركة المفيدة:
eng_dos (09-27-2012)
قديم 08-25-2012, 11:56 PM   رقم المشاركة : [5]
ابو يوسف الخضيرى
صياد
 
مزاجي
رايق
شكراً: 28
تم شكره 16 مرة في 11 مشاركة

الملف الشخصي




ابو يوسف الخضيرى صياد بالرابطة
 
 
 الأوسمة و جوائز
 بينات الاتصال بالعضو
 اخر مواضيع العضو

ابو يوسف الخضيرى غير متواجد حالياً

افتراضي رد: متعة صيد النهر

السلام عليكم ورحمة اللة وبركاتة

سؤال لاهل الخبرة

ارجو الافادة وجدت فى السوق خيط يسمى فلورو كربون صناعة يابانى مكتوب عليى بالغة الانجليزية انة غير مرئى تحت الماء وهو غالى الثمن جدا
ارجو الافادة منكم عن هذا الخيط او اى معلومة عنة فانا اعلم انكم اهل خبرة

وشكرا

ابو يوسف الخضيرى
  رد مع اقتباس مشاركة تمت مراقبتها
قديم 08-26-2012, 03:51 AM   رقم المشاركة : [6]
ايهاب ابو الوفا حمدى
* صياد vip بالرابطة *
 
مزاجي
رايق
شكراً: 1,014
تم شكره 803 مرة في 409 مشاركة

الملف الشخصي



ايهاب ابو الوفا حمدى صياد متألق بالرابطةايهاب ابو الوفا حمدى صياد متألق بالرابطةايهاب ابو الوفا حمدى صياد متألق بالرابطةايهاب ابو الوفا حمدى صياد متألق بالرابطةايهاب ابو الوفا حمدى صياد متألق بالرابطة
 
 الأوسمة و جوائز
 بينات الاتصال بالعضو
 اخر مواضيع العضو

ايهاب ابو الوفا حمدى غير متواجد حالياً

افتراضي رد: متعة صيد النهر

موضوع جميل جدا وشارح لفنون وادق تفاصيل صيد النهر اما عن الخيوط فامتنها على الاطلاق هو البريد وباليبرا ويشيل احمال اما الفلورو فهو بيقال انه غير مرئى ولكن جميع الخيوط مرئية ولكن اجملها هو البريد واليازورى المطاط عميق الشكر والتقدير لصياد احسست من كلماته النضوج الكامل فى فنون الصيد البحرى خالص التقدير ووافر الاحترام
التوقيع
ايهاب ابو الوفا حمدى

أضحى ولي العهد نجلك صائداً-- شأن الملوك العلية العظماء
ورمى البزاة على القناة بصيده --صيد الملوك شارد الأعداء

من مواضيعي في هذا القسم ايهاب ابو الوفا حمدى


  رد مع اقتباس مشاركة تمت مراقبتها
2 أعضاء قالوا شكراً لـ ايهاب ابو الوفا حمدى على المشاركة المفيدة:
قديم 08-26-2012, 03:53 AM   رقم المشاركة : [7]
كريم الكراني
☠ 💀 الإدارة 💀 ☠
 
مزاجي
افكر
شكراً: 1,858
تم شكره 3,213 مرة في 1,703 مشاركة

الملف الشخصي




كريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.com
 
 
 الأوسمة و جوائز
 بينات الاتصال بالعضو
 اخر مواضيع العضو

كريم الكراني غير متواجد حالياً

افتراضي رد: متعة صيد النهر

صياد كبير و موضوع مفيد جدا .. شكرا لك و سلمت يداك يا فندم.
  رد مع اقتباس مشاركة تمت مراقبتها
الأعضاء الذين قالوا شكراً لـ كريم الكراني على المشاركة المفيدة:
قديم 08-26-2012, 08:00 PM   رقم المشاركة : [8]
ابو يوسف الخضيرى
صياد
 
مزاجي
رايق
شكراً: 28
تم شكره 16 مرة في 11 مشاركة

الملف الشخصي




ابو يوسف الخضيرى صياد بالرابطة
 
 
 الأوسمة و جوائز
 بينات الاتصال بالعضو
 اخر مواضيع العضو

ابو يوسف الخضيرى غير متواجد حالياً

افتراضي رد: متعة صيد النهر

اشكر استاذنا الكبير ايهاب بك على المعلومات المفبدة بخصوص الخيط

وكون انى ارى شكر على موضوعى من اثنين زى استاذ اهاب واستاذ كريم فهذا شرف لىويزيدنى ثقة

ويشرفنى ان اكون صديق لكم واستفيد من خبرتكم


وشكرا

ابو يوسف الخضيرى
  رد مع اقتباس مشاركة تمت مراقبتها
الأعضاء الذين قالوا شكراً لـ ابو يوسف الخضيرى على المشاركة المفيدة:
قديم 09-04-2012, 07:11 PM   رقم المشاركة : [9]
saber3
صياد مجتهــد
 
مزاجي
رايق
شكراً: 2
تم شكره 55 مرة في 48 مشاركة

الملف الشخصي




saber3 صياد نشيط بالرابطةsaber3 صياد نشيط بالرابطة
 
 
 الأوسمة و جوائز
 بينات الاتصال بالعضو
 اخر مواضيع العضو

saber3 غير متواجد حالياً

افتراضي رد: متعة صيد النهر

جزاك الله خيرا
  رد مع اقتباس مشاركة تمت مراقبتها
الأعضاء الذين قالوا شكراً لـ saber3 على المشاركة المفيدة:
قديم 09-04-2012, 10:39 PM   رقم المشاركة : [10]
elnawawy
صياد متميــــز
 
مزاجي
مبسوط
شكراً: 241
تم شكره 161 مرة في 133 مشاركة

الملف الشخصي




elnawawy صياد نشيط بالرابطةelnawawy صياد نشيط بالرابطة
 
 
 الأوسمة و جوائز
 بينات الاتصال بالعضو
 اخر مواضيع العضو

elnawawy غير متواجد حالياً

افتراضي رد: متعة صيد النهر

شكرا علي المعلومات المفيده عن الصيد بصفة عامه وليس صيد البلطي فقط
التوقيع
من مواضيعي في هذا القسم elnawawy


  رد مع اقتباس مشاركة تمت مراقبتها
الأعضاء الذين قالوا شكراً لـ elnawawy على المشاركة المفيدة:
إضافة رد

مواقع النشر (المفضلة)

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة



المواضيع المتشابهه
الموضوع كاتب الموضوع المنتدى مشاركات آخر مشاركة
الصيد.. متعة حاصرتها إنفلونزا الطيور وقوانين حماية البيئة Andria الصيــــد العـــــــام 8 03-22-2012 09:50 AM
الصيد متعة واسقاط الطريدة لذة ايهاب ابو الوفا حمدى الصيــــد العـــــــام 9 10-29-2011 12:44 PM


الساعة الآن 06:29 PM


جميع الحقوق محفوظة لمنتدى رابطة الصيد والرماية.
. v1.1.1 (Pro).

Security team