الساده اعضاء المنتدي و السادة زوار الموقع ، في حالة وجود أي مشكلة في التسجيل بالموقع او إستعادة كلمات السر برجاء التواصل برساله علي الواتس آب علي رقم 01001045545 الخاص بصاحب الموقع الأستاذ كريم الكراني. |

 
العودة   رابــطة الصــيد و الرمــاية > الصيد البحري و النهري > صيـــد الأسمــــاك
 
صيـــد الأسمــــاك معلومات عن جميع انواع الأسماك البحرية و النهرية و أساليب صيدها.

الموضوع سيتم تحديثة آليا كل 600 ثواني(s). Automatic thread refreshing has been stopped because you appear to be idle. Un-Idle - إعادة تحميل
إضافة رد
 
أدوات الموضوع انواع عرض الموضوع
  رقم المشاركة : [1]  
قديم 09-18-2012, 01:31 AM
 
mr.samakawi
صياد فعـــــال
مزاجي
عدواني
شكراً: 464
تم شكره 52 مرة في 33 مشاركة

 الأوسمة و جوائز
 بينات الاتصال بالعضو
 اخر مواضيع العضو
  mr.samakawi غير متواجد حالياً  
الملف الشخصي






mr.samakawi صياد فعال بالرابطة
 
افتراضي سمكه البورى

سمكة البوري
اسماء البوري
البوري الصغير: جران
البوري المتوسط: بوري
البوري الكبير: كمبوت

اماكن تواجد البوري

البوري بيتواجد في المياة متوسطة العمق يعني من 3 ل 6 متر تقريبا
والبوري عادة بيعيش في مجموعات كبيرة
ومن المناظر الغريبة اللي شفتها بعيني كان في ميناء الدخيلة
المية على مسافة لاتقل عن 2 كم وبعرض الحوض كله مردومة بوري واحجام كبيرة لدرجة ان كان فيه ناس بتمسكة بايديها
وعلى فكرة البوري من الاسماك اللي بتعيش في المية الحلوة والمالحة وفيه معلومة سمعتها ومش متاكد صحتها ان البوري بيهاجر من النيل للبحر علشان يبيض
بس احنا حنتكلم عن صيد البوري في البحر لان عمري ما طلعت بوري من المية الحلوة

موسم صيد البوري

البوري موجود في المية طول السنة بس بيقل جدا في الصيف والشتا يعني لما المية تسخن قوي ولما تبرد قوي

طرق صيد البوري

البوري عادة بنصطاده بالبوصة العادية وده بيكون بطريقتين
الصيد بالفلة او الصيد بالربع (المشنقة)

صيد البوري بالفلة
البوري من الاسماك الحساسة جدا علشان كده لازم نختار وقت الصيد وعدة الصيد المناسبة بمعنى
صيد البوري لازم يكون بهدوء شديد ولو بتصطاد بالنهار لازم تختار مكان ميكونش فيه خيالك على المية يعني ماتكوش الشمس في ضهرك علشان ضلك مايجيش على المية وعلشان كده انسب وقت لصيد البوري بيكون من بعد المغرب لغاية الفجر
الشعر الاساسي مش اكتر من 25
شعر الفروع من 15 ل 20
السلاح 25 ل 20
صيد البوري بالفلة يكون طعمك عجينة ومش اي عجينة لازم تكون طرية وحقولكم ازاي بنعملها في الاخر
بالنسبة لشعر الفروع بيكون قصير يعني فرع 25 سم والتاني 15 او 20 سم
العمق اللي بتصطاد علية يكون نص عمق المية
اطعم العجينة وارمي xxxxxxxxxxxxxxx
غلط غلط غلط
احنا قلنا ان البوري حساس جدا لاي حركة غريبه
لو انت رميت زي ما بترمي يبقى مش حتلاقي ولا بوراية في المية
يبقى احنا لازم ننزل الفلة بالراحة في المية
توكلنا على الله
البوري مش بياكل زي باقي السمك
البوري فيه ناس بيقولو انه بيلحس الطعم وده طبعا مش صحيح لانه بياكل ولكن لان بقه فتحته لفوق وبقه صغير جدا فبيسحب من الطعم حتت صغيرة جدا وعلشان كده لما بياكل بنلاقي ان الفلة مش بتغمز
بنلاقي ان الفلة بتتحرك حركة بسيطة احنا بنقول انه بيخنق الفلة
لما السمكة تاكل معاك اوعى ترد فيها جامد وده لسببين
اولا لاننا قلنا ان اي حركة غريبة حتخلي السمكة تفزع
وثانيا لان بق البوري ضعيف لو اديتة واحدة جامده شوية حتلاقي بقة بس هو اللي طالعلك

صيد البوري بالربع (المشنقة)
الطريقة دي احنا شرحناها في صيد البطاطا
وهي بتكون
شعر اساسي 25
شعر فروع 15 ل 20
الصيد بدون فلة
الشعر الاساسي طولة نص عمق المية
السلاح كبير شوية يعني 6 او 5
وبيكون عدد من 5 ل 7 سنانير بنعمل 3 طولهم حوالي 10 سم والباقي طولهم حوالي 5 سم
ونحط رصاص شريط حوالين مكان توصيل السنانير
الصيد بيكون بعجينة ناشفة
وحنتكلم عنها بعدين
بتحط العجينة على الرصاص وبتنزلها المية بالراحة لغاية ما اللبلوب بتاع البوصة يوصل اول المية
في الطريقة دي البوري هو الي بيوقع نفسة وعلشان كده سموها المشنقة
وممكن نستخدم طعم تاني مع الطريقة دي وهو السردين
ايوه السردين
تشيل راس السردينة وتفتحها من بطنها وتعلقها على السناير يعني تخلي السنانير كلها جوة بطن السردينة وتغرزها فيها من جوة
وربنا يكرمكم بسمكة بوري من اللي بياكل السردين
اقل سمكة تعدي الكيلو ونص

دلوقتي نيجي لصيد البوري بالبوصة والماكينة
محدش يستغرب
بنصطاد البوري بالماكينة وله طريقة واحدة اسمها السندويش
ودي بتكون كالاتي
الشعر الاساسي 40
شعر الفروع 30 او 35 وده لازم لان السمك اللي بيضرب عليك سمك تقيل
السلاح بيكون حوالي من 15 ل 25 سنارة نمرة 20 او ممكن 18
بنربط السنانير كلها طول واحد اللي هو حوالي 15 سم
وكلهم يتوصلو في الشعر الاساسي من نفس المكان اللي هو فوق الرصاصة بحوالي 30 سم
الطعم بيكون عيش بلدي اسمر
بنقطع الرغيف شرايط عرضها حوالي 5 سم وبنلفه على شكل اسطوانة بحيث يكون الجزء الداخلي للرغيف هو اللي برة
ونجيب استيك عادي من بتاع الفلوس ده ونثبت بيه العيش على الشعر الاساسي جنب وصلة الفروع
ونجيب السنانير كلها ونغرزها في العيش بشكل عشوائي ونرمي ونسيبها
وان شاء الله حتلاقي البوصة دي بتعمل زلزال تعرف ان معاك بوراية لا تقل عن اتنين كيلو ونص او تلاتة كيلو

طريقة التحضير لصيد البوري

طريقة التحضير للبوري تنقسم لحاجتين
طرق عمل العجينة

اولا العجينة الطرية
كوب دقيق - مية حسب الاحتياج – سكر
حنحط الدقيق على النار ونقلبة لغاية ما يسمر ونضيف له معلقة سكر صغيرة مش مليانة وبعد كده نضيف المية شوية شوية لغاية ما تلاقي القوام بقى متماسك بيبقى قوامها عامل زي قوام الشحم اللي بنشحم بيه المكن
سيبها تبرد وحطها في علبة
بس لازم لاحظ ان تطعيم العجينة الطرية عايز خبرة لانك لازم تطعمها ببقك بمعنى انك بتاخد حتة عجينة صغيرة ببقك وتحط السنارة في بقك وتلف العجينة على السنارة بلسانك فالغلطة حتلاقي انك اصطدت نفسك في الاخر

ثانيا العجينة الناشفة
ودي بتكون للصيد بالربع وهي عبارة عن عيش بلدي عادي جدا وبنبلة ونعجنة بادينا ونسيبة جنبنا في السمش او الهوا ولو احتاج مية تاني نديلة وده تطعيمة ساهل جدا لانك بتاخد حتة وتحط الرصاصة في نصها وتلف العجينة عليها بايدك زتاكد عليها زي ما تكون بتعمل كفتة كده

تاني حاجة في التحضير لصيد البوري
تحضير المرمى
وهو انك لازم تجمع السمكة الاول وده بيكون بالتزفير
والتزفير بيكون بعيش مبلول في جردل مية لغاية نا يفرول وتعملة كور صغيرة وترمية في المية
والتزفير للبوري شئ اساسي لان البوري بيتجمع على ريحة العيش في المية
وكمان لازم تلاحظ ان مع كل سمكة تطلعها لازم ترميلك كورة او اتنين تزفر بيهم علشان تثبت السمكة تحت منك
التزفير بيكون قبل ما تبتدي تصطاد بفترة ممكن توصل ساعتين او تلاتة ويكون متواصل علشان تقدر تجمع اكبر كمية من البوري
المصغرات المرفقة
c863740d51.jpg  
الصور المرفقة
 
رد مع اقتباس مشاركة محذوفة
قديم 09-18-2012, 01:43 AM   رقم المشاركة : [2]
Amin Hegazy
قنــاص متألق
 
مزاجي
رايق
شكراً: 416
تم شكره 1,126 مرة في 883 مشاركة

الملف الشخصي




Amin Hegazy عضو هام بالرابطةAmin Hegazy عضو هام بالرابطةAmin Hegazy عضو هام بالرابطةAmin Hegazy عضو هام بالرابطةAmin Hegazy عضو هام بالرابطةAmin Hegazy عضو هام بالرابطةAmin Hegazy عضو هام بالرابطة
 
 
 الأوسمة و جوائز
 بينات الاتصال بالعضو
 اخر مواضيع العضو

Amin Hegazy غير متواجد حالياً

افتراضي رد: سمكه البورى

تسلم ايدك موضوع جميل واحلى تقييم للبوري وصياد البوري
هههههههههه
التوقيع
سبحان الله وبحمده سبحان الله العظيم

[SIGPIC][/SIGPIC]


من مواضيعي في هذا القسم Amin Hegazy


  رد مع اقتباس مشاركة تمت مراقبتها
قديم 09-18-2012, 02:05 AM   رقم المشاركة : [3]
د_محمدحبيب
صياد
 
مزاجي
رايق
شكراً: 4
تم شكره 5 مرة في 5 مشاركة

الملف الشخصي




د_محمدحبيب صياد بالرابطة
 
 
 الأوسمة و جوائز
 بينات الاتصال بالعضو
 اخر مواضيع العضو

د_محمدحبيب غير متواجد حالياً

افتراضي رد: سمكه البورى

موضوع اكتر من رائع...بارك الله فيك ...شكرا على المجهود
التوقيع
ما زلت أستجديك عفوا فاغفر لقلبٍ مات شجوا
متندمًا
عن كل ما اقترفت يداي وكان سهوا
سبحانك، المعصوم ليس أنا
أنا الملآن آثاما وشكوى
إن كان ذنبي مثل موج البحر فغفرانك أقوى

  رد مع اقتباس مشاركة تمت مراقبتها
قديم 09-18-2012, 12:34 PM   رقم المشاركة : [4]
احمد عبد العليم
قنــاص مُخضرم
 
مزاجي
تعبان
شكراً: 648
تم شكره 580 مرة في 441 مشاركة

الملف الشخصي




احمد عبد العليم عضو هام جدا بالرابطةاحمد عبد العليم عضو هام جدا بالرابطةاحمد عبد العليم عضو هام جدا بالرابطةاحمد عبد العليم عضو هام جدا بالرابطةاحمد عبد العليم عضو هام جدا بالرابطةاحمد عبد العليم عضو هام جدا بالرابطةاحمد عبد العليم عضو هام جدا بالرابطةاحمد عبد العليم عضو هام جدا بالرابطةاحمد عبد العليم عضو هام جدا بالرابطة
 
 الأوسمة و جوائز
 بينات الاتصال بالعضو
 اخر مواضيع العضو

احمد عبد العليم غير متواجد حالياً

افتراضي رد: سمكه البورى

تسلم ايدك يا على موضوع جميل
التوقيع
" كن في الحياة كعابر سبيل واترك وراءك كل أثر جميل فما نحن في الدنيا إلا ضيوف وما
على الضيوف إلا الرحيل "



[SIGPIC][/SIGPIC]


من مواضيعي في هذا القسم احمد عبد العليم


  رد مع اقتباس مشاركة تمت مراقبتها
قديم 09-18-2012, 12:42 PM   رقم المشاركة : [5]
محمد قنديل
صياد مجتهــد
 
مزاجي
رايق
شكراً: 12
تم شكره 121 مرة في 65 مشاركة

الملف الشخصي




محمد قنديل صياد فعال بالرابطة
 
 
 الأوسمة و جوائز
 بينات الاتصال بالعضو
 اخر مواضيع العضو

محمد قنديل غير متواجد حالياً

افتراضي رد: سمكه البورى

موضوع جميل ماشاء الله وتسلم ايدك علي المعلومات
التوقيع مع خالص تحياتي

  رد مع اقتباس مشاركة تمت مراقبتها
قديم 09-18-2012, 12:43 PM   رقم المشاركة : [6]
د. محمد
صياد مجتهــد
 
مزاجي
افكر
شكراً: 12
تم شكره 57 مرة في 40 مشاركة

الملف الشخصي




د. محمد صياد فعال بالرابطة
 
 
 الأوسمة و جوائز
 بينات الاتصال بالعضو
 اخر مواضيع العضو

د. محمد غير متواجد حالياً

افتراضي رد: سمكه البورى

موضوع جميل و نصائح ممتازة من صياد محترم. تقبل تحياتي
  رد مع اقتباس مشاركة تمت مراقبتها
إضافة رد

مواقع النشر (المفضلة)
الموضوع سيتم تحديثة آليا كل 600 ثواني(s). Automatic thread refreshing has been stopped because you appear to be idle. Un-Idle - إعادة تحميل

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة



المواضيع المتشابهه
الموضوع كاتب الموضوع المنتدى مشاركات آخر مشاركة
سمكه التونه mr.samakawi صيـــد الأسمــــاك 7 10-10-2013 04:18 AM
سمكه الدنيس mr.samakawi صيـــد الأسمــــاك 5 09-18-2012 07:37 PM
سمكه خطيره كيلوا زولديك صيـــد الأسمــــاك 4 09-12-2012 08:54 PM
سمك البورى وطرق صيده من صيادون على الهامش محمد حليم صيـــد الأسمــــاك 8 05-01-2012 11:57 AM
صيد البورى محمد حليم صيـــد الأسمــــاك 1 03-07-2012 11:12 AM


الساعة الآن 11:18 AM


جميع الحقوق محفوظة لمنتدى رابطة الصيد والرماية.
. v1.1.1 (Pro).

Security team