الساده اعضاء المنتدي و السادة زوار الموقع ، في حالة وجود أي مشكلة في التسجيل بالموقع او إستعادة كلمات السر برجاء التواصل برساله علي الواتس آب علي رقم 01001045545 الخاص بصاحب الموقع الأستاذ كريم الكراني. |

 
العودة   رابــطة الصــيد و الرمــاية > الأقــســـام الــعـــامــة > الموضوعات العامة
 
الموضوعات العامة قسم خاص بالموضوعات العامة التي لا تخص الصيد.

إضافة رد
 
أدوات الموضوع انواع عرض الموضوع
  رقم المشاركة : [1]  
قديم 05-24-2013, 11:17 PM
 
احمد عبد العليم
قنــاص مُخضرم
مزاجي
تعبان
شكراً: 648
تم شكره 580 مرة في 441 مشاركة

 الأوسمة و جوائز
 بينات الاتصال بالعضو
 اخر مواضيع العضو
  احمد عبد العليم غير متواجد حالياً  
الملف الشخصي






احمد عبد العليم عضو هام جدا بالرابطةاحمد عبد العليم عضو هام جدا بالرابطةاحمد عبد العليم عضو هام جدا بالرابطةاحمد عبد العليم عضو هام جدا بالرابطةاحمد عبد العليم عضو هام جدا بالرابطةاحمد عبد العليم عضو هام جدا بالرابطةاحمد عبد العليم عضو هام جدا بالرابطةاحمد عبد العليم عضو هام جدا بالرابطةاحمد عبد العليم عضو هام جدا بالرابطة
تحذير الحيل الحديثة في سرقة العربيات أثناء سيرها موضوع مهم جدا

نيجي للحيل الحديثة في سرقة العربيات أثناء سيرها
---------------------------------------------------------
هانتكلم على الحيل والوسائل المبتكرة , وبعد كدة ندخل في الطرق اللي أصبحت للأسف تقليدية

1- أول ماتدور العربية وتيجي تتحرك بيها تسمع صوت حاجة معدنية مكسورة
الحقيقة ان بيكون الحرامي رابط حديدة أو ماسورة في العربية من ورا ... بحيث تفاجأ بيها وتنزل تشوف فيه إيه ...يدخل هو مكانك في غمضة عين ويسرق العربية وهي دايرة

الحل: أولاً ماتنزلش من العربية تحت أي ظرف من الظروف وانت سايب المفتاح جواها , لا تقوللي هاجيب حاجة من الكشك والعربية قدامي اهي ولا تقوللي المسافة قريبة وهاقدر الحق أي حاجة ... الحرامي بيسرق الكحل من العين ...وماتنساش ان دي مهنته وهو محترف فيها

ثانياً , الأصل في فن قيادة السيارات انك تلف لفة كاملة حوالين العربية قبل ماتركبها ... مش هاتاخد منك 10 ثواني , خلالها هاتكتشف لو حد حكهالك أو أخدت خبطة وهي واقفة ... أو لو فيه كاوتش نايم , أو لو حد عامللك فيها فخ علشان يسرقك أول ماتتحرك , كمان علشان تتأكد ان مافيش شخص غلبان نايم وراها , أو قطة كانت داخلة عند الكاوتش تتدفى في البرد (معظم القطط المصرية بقت عارفة شغلها أول ماتسمع باب العربية بيتفتح ..وتسيبهالك من سكات)

ثالثاً: لو حسيت بالخطر في حالة نزولك من العربية استمر في السير بيها لأقرب مكان آمن ممكن تنزل تشوف إيه اللي بيحصل (في حالة لو ماعملتش أولاً وثانياً ونسيت , عادي كلنا بننسى)


حيلة الورقة اللي على الزجاج الخلفي
أول ماتيجي تركب العربية , وتتحرك بيها تلاقي ورقة على الزجاج الخلفي مانعة للرؤية ... تيجي تنزل من العربية تشيلها تلاقي الحرامي عمل معاك نفس اللي حصل في الحيلة السابقة

الحل: نفس الحلول في الحيلة السابقة

3- حيلة البيض

وانت ماشي بالعربية تفاجأ ببيضة نيئة اترمت على الزجاج الأمامي أو الخلفي ... غالباً بتكون معدي تحت
كوبري أو فيه منطقة عالية في الطريق

بالطبع انت هنا مش قدام طفل بيلعب بالحاجات اللي جوة تلاجة أهله ... وبالتأكيد مافيش فرخة هاتطير على ارتفاعات عالية وكمان تبيض ..وبيضتها تقع فوق الزجاج الأمامي لعربيتك !!!

اللي بيحصل هو ان الحرامي بيكون عامل عصابة .. عيل يرمي بيضة من مكان مرتفع على الزجاج الأمامي ... تقوم انت تتخض قدام عنصر المفاجأة ... وبيكون الحل هو انك تركن على جنب علشان تمسح آثارها (حل سيئ) وده عز الطلب للحرامي اللي هايفاجئك علشان يسرق العربية ... أو انك تشغل مياه المساحات علشان تمسحها وانت ماشي (حل أسوأ ) ... لأن ساعتها الزجاج كله هايتحول إلى بياض بيض ني والرؤية هاتنعدم


الحل: استمر في القيادة لحد أقرب مكان آمن , وشيل آثار البيضة باستخدام فوطة جافة الأول بعد كدة صابون على طول ... بس الأهم من كدة انك تكون بعيد عن المكان ده تماماً وبعيد عن أي عربية بدأت تتبعك من مكان "قصف العربية بالبيضة" !!!


4- حيلة "التانك بيخر يا كابتن"

وانت ماشي في أمان الله تلاقي واد راكب عجلة أو موتوسيكل يقوللك "الحق التانك بيخر يا كابتن" , طبعاً انت تتفزع وتحس ان فيه مصيبة حصلت ... تقوم نازل جري تشوف فيه إيه ... وده عز الطلب بالنسبة للحرامي

الحل: سيبك من الواد العبيط ده (مع أخذك في الاعتبار ان 20% ممكن يكون كلامه صح) ... استمر في القيادة ...حتى لو التانك بيخر هاينزل قد إيه ؟؟ وهل فعلاً ظهرلك على مؤشر البنزين انه بينقص بسرعة ؟؟ ... في كلتا الحالتين استمر في القيادة من غير أي نزول من السيارة تماماً ... وابقى ادخل محطة بنزين شوف الحكاية , ده لو كان بيخر فعلاً

5- حيلة الطفل الرضيع اللي على جنب


ماشي في حالك تلاقي عربية طفل ... أو طفل رضيع ... أو عيل صغير بيعيط جوة سبت أو كاريكوت أو أي حاجة ممكن يتشال فيها عيل ... تركن على جنب (خصوصاً قلب البنات بيبقى حنين) يكون ده عز الطلب بالنسبة للحرامي

الحل: سيب أهل المنطقة هما اللي يتصرفوا ... الحالات دي لو كانت صحيحة بتكون حالات إنسانية ولها مساءلة قانونية وأفضل شئ يكون تحت ولاية أمر حد في نفس المنطقة اللي هو مفقود فيها , ده لو كان فعلاً طفل مفقود أو لقيط , أما في معظم الحالات بتكون مجرد فخ علشان الإيقاع بالضحايا



وانت ماشي عادي بتلاقي واحد اترمى على الأرض وعمال يصرخ , انت ياعم خبطتني , مش تفتح , انتوا ماعندكوش قلب ولا رحمة , هو اكمني غلبان يعني ماليش ضهر ولا تمن في البلد دي .... إلخ إلخ

انت طبعاً بتكون سرحان , لأنه بينقي ضحاياه من الناس السرحانة سواء في موبايل بيتكلم فيه أو في البنت اللطيفة اللي قاعدة جنبه أو أشياء أخرى كتير ... بس انت كذلك متأكد انك ماخبطتهوش (ساعات هو بيروح يخبط نفسه في العربية علشان تسمع صوت خبطة وتتخض) ... طالما انت قدام ربنا واثق من نفسك انك ماخبطتش حد , (ماتعيشيليش بقى جو انا ماخبطتهوش وهو غرقان في دمه متكوم على الأرض وإزاز عربيتك مكسور , احنا بنتكلم على واحد بيتلكك علشان يفتعل معاك خناقة وينزلك من العربية) , خد بعضك وامشي من سكات من غير قلق , وخليك بارد بشكل مستفز على غير العادة علشان مايحاولش يغضبك وينزلك من عربيتك تضربه ... ولو حصل بقى ونزلت من عربيتك (نسيت وكلنا بننسى) ...قول له تعال على القسم اعمللي محضر ... ساعتها هايفلفص منك وابو رجل مسلوخة ده اللي كان مرمي على الأرض دلوقتي هاتشوفه طلع يجري ولا زعيم السنافر !!


7- الشحات الرزل

واقف في إشارة , جالك شحات , وانت ماديتهوش حاجة , أو اديتله مثلاً نص جنيه ... هايقعد يبرطم ويقول كلام هرتلة , وبعدين يتف عليك أو على العربية (بيتعمد انها تكون على وشك , آسف لو كلامي ده قرف بعض الناس لكن ده بيحصل)

الحل: تعال على نفسك ونضف نفسك واحذر كل الحذر انك تنزل وراه تعمل أي حاجة ...إوع ينزلك من عربيتك خصوصاً انك هاتكون في قمة الغضب وهاتسيب مفاتيح عربيتك في الكونتاكت ... (ماينفعش هنا ننسى بالنسبة للناس اللي نسيت في الكام حيلة اللي فاتوا) , وحافظ على زجاج عربيتك مغلق قدر الإمكان


8- الموتوسيكل اللي بيخبط في الشنطة

ماشي لا ليك ولا عليك ... وفجأة تسمع طاخ بوم تش ... موتوسيكل خبط عربيتك من ورا , هاتلاقي الواد اللي راكب الموتوسيكل زي ماهو مش هايقع ولا هايتعور , وكمان هاتلاقي ان وراه حد عمال يزعق ويتخانق , إوع تنزل وتسيب عربيتك وكمان مفاتيحك , نصيحتي ليك ماتنزلش خالص

ليه ؟ أول حاجة خبطة الموتوسيكل من ورا بتكون مؤثرة في الإكصدام وده أمره سهل .. تاني حاجة المضرور بجد هو اللي كان راكب موتوسيكل ... تالت حاجة انت لو نزلت من عربيتك بيكون الموضوع عبارة عن عصابة والمرة دي مش بيتسحبوا ...المرة دي بيكون بالإكراه وعربية تانية قدامك بينزل منها ناس يتصرفوا معاك...رابع حاجة ماحدش هايخبطك من ورا ويكون هو الصح , القاعدة المرورية بتقول بغض النظر عن طريقة التوقف المفاجئ وأسبابه , القادم من الخلف هو المخطئ في حالة التصادم , يعني مايقعدش يبرطم يقوللك انت اللي وقفت مرة واحدة يا كابتشن والكلام الاهبل ده ...


الحل: خد بعضك وامشي من غير كلام كتير , عيش الجو المصري بتاع الحمدلله جات سليمة واللي ييجي في الريش بقشيش وحمدالله على سلامتك وتتعوض ان شاء الله , إكصدام العربية حتى لو راح بالكامل "وده احتمال مستبعد" أرخص بكتير من تمن العربية بحالها أو الفدية بتاعتها لو هما خاطفينها مؤقتاً

ملحوظة : الحيلة دي ممكن تتنفذ بعربية قديمة , خصوصاً لادا القديمة أو فيات 1300 أو بيجو 504 ... حاجة كدة ماتتأثرش بالخبطات وتصليحها كلها على بعضها بتلاتة جنيه ... هاتكون في مكان مش محتمل السرعة علشان تتخبط من ورا ...خلي المنطق يشتغل

9- البنوتة اللي مستنية الأوتوبيس في حتة مقطوعة

تيجي كدة ماشي في طريق فاضي وفجأة , في حتة مافيهاش مساكن ولا بيوت ولا شركات وتلاقي اللي واقفة كدة لحالها , قال يعني مستنية تاكسي أو مواصلة في المكان القاحل ده ... طبعاً قلبك الحنين وشهامتك يبدأوا ينقحوا عليك (قال يعني) .. وتركن على جنب و "تترجاها" انك توصلها
الباقي معروف ... هاتترجاها انها تاخد العربية بس وتسيبك سليم !!

الحل: ماتركبش حد ماتعرفهوش , وخصوصاً في أوقات الليل أو الأماكن الغير مسكونة , أو في مكان مش منطقي تواجد حد قدامه يقف يستنى مواصلة
وماتقولليش ماهو شكله نضيف وابن ناس (كل الناس ولاد ناس, التعبير ده مش صح أصلاً من الأول) ... أو (هي بنت والوقفة كدة خطر عليها) , لأنها هاتكون خطر عليك انت نفسك بعد كدة !!

ملحوظة: الحيلة دي مش لسرقة السيارات فقط , دي مستعملة لتهريب المخدرات من الكمائن عن طريق شنطة البنوتة اللطيفة اللي راكبة عربيتك دي !


10- الحقوني شاب اتحرش بيا

تلاقي واحدة راكبة عربية نص كم , وهي أصلاً ست أو بنت نص كم ... وفجأة تلاقيها عمالة تسبل عيونها , وتديك كلاكسات , وتلاغيك ... وطبعاً جينات الخيانة تبدأ تشتغل جواك وتلعب الخمر برأسك الأغبر ... أول ماتيجي تتجاوب معاها هاتنزلك من عربيتك , وغيرك هايركبها تحت تهديد السلاح !!
وساعات يكون رد فعلها لما تبدأ تتجاوب معاها انها تستغيث بالـ "مارة" اللي مش بيكونوا فعلاً مارة , بيكونوا جزء من العصابة في المكان الموعود , يتلموا عليك يرنوك علقة علشان عاكست سيدة بريئة ماشية في حالها , آه ياخلبوص !! ...وتفوق من العلقة دي على عربيتك ومحفظتك وموبايلك رايحين ... بصراحة في الموقف ده انت تستاهل , علشان كدة مش هاحط حل للحيلة دي !!


ندخل بقى في الطرق التقليدية للسرقة أثناء تحرك العربية

الطريقة الرئيسية بتكون في مكان شبه هادي , فيه مطب والطريق مش عريض قوي...عربية تظهرلك في المراية , بتقرب منك بسرعة عند مكان المطب وانت بتهدي , تقفل عليك من قدام على الشمال (لازم يكون على الشمال) ... ينزل منها اربع جتت طول بعرض معاهم أسلحة آلية (بتكون بالفعل متعمرة مش لعب أطفال) ... واحد منهم يفتح باب العربية ينزلك , أو يشاور عليك بالسلاح ويهددك لو كنت قافل السنترلوك علشان تفتحه , معظمنا شاف الفيديو الحزين بتاع سرقة عربية على طريق كورنيش شبرا , وفوجئ بسلبية الناس اللي كانوا معديين

الحل: في الطرق اللي انت ماشي عليها خلي عينك على الـ 3 مرايات , احفظ الناس اللي ماشية حواليك وماتسيبش عربية مشبوهة تجيلك من الشمال خصوصاً لو قربت على مطب , تجاوزها وتجاوز المطب بسرعة وتخلص منهم... لو حصل وقفلوا عليك ماتتوقفش وادخل في وش عربيتهم (غالباً بتكون كيا سيراتو ...ادخل ولا يهمك دي عربية ورق) وانطلق بعيداً بأقصى سرعة , ماتنزلش من عربيتك مهما كان التمن طول مانت قادر تتحرك بيها , أما لو فعلاً حصل ووقفوك وماكانش فيه مخرج بالعربية , قدامك حل من اتنين : يا تدافع عن مالك أو أهلك لو راكبين معاك العربية حتى لو هايقتلوك , وزي ما النبي عليه الصلاة والسلام قال من قتل دون ماله فهو شهيد . ومن قتل دون دينه فهو شهيد . ومن قتل دون دمه فهو شهيد ، ومن قتل دون أهله فهو شهيد
الراوي: سعيد بن زيد المحدث:الترمذي - المصدر: سنن الترمذي - الصفحة أو الرقم: 1421
خلاصة حكم المحدث: حسن

, أو الحل التاني انك تنصرف من سكات وتديهم العربية ... ساعتها هاينفعك جداً جهاز التحكم عن بعد وتتبع السيارة (لو كنت مركبه) ...ونصيحتي تستعمله بعد ربع ساعة , مايكونوش قريبين منك علشان ينتقموا منك لو وقفت العربية عن بعد وانت لسة في متناول أيديهم

أما عن ازاي بيعرفوا يتصلوا بالضحايا يساوموهم على عربياتهم , فللأسف هما بيعرفوا رقم تليفونك من المحضر اللي بلغت بيه عن سرقة عربيتك !! .. من الواضح ان ليهم حد متعاون معاهم في جهات تنفيذ القانون !



التوقيع
" كن في الحياة كعابر سبيل واترك وراءك كل أثر جميل فما نحن في الدنيا إلا ضيوف وما
على الضيوف إلا الرحيل "



[SIGPIC][/SIGPIC]


من مواضيعي في هذا القسم احمد عبد العليم


رد مع اقتباس مشاركة محذوفة
3 أعضاء قالوا شكراً لـ احمد عبد العليم على المشاركة المفيدة:
هيثم موسي (05-24-2013), miroo (05-25-2013), شادي ابوالدهب (05-24-2013)
قديم 05-24-2013, 11:30 PM   رقم المشاركة : [2]
هيثم موسي
* صياد vip بالرابطة *
 
مزاجي
رايق
شكراً: 998
تم شكره 1,172 مرة في 929 مشاركة

الملف الشخصي




هيثم موسي عضو هام بالرابطةهيثم موسي عضو هام بالرابطةهيثم موسي عضو هام بالرابطةهيثم موسي عضو هام بالرابطةهيثم موسي عضو هام بالرابطةهيثم موسي عضو هام بالرابطةهيثم موسي عضو هام بالرابطةهيثم موسي عضو هام بالرابطة
 
 
 الأوسمة و جوائز
 بينات الاتصال بالعضو
 اخر مواضيع العضو

هيثم موسي غير متواجد حالياً

افتراضي رد: الحيل الحديثة في سرقة العربيات أثناء سيرها موضوع مهم جدا

موضوع رائع رائع ومميز جداااااا
انا عن نفسي كنت ماشي بالعربيه وواحد خبط نفسه في العربيه قدام مديرية امن الشرقية فوقف وفتح الازاز الي جنبي وميلت عشان اكلمه في ايه
بس حسيت ان الواد ده عينه مش معايا عينه مع واحد واقف جنبي ولسه بيمد ايده عشان ياخد الموبايل من العربيه طبعا اثناء انشغالي بالكلام مع الواد التاني لكن انا اخدت بالي وبصيت لقيت ايد الواد جوة العربيه بس اول ماشاف اني شفته شالها بسرعه
ركنت العربيه ونزلت شتمتهم لقيتهم بيفتحوا مطاوي والناس دخلت تحوش
السبب اني نزلت من العربيه اني كنت قدام المديرية ثانيا لو كنت جريت بالعربيه كان ممكن يمي اي حاجه او يكسر الازاز
المهم بوكس شرطة خارج من المديرية ومشغل السارينه العيال ديلهم في سنانهم وجريوا


جزاك الله خيرا علي الموضوع التحذيري المتميز جدا وربنا يبستر
  رد مع اقتباس مشاركة تمت مراقبتها
قديم 05-24-2013, 11:35 PM   رقم المشاركة : [3]
شادي ابوالدهب
قنـــاص
 
مزاجي
مستمتع
شكراً: 419
تم شكره 295 مرة في 259 مشاركة

الملف الشخصي




شادي ابوالدهب صياد نشيط بالرابطةشادي ابوالدهب صياد نشيط بالرابطة
 
 
 الأوسمة و جوائز
 بينات الاتصال بالعضو
 اخر مواضيع العضو

شادي ابوالدهب غير متواجد حالياً

افتراضي رد: الحيل الحديثة في سرقة العربيات أثناء سيرها موضوع مهم جدا

موووضوع راااااااائع جدا تسلم ايدك ربنا يهدي الناس
التوقيع
من مواضيعي في هذا القسم شادي ابوالدهب


  رد مع اقتباس مشاركة تمت مراقبتها
قديم 05-25-2013, 12:03 AM   رقم المشاركة : [4]
سمير الكبير
قنــاص مُخضرم
 
مزاجي
رايق
شكراً: 2,004
تم شكره 750 مرة في 533 مشاركة

الملف الشخصي




سمير الكبير صياد متألق بالرابطةسمير الكبير صياد متألق بالرابطةسمير الكبير صياد متألق بالرابطةسمير الكبير صياد متألق بالرابطةسمير الكبير صياد متألق بالرابطة
 
 
 الأوسمة و جوائز
 بينات الاتصال بالعضو
 اخر مواضيع العضو

سمير الكبير غير متواجد حالياً

افتراضي رد: الحيل الحديثة في سرقة العربيات أثناء سيرها موضوع مهم جدا

التوقيع [SIGPIC][/SIGPIC]
من مواضيعي في هذا القسم سمير الكبير


  رد مع اقتباس مشاركة تمت مراقبتها
قديم 05-25-2013, 12:04 AM   رقم المشاركة : [5]
كريم الكراني
☠ 💀 الإدارة 💀 ☠
 
مزاجي
افكر
شكراً: 1,858
تم شكره 3,213 مرة في 1,703 مشاركة

الملف الشخصي




كريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.com
 
 
 الأوسمة و جوائز
 بينات الاتصال بالعضو
 اخر مواضيع العضو

كريم الكراني غير متواجد حالياً

افتراضي رد: الحيل الحديثة في سرقة العربيات أثناء سيرها موضوع مهم جدا

نصائح مفيدة و الموضوع ده بقي بيتكرر كل يوم عادي و الناس للأسف الضمير أنعدم عندها ، بقينا عايشين في غابة .. عموما النصائح كلها ممتازة و يجب الأخذ بها و تأمين نفسك و ممتلكاتك لأقصي درجة ، و الوقاية خير من العلاج.
  رد مع اقتباس مشاركة تمت مراقبتها
قديم 05-25-2013, 12:16 AM   رقم المشاركة : [6]
احمد عبد العليم
قنــاص مُخضرم
 
مزاجي
تعبان
شكراً: 648
تم شكره 580 مرة في 441 مشاركة

الملف الشخصي




احمد عبد العليم عضو هام جدا بالرابطةاحمد عبد العليم عضو هام جدا بالرابطةاحمد عبد العليم عضو هام جدا بالرابطةاحمد عبد العليم عضو هام جدا بالرابطةاحمد عبد العليم عضو هام جدا بالرابطةاحمد عبد العليم عضو هام جدا بالرابطةاحمد عبد العليم عضو هام جدا بالرابطةاحمد عبد العليم عضو هام جدا بالرابطةاحمد عبد العليم عضو هام جدا بالرابطة
 
 الأوسمة و جوائز
 بينات الاتصال بالعضو
 اخر مواضيع العضو

احمد عبد العليم غير متواجد حالياً

افتراضي رد: الحيل الحديثة في سرقة العربيات أثناء سيرها موضوع مهم جدا

اقتباس:
المشاركة الأصلية كتبت بواسطة هيثم موسي مشاهدة المشاركة
موضوع رائع رائع ومميز جداااااا
انا عن نفسي كنت ماشي بالعربيه وواحد خبط نفسه في العربيه قدام مديرية امن الشرقية فوقف وفتح الازاز الي جنبي وميلت عشان اكلمه في ايه
بس حسيت ان الواد ده عينه مش معايا عينه مع واحد واقف جنبي ولسه بيمد ايده عشان ياخد الموبايل من العربيه طبعا اثناء انشغالي بالكلام مع الواد التاني لكن انا اخدت بالي وبصيت لقيت ايد الواد جوة العربيه بس اول ماشاف اني شفته شالها بسرعه
ركنت العربيه ونزلت شتمتهم لقيتهم بيفتحوا مطاوي والناس دخلت تحوش
السبب اني نزلت من العربيه اني كنت قدام المديرية ثانيا لو كنت جريت بالعربيه كان ممكن يمي اي حاجه او يكسر الازاز
المهم بوكس شرطة خارج من المديرية ومشغل السارينه العيال ديلهم في سنانهم وجريوا


جزاك الله خيرا علي الموضوع التحذيري المتميز جدا وربنا يبستر
الحمد الله انها جت على اد كده وخلى بالك بقى المره الجايه
اقتباس:
المشاركة الأصلية كتبت بواسطة شادي ابوالدهب مشاهدة المشاركة
موووضوع راااااااائع جدا تسلم ايدك ربنا يهدي الناس
نورت الموضوع استاذ شادى
اقتباس:
المشاركة الأصلية كتبت بواسطة سمير الكبير مشاهدة المشاركة
نورت الموضوع يا استاذ سمير
اقتباس:
المشاركة الأصلية كتبت بواسطة كريم الكراني مشاهدة المشاركة
نصائح مفيدة و الموضوع ده بقي بيتكرر كل يوم عادي و الناس للأسف الضمير أنعدم عندها ، بقينا عايشين في غابة .. عموما النصائح كلها ممتازة و يجب الأخذ بها و تأمين نفسك و ممتلكاتك لأقصي درجة ، و الوقاية خير من العلاج.
فعلا يا كيمو الوقايه خيرا من العلاج نورت الموضوع يا كبير
التوقيع
" كن في الحياة كعابر سبيل واترك وراءك كل أثر جميل فما نحن في الدنيا إلا ضيوف وما
على الضيوف إلا الرحيل "



[SIGPIC][/SIGPIC]


من مواضيعي في هذا القسم احمد عبد العليم


  رد مع اقتباس مشاركة تمت مراقبتها
قديم 05-25-2013, 12:32 AM   رقم المشاركة : [7]
خالد فوزي
صياد متميــــز
 
مزاجي
رايق
شكراً: 0
تم شكره 87 مرة في 77 مشاركة

الملف الشخصي




خالد فوزي صياد نشيط بالرابطةخالد فوزي صياد نشيط بالرابطة
 
 
 الأوسمة و جوائز
 بينات الاتصال بالعضو
 اخر مواضيع العضو

خالد فوزي غير متواجد حالياً

افتراضي رد: الحيل الحديثة في سرقة العربيات أثناء سيرها موضوع مهم جدا

تسلم ايدك على الموضوع التحزيرى الشامل الرائع وجعله الله فى ميزانك
  رد مع اقتباس مشاركة تمت مراقبتها
قديم 05-25-2013, 01:06 AM   رقم المشاركة : [8]
hatem hagag
صياد متميــــز
 
مزاجي
رايق
شكراً: 0
تم شكره 88 مرة في 84 مشاركة

الملف الشخصي



hatem hagag صياد نشيط جدا بالرابطةhatem hagag صياد نشيط جدا بالرابطةhatem hagag صياد نشيط جدا بالرابطة
 
 الأوسمة و جوائز
 بينات الاتصال بالعضو
 اخر مواضيع العضو

hatem hagag غير متواجد حالياً

افتراضي رد: الحيل الحديثة في سرقة العربيات أثناء سيرها موضوع مهم جدا

جزاك الله خيرا.
أهم النقاط والدروس المستفادة:
مراجعة السيارة قبل التحرك كل التحرك و ياريت قياس الزيت والمياة والبطارية كل فترة حسب عمر السيارة.
التركيز دائما على الأمن الخاص بك سكر السيارة من الداخل الزجاج مفتوح جزئيا بطريقة لا تسمح بإدخال أى شئ لسيارتك.
لا تضع أغراضك الثمينة مثل الموبيل نظارة الشمس ميالية ذهب أو ماشابة فى متناول المحيطين بشبابيك السيارة مثل بائعى المناديل أو المترجلين أو راكيى الدراجات البخارية.
لا تتفاعل غضبا أو شفقة مع المحيطين قبل التأكد من سلامتك فى المقام الأول.
إذا لا قدر الله وجدت نفسك فى موقف ما ركز على سلامتك فى المقام الأول ويكون هو الدافع الوحيد فى إتخاذ أى قرار.
لاتنسى أن أهم شئ هو سلامتك الشخصية أى شئ أخر يعوض.
أدعو الله بالسلامة للكل.
  رد مع اقتباس مشاركة تمت مراقبتها
قديم 05-25-2013, 10:51 AM   رقم المشاركة : [9]
احمد عبد العليم
قنــاص مُخضرم
 
مزاجي
تعبان
شكراً: 648
تم شكره 580 مرة في 441 مشاركة

الملف الشخصي




احمد عبد العليم عضو هام جدا بالرابطةاحمد عبد العليم عضو هام جدا بالرابطةاحمد عبد العليم عضو هام جدا بالرابطةاحمد عبد العليم عضو هام جدا بالرابطةاحمد عبد العليم عضو هام جدا بالرابطةاحمد عبد العليم عضو هام جدا بالرابطةاحمد عبد العليم عضو هام جدا بالرابطةاحمد عبد العليم عضو هام جدا بالرابطةاحمد عبد العليم عضو هام جدا بالرابطة
 
 الأوسمة و جوائز
 بينات الاتصال بالعضو
 اخر مواضيع العضو

احمد عبد العليم غير متواجد حالياً

افتراضي رد: الحيل الحديثة في سرقة العربيات أثناء سيرها موضوع مهم جدا

اقتباس:
المشاركة الأصلية كتبت بواسطة خالد فوزي مشاهدة المشاركة
تسلم ايدك على الموضوع التحزيرى الشامل الرائع وجعله الله فى ميزانك
الله يخليك يا باشا نورت الموضوع
اقتباس:
المشاركة الأصلية كتبت بواسطة hatem hagag مشاهدة المشاركة
جزاك الله خيرا.
أهم النقاط والدروس المستفادة:
مراجعة السيارة قبل التحرك كل التحرك و ياريت قياس الزيت والمياة والبطارية كل فترة حسب عمر السيارة.
التركيز دائما على الأمن الخاص بك سكر السيارة من الداخل الزجاج مفتوح جزئيا بطريقة لا تسمح بإدخال أى شئ لسيارتك.
لا تضع أغراضك الثمينة مثل الموبيل نظارة الشمس ميالية ذهب أو ماشابة فى متناول المحيطين بشبابيك السيارة مثل بائعى المناديل أو المترجلين أو راكيى الدراجات البخارية.
لا تتفاعل غضبا أو شفقة مع المحيطين قبل التأكد من سلامتك فى المقام الأول.
إذا لا قدر الله وجدت نفسك فى موقف ما ركز على سلامتك فى المقام الأول ويكون هو الدافع الوحيد فى إتخاذ أى قرار.
لاتنسى أن أهم شئ هو سلامتك الشخصية أى شئ أخر يعوض.
أدعو الله بالسلامة للكل.
فعلا يا باشا اهم حاجه سلامتك اولا الانى كل حاجه تتعوض بعد كده نورت الموضوع
التوقيع
" كن في الحياة كعابر سبيل واترك وراءك كل أثر جميل فما نحن في الدنيا إلا ضيوف وما
على الضيوف إلا الرحيل "



[SIGPIC][/SIGPIC]


من مواضيعي في هذا القسم احمد عبد العليم


  رد مع اقتباس مشاركة تمت مراقبتها
قديم 05-25-2013, 11:17 AM   رقم المشاركة : [10]
killmoretime
صياد فعـــــال
 
مزاجي
رايق
شكراً: 0
تم شكره 44 مرة في 29 مشاركة

الملف الشخصي



killmoretime صياد فعال بالرابطة
 
 
 الأوسمة و جوائز
 بينات الاتصال بالعضو
 اخر مواضيع العضو

killmoretime غير متواجد حالياً

افتراضي رد: الحيل الحديثة في سرقة العربيات أثناء سيرها موضوع مهم جدا

تسلم ايدك بس انا عندى حل لتلافى كل المشاكل دى
بيع العربية وريح نفسك خاااااااااااااااااااااااااااااالص
  رد مع اقتباس مشاركة تمت مراقبتها
إضافة رد

مواقع النشر (المفضلة)

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة



المواضيع المتشابهه
الموضوع كاتب الموضوع المنتدى مشاركات آخر مشاركة
الأقواس الحديثة : القوس المنحني - القوس المركب ذو بكرات Amr Axel القــوس و السهــم 18 06-07-2016 05:50 PM
سياره الصياد وليد عبدالله سرقت اليوم 21-5-2013 smsmn8888 الموضوعات العامة 43 06-10-2013 03:27 PM
الطائرات والطيور والاساليب الحديثة لصيد الاسماك جرا ايهاب ابو الوفا حمدى أدوات الصيد البحري و النهري 9 05-12-2013 02:04 AM
شاهد كيف تتم سرقة السيارات تصوير حي (للأسف في مصر) هيثم موسي الموضوعات العامة 5 03-24-2013 01:37 AM
نداااااااااء عااااااااجل لكل أبناء بورسعيد محمود البورسعيدى الموضوعات العامة 17 03-06-2012 01:14 AM


الساعة الآن 03:16 PM


جميع الحقوق محفوظة لمنتدى رابطة الصيد والرماية.
. v1.1.1 (Pro).

Security team