الساده اعضاء المنتدي و السادة زوار الموقع ، في حالة وجود أي مشكلة في التسجيل بالموقع او إستعادة كلمات السر برجاء التواصل برساله علي الواتس آب علي رقم 01001045545 الخاص بصاحب الموقع الأستاذ كريم الكراني. |

 
العودة   رابــطة الصــيد و الرمــاية > الصيد البري > دليل المبتدئين في هواية الصيد البري
 
دليل المبتدئين في هواية الصيد البري يحتوي القسم علي موضوعات مفيدة للمبتدئين بهواية الصيد البري.

إضافة رد
 
أدوات الموضوع انواع عرض الموضوع
  رقم المشاركة : [1]  
قديم 09-06-2013, 04:15 PM
 
عمر على
صياد متميــــز
مزاجي
مبسوط
شكراً: 49
تم شكره 47 مرة في 39 مشاركة

 الأوسمة و جوائز
 بينات الاتصال بالعضو
 اخر مواضيع العضو
  عمر على غير متواجد حالياً  
الملف الشخصي






عمر على صياد فعال بالرابطة
افتراضي الموضوع الشامل للمبتدئين 2

السلام عليكم ورحمة الله وبركاته
ده رابط الموضوع الشامل للمبتدئين 1: www.egypthunter.com/vb/showthread.php?t=8943
واحب انوه واكرر كلامى تانى الموضوع منقول للفائدة وعشان مطولش عليكم نبتدى على بركة الله

الموضوع الشامل للمبتدئين 2
ااااااااااه
احنا دلوقتي بقى بقينا حاجة تانية خالص الحمد لله
و سيبنا مستوى المبتدئين و الحمد لله و دلوقتي بقينا في الفئة المتوسطة
دلوقتي بقى عاوزين نسأل اسئلة اصعب شوية عن اسئلة المبتدئين طبعا كل لما مستوانا بيتحسن بنسأل اسئلة اقل و الاسئلة و الحجات اللي هنتعلمها بتقل
يلا نبتدي :-->
دلوقتي بقى عيب لما مستوانا يبقى كده و مش عارفين نعمل صيانة للبندقية بتاعتنا
اه يا سيد بقى عاوزك تقولي ازاي افكها و انضفها و الكلام ده و الزتونة بتاعت الموضوع
زتونة ايه انت جاي تتعشى هنا
حاضر يا عم الحج
انا مبشوفكش فينك ياض من شهرين
اهو انت كده متعرفنيش غير لما يكون فيه مصلحة
- مصلحة ايه
* فين ياض اكلة اليمام و الفراخ و السمك و الكباب و الكفتة اللي كنت قايلي عليهم
يلا ما علينا
بص يا عم الحج
دي شوية حجات انت محتاجها عشان تبتدي و ده كركر اللي عملنالو العملية


ايه يا عم كل ده هوة احنا هنفك عربية
استنى بقى اقولك الحجات
- مفك صليبة
-حتة خشبة صغيرة
- شوية مفكات صغيرة ( بتاعت الساعة )
- مفتاح
ايه يا عم كل ده مفتاح هوة احنا هنفك عربية
اه اصل انا احنا هنعدي على صمولة نفكها و انا المفاتيح بتاعتي كانت في العربية ساعتها و كسلت انزل و لقيت المطلوب )
المهم
- طقطوقتين
انا شايف واحدة بس
اه لا ما التانية عشان لو بتشرب سيجارة تطفيها فيها عشان احنا عاوزين تركيز
- محتاج طبعا بندقية
امال هتفك ايه
اه تمام انا كده عرفت الحجات قولي بفى ابتدي افك ازاي
بص يا عمنا من الاول كده
انت مش هتفك حاجة
ايه مش هفك حاجة امال مقعدني هنا اعمل ايه
لا عشان تتعلم و مش هتفك البندقية كده من اول مرة اول مرة لازم حد خبرة او فني يكون معاك
انت دلوقتي عندك بديل انك تصبر و تتفرج على الشرح كذا مرة
انا حبيت اعملك شرح عن الفك و التركيب عشان كل الفيديوهات اللي على النت الاقي المصور واقف في حتة و الراجل اللي بيفك و اقف في اخر الدنيا و انا مش شايف تفاصيل فعشان كده قولت انزلكم حاجة طازة و من قريب يلا نبتدي
1- هنفك الدبشك من على البندقية زي كده
فيه اربع مسامير نبتدي نفك القنطرة بالمسمار ده


بعد كده تفك اخوه اللي جمبه


بعد كده تفك مسامير الاجناب اللي قدام اللي هية دي


احنا كده فكينا واحد
نفك اخوه بقى من هنا


كده احنا بقى فكينا الدبشك و معانا في ادينا الدبشك و البندقية و القنطرة و 4 مسامير و مسمارين الدبشك الجانبيين مع كل واحد وردة صغيرة لازم تحافظ على كل ده و تحطه في الطقطوقة او الطبق اللي احنا جبناه
بعد كده هتشوف المنظر ده



بعد كده في جزء مهم اووووووووي لازم تفكه عشان ميتنطرش اللي هوة الجزء ده


و دي صورة تانية ليه


و فيه بقى جزئين بلاستكيين لازم برده نحافظ عليهم
اللي هما دول


و ده



طبعا كل الحجات الصغيرة اللي بنفكها نحطها في الطقطوقة او الطبق
عشان لو حاجة اتنطرت هتبقى مشكلة و هتزعلك جامد
المهم
خلاص ياعم سيد انا كده عرفت ه و بعدين اعمل ايه تاني
تعمل ايه
انت شكلك بتفكها معايا
انا قولتلك ايه
الاول تتعلم و تشوف الصور كذا مرة لغاية لما تبقى قاعد بتسمع الخطوات منغير ما تشوف الصور بعد كده بقى تبقى تفكها
يلا قوم و شيل البندقية انا شايفك
المهم
ده كده المنظر قدامك بعد لما فكينا الجزئين البلاستك دول ده المنظر اللي هيبقى قدامك



دلوقتي بقى نفك الجزء ده بالمفتاح
الصامولة دي هي اللي مثبتة مجموعة الزناد
المهم هنفكها كده


بعد كده بقى ده المنظر اللي قدامنا


دلوقتي الدراع هنفكه فيه ناس معندهاش الدراع ده تعتبرني مقولتش الخطوة دي
الخطوة دي للي عندهم الدراع ده
هوة ده الدراع


اه حلو اوي الدراع ده يا سيد ههههههه
افكه ازاي طيب
بص هتفكه من نحيتين الاول هتفك الوردة دي
انا مسميها الوردة الشقية
دي وانت بتفكها بتنط جامد و بتضيع ضاعت مني كذة مرة بس الحمد لله بلاقيها و بالتعود و التمرس بقيت تعرف تفكها منغير ما تنط
المهم هية دي الوردة
أللي هنفكها و اللي بتثبت الدراع و زي ما قولت اللي معندهوش الدراع ده يبقى اكنر مقولتش الخطوة دي


اه يا سيد تمام
و ده شكل الوردة من قريب بعد لما اتفكت اوعى تفك وردة تانية انت تفك اللي مثبتة الدراع بس
فيه ناس بنادقها عندها اكتر من وردة مثبتة الدراع فكهم بردو


تمام يا سيد بس انا عاوز اسأل سؤال لولبي
قول يا بابا قول اتبسط
السؤال بيقول علل
هوة انا لازم كل حاجة افكها احطها على علبة المفكات و بعد كده احطها جوة الطقطوقة
بس يلا
ركز معايا و صحصح كده و متشغلش دماغك عشان اطلعك معايا في الجزء التالت ان شاء الله
و بعدين نفك السوستة دي
كل الكلام ده لسة على الدراع


و دي صورة تانية للسوستة نفكها من نحية واحدة بس اللي هية اللي ماسكة الدراع


و ده الدراع بعد لما سلك من الزناد


اه يا سيد طب ايه لزمة الدراع الرخم ده
أمن ياسيدي
امن و نتانة هههههههههه
المهم ركز معايا عشان الخطوة اللي جاية بيضيع فيها صوابع
نجيب حتة الخشبة اللي احنا قولنا عليها و نحطها بالشكل ده و نضغط عليها بالشكل ده


و نجيب المفك و نحطه على المسمار ده و نضرب عليه بشاكوش او بالمفتاح الانجليزي كل ده طبعا مع الضغط بالشكل ده


لغاية لما يطلع المسمار ده من النحية التانية طبعا كل ده و انت لسة ضاغط
كل ده و لسة ضاغط يا سيد يعني هضغط بأيد و همسك المفك بأيد و هضرب ازاي و الله لو كان عندي ايد تالتة كنت ادتهالك
خلاص يا عم هات حد يساعدك و هوة ده المسمار


بعد كده تبتدي تقلل الضغط و تخف ايدك حبة حبة عشان السوستة مضغوطة جوه و بتنطر نطرة غبية
و هتطلع بالمنظر ده


بس و تقوم ساحبها هية والجزء اللي معاها اللي كان متثبت بالمسمار في جسم البندقية
بالمنظر ده و تركنهم الاتنين على جمب و يستحسن على ورق جرايد عشان الشحم بقى الاسود و الزيت المحروقين و اللغوصة دي


ااااااااه و بعد كده بقى وصلنا للزناد
دي ممكن تعرف تفكها و ممكن لا بس بعد لما تفك البندقية كام مرة و تتعلم هتعرف مرة بمرة
المهم
تزق بمعنى تدفع الزناد للأخر و بعدين ترفع اخر حتة فيه اللي هوة الجزء اللي كانت الصامولة راكبة عليه و تهزه براحة انا بقول اهو براحة هتلاقيه طلع في ايدك المهم بالشكل ده


بس بعد كده بقى بعد لما فكينا الزناد الحمد لله نشيلو بقى مع اخواته
و ده شكل مجموعه الزناد


بعد كده نفك دراع التعميربالشكل ده
1- تكسر الماسورة
2- تتني المفصلة دي حاول بقدر الامكان تبقى عمودية بالشكر ده


بعد كده ترجع الدراع لأخر المشوار الاخر اللي نحية الماسورة مش الاخر اللي نحية الزناد
و بعد كده ترفع الدراع بالشكل ده و كده انت فكيتو


و فيه جزء مهم اوي هتلاقيه جزء بيمنع احتكاك البندقية لدراع التعمير اللي هوة ده


و بعد كده تبتدي تخرج البستم بالمنظر ده لو عصلج معاك مدقش عليه حط شوية زيت


و ده الحج بستم في اخر طريق الخروج


ودي صورة البستم بعد لما خرج بالسلامة و الجلبة في المقدمة بتاعت البستم


و دي بقى الحجات اللي اهم حاجة انها تتنضف
1- جسم البندقية ههههههههه او اللي اتبقى منها بعد التفكيك الجسم شامل دراع التعمير طبعا عشان هتلاقي عليه حجات سودة الحجات السودة دي طبعا شحم محروق
2- البستم بالجلبة بتاعته
3- السوستة بكل حجاتها
و الصورة دي للحجات اللي هتتنضف تاني


اهم حجاة قبل ما تيتدي تنضف
قوم نضف ايدك الاول كويس و حط بلاستر على التعاوير اللي عملتها في ايدك و ريح شوية و سيب كل حاجة زي ما هية عشان انا متأكد انك تعبت جدا و عرقت
اه يا سيد
بس انا عاوز اسألك سؤال
ما الحجات اللي في الصورة قدامي دي نضيفة انا اقوم انضف البندقية ليه
بص انا مش هرد عليك و شكلي هجيب واحد تاني في الجزء التالت ان شاء الله
ده عشان انا يا ناصح كنت منضفها اساسا بس لما شوفت الناس الصراحة طالبة الموضوع ده
قمت عملته عشان خاطركم و فكيتها والله عشانكم
المهم
و انت بتنضف نضف البندقية كلها
طيب انضفها بجاز يا سيد
لا اوعى متنضفهاش بجاز خالص
طيب انا يا سيد الجاز بينضف احسن
خلاص نضف بيه
بس افتكر اني قولتلك بلاش يلا انت و نصيبك بقى
مش مستاهلة جاز يا عم و لو لقيت حجات مبتطلعش بالمنديل و الدعك كده بس
حط شوية زيت اي زيت بس طبعا مش زيت اكل
انا عن نفسي علطول شغال استعمال على زيت العربية الموبيل في ناس هتقول وحش و الله انا كنت مرة مزنوق و معنديش قولت اجرب ده و علطول بجربه و مبيعملش حاجة
المهم و تنضف السوستة كويس و تنضف المكان اللي البستم كان جواه يعني جسم البندقية من جوه يتنضف كمان و جوه البستم كمان الجزء اللي بنحط فيه السوستة بس كده خلي بالك تنضف البندقية كويس و بضمير مش تلاقي نفسك تعبت تقول انا هلمها بقى لا اوعى
احنا مش كل يوم هنفك البندقية
نبتدي نشحم بقى
نستخدم شحم esso fibrax 235 ده شحم حلو اوي
طب اشحم ايه يا سيد
تشحم السوستة ( تشحمها اوعى تزيتها التزييت غالبا بيتسبب في كسر السوستة )
البستم بالجلبة
دراع التعمير
الجزء اللي دراع التعمير بيحتك بيه
بس كده
متفتريش في الشحم
بعد لما شحمنا
نروح ننضف ادينا بقى عشان نركب على نضيف خلي الشغل نضيف * نضيف البندقية هتبقى معاك 100 100
نبتدي نرجع البستم زي ما كان و ندخله على الاخر زي ما كان الفتحة اللي بالطول بتاع جسم البندقية يبقى ماشي مع فتحة البستم بعد لما يخش للاخر
بعد كده نشحم الجزء اللي دراع التعمير بيحك فيه
بعد كده نرجع دراع التعمير زي ما كان ندخله تاني بالمنظر ده


بعد كده نرجع مجموعة الزناد
بعكس العملية برده


ندخل بقى السوستة برده عكس العملية


بعد كده نضغط تاني و نركب المسمار اللي فكيناه ( عكس عملية فك السوستة )


بعد كده نبتدي نربط الصامولة تاني و نرجعها هية بالوردة بتاعتها اوعى تنسى حاجة

و نرجع دراع الامان بعكس العملية زي ما ركبناه معلش بقى نسيت اصور الخطوة دي
و بعد كده نرجع الجزئين البلاستيك بالشكل ده


و نرجع الجزء اللي عامل زي الاسطوانة اللي فكيناه ده زي ما كان بالشكل ده


بس كده احنا خلصنا مفاضلش انك تربط البندقية في الدبشك بعكس اول عملية





و خلاص على كده مبروك البندقية كده جديدة
اه تمام يا سيد
اه اديني بنبه اهو محدش يفك حاجة دلوقتي لغاية لما تتقن الموضوع نظري
و اس استفسارات على الفك و التركيب تكون على العام هنا في عشان الكل يستفيد مش على الخاص ده طبعا على حاجة لو انا مش قايلها بس انا مصور كل الخطوات
المهم
كده احنا خلصنا على جزء مهم
دلوقتي نخش على جزء تاني
تاني هوة فيه تاني يا عم
اه طبعا فيه لسة فيه حجات كتير لسة هنتعلمها بعدين
اه زي ايه
اهم الاعطال و طريقة التعامل معها :
1- البندقية و انا بضرب رشة الاقيها بتطلع نار او دخان : ده مش عيب ده شحم زيادة او زيت و بيتحرق و بيتبخر مش مشكلة
2- البندقية ضعيفة اوي : 1- الجلبة اللي حولين بيت الرش داخلة لجوة و بتسرب 2- الجلبة اللي على البستم من جوة مقطوعة و بتسرب 3- البندقية مش متشحمة كويس و بتحك في بعضها
3- البندقية بعمرها ناشفة اوي ومبتتعرش : 1- دراع التعمير بيحك في البندقية جامد ده اشهر عيب و بتلاقيه عند كل الناس و بتقول عليها مشكلة كبيرة لا كبيرة ولا حاجة
4- البندقية مقاومتها قلت عند التعمير جامد بس بتضرب و ضربها ضعيف : البندقية سوستها اتكسرت و انا قولت ازاي تفكها و تركبها تاني عادي
5- الزناد سايب خالص : يبقى انت شحمته او زيته و دي غلطة كبيرة لازم تغسله بجاز عشان تضيع اثار الشحم
دي اشهر العيوب اللي بتواجهنا دايما
--------------
تمام يا سيد
طب بقولك انا نفسي اركب تلسكوب عاوزك بقى تقولي الزتونة بتاعت الموضوع
زتونة تاني
ده انت جاي تتعشى ( تاني )
المهم يا عم الحج
البندقية بيبقى فيها حزين ( مش شرط فيه بنادق مفيهاش ) لو مفيهاش حزين يبقى ميركبش عليها تلسكوب
اه تمام
طيب فين المكان ده
ادي يا سيدي المكان اللي بيتركب عليه و بيتربط بمسامير


هوة ده
طيب ايه يا سيد الجزء ده


ده اسمو استوبر
ده بيثبت التلسكوب و فيه منو نوع بيتركب على طول الحزين
طيب ايه الفرق
الفرق ان الكبير بيدي ثبات اكبر للبنادق الهاي بور
اه
طب عندك صور ليه
اه ادي صورة ليه


اه طيب انا يا سيد بسمع ارقام غريبة اوي
يعني ايه 3-7*50 و 3-7*20
و الكلام ده
بص يا سيدي
3-7 دي قوة الزووم
50 دي قطر العدسة فهمت
طيب ايه الفرق بينهم
ابدا الكبير 50 مثلا العدسة بتاعته اكبر من 20
فبتشوف احسن
اه طيب ده بيتظبط زي النشان
اه طبعا
و ليه طريقة و هية دي على الفيديو ده
معلش بقى انا معملتلكش شرح على تلسكوب عندي عشان انا معنديش و مليش فيهم اوي
ده احسن فيديو شوفتو عن الظبط

http://www.youtube.com/watch?feature...&v=lLirsAFpsfE
كده انا خلصت وبكرر تنبيهى تانى الموضوع منقول لافادة اعضاء الرابطة ولا تنسونا من خالص دعائكم وللانسان المحترم اللى انا نقلت منه المواضيع ديه لأنه بجد تعبان فيهم اوى
والسلام عليكم ورحمة الله وبركاته
التوقيع
من مواضيعي في هذا القسم عمر على


رد مع اقتباس مشاركة محذوفة
4 أعضاء قالوا شكراً لـ عمر على على المشاركة المفيدة:
المقروش (09-14-2015), desert storm (09-19-2013), بليغ شبل (05-06-2015), Ruby (01-06-2017)
قديم 09-07-2013, 12:08 AM   رقم المشاركة : [2]
SAMER
قنـــاص
 
مزاجي
مبسوط
شكراً: 1,068
تم شكره 268 مرة في 224 مشاركة

الملف الشخصي




SAMER صياد نشيط بالرابطةSAMER صياد نشيط بالرابطة
 
 
 الأوسمة و جوائز
 بينات الاتصال بالعضو
 اخر مواضيع العضو

SAMER غير متواجد حالياً

افتراضي رد: الموضوع الشامل للمبتدئين 2

موضوع جميل اوي بجد
انا سعيد او بحضرتك
التوقيع
[SIGPIC][/SIGPIC]

من مواضيعي في هذا القسم SAMER


  رد مع اقتباس مشاركة تمت مراقبتها
الأعضاء الذين قالوا شكراً لـ SAMER على المشاركة المفيدة:
عمر على (09-07-2013)
قديم 09-07-2013, 12:58 AM   رقم المشاركة : [3]
smsmn8888
☆ ★ مشــرف عــام ★ ☆
 
مزاجي
حزين
شكراً: 1,521
تم شكره 872 مرة في 719 مشاركة

الملف الشخصي



smsmn8888 شخصية مميزة بالرابطةsmsmn8888 شخصية مميزة بالرابطةsmsmn8888 شخصية مميزة بالرابطةsmsmn8888 شخصية مميزة بالرابطةsmsmn8888 شخصية مميزة بالرابطةsmsmn8888 شخصية مميزة بالرابطة
 
 الأوسمة و جوائز
 بينات الاتصال بالعضو
 اخر مواضيع العضو

smsmn8888 غير متواجد حالياً

افتراضي رد: الموضوع الشامل للمبتدئين 2

موضوع جميل ومفيد الف شكر
التوقيع
يارب اشفي ابني يوسف يارب
ربنا موجود

من مواضيعي في هذا القسم smsmn8888


  رد مع اقتباس مشاركة تمت مراقبتها
الأعضاء الذين قالوا شكراً لـ smsmn8888 على المشاركة المفيدة:
عمر على (09-07-2013)
قديم 09-07-2013, 01:08 AM   رقم المشاركة : [4]
أحمد عطاالله
قنــاص مُخضرم
 
مزاجي
ملل
شكراً: 257
تم شكره 408 مرة في 390 مشاركة

الملف الشخصي




أحمد عطاالله شخصية مميزة بالرابطةأحمد عطاالله شخصية مميزة بالرابطةأحمد عطاالله شخصية مميزة بالرابطةأحمد عطاالله شخصية مميزة بالرابطةأحمد عطاالله شخصية مميزة بالرابطةأحمد عطاالله شخصية مميزة بالرابطة
 
 
 الأوسمة و جوائز
 بينات الاتصال بالعضو
 اخر مواضيع العضو

أحمد عطاالله غير متواجد حالياً

افتراضي رد: الموضوع الشامل للمبتدئين 2

شكرا على نقل الموضوع المفيد
التوقيع

Alex Hunter
[SIGPIC][/SIGPIC]

  رد مع اقتباس مشاركة تمت مراقبتها
الأعضاء الذين قالوا شكراً لـ أحمد عطاالله على المشاركة المفيدة:
عمر على (09-07-2013)
قديم 09-07-2013, 01:19 AM   رقم المشاركة : [5]
عمر على
صياد متميــــز
 
مزاجي
مبسوط
شكراً: 49
تم شكره 47 مرة في 39 مشاركة

الملف الشخصي




عمر على صياد فعال بالرابطة
 
 الأوسمة و جوائز
 بينات الاتصال بالعضو
 اخر مواضيع العضو

عمر على غير متواجد حالياً

افتراضي رد: الموضوع الشامل للمبتدئين 2

اقتباس:
المشاركة الأصلية كتبت بواسطة samer مشاهدة المشاركة
موضوع جميل اوي بجد
انا سعيد او بحضرتك
الله يخليك يا فندم والله ليا الشرف بمرور حضرتك
التوقيع
من مواضيعي في هذا القسم عمر على


  رد مع اقتباس مشاركة تمت مراقبتها
قديم 09-07-2013, 01:20 AM   رقم المشاركة : [6]
عمر على
صياد متميــــز
 
مزاجي
مبسوط
شكراً: 49
تم شكره 47 مرة في 39 مشاركة

الملف الشخصي




عمر على صياد فعال بالرابطة
 
 الأوسمة و جوائز
 بينات الاتصال بالعضو
 اخر مواضيع العضو

عمر على غير متواجد حالياً

افتراضي رد: الموضوع الشامل للمبتدئين 2

اقتباس:
المشاركة الأصلية كتبت بواسطة smsmn8888 مشاهدة المشاركة
موضوع جميل ومفيد الف شكر
العفو يا فندم الله يخليك
التوقيع
من مواضيعي في هذا القسم عمر على


  رد مع اقتباس مشاركة تمت مراقبتها
قديم 09-07-2013, 01:21 AM   رقم المشاركة : [7]
عمر على
صياد متميــــز
 
مزاجي
مبسوط
شكراً: 49
تم شكره 47 مرة في 39 مشاركة

الملف الشخصي




عمر على صياد فعال بالرابطة
 
 الأوسمة و جوائز
 بينات الاتصال بالعضو
 اخر مواضيع العضو

عمر على غير متواجد حالياً

افتراضي رد: الموضوع الشامل للمبتدئين 2

اقتباس:
المشاركة الأصلية كتبت بواسطة أحمد عطاالله إبراهيم مشاهدة المشاركة
شكرا على نقل الموضوع المفيد
العفو يا استاذ احمد
التوقيع
من مواضيعي في هذا القسم عمر على


  رد مع اقتباس مشاركة تمت مراقبتها
قديم 09-07-2013, 01:44 AM   رقم المشاركة : [8]
كريم الكراني
☠ 💀 الإدارة 💀 ☠
 
مزاجي
افكر
شكراً: 1,858
تم شكره 3,213 مرة في 1,703 مشاركة

الملف الشخصي




كريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.comكريم الكراني is V.I.B in Egypthunter.com
 
 
 الأوسمة و جوائز
 بينات الاتصال بالعضو
 اخر مواضيع العضو

كريم الكراني غير متواجد حالياً

افتراضي رد: الموضوع الشامل للمبتدئين 2

تسلم الأيادي يا أ / عمر ، بجد موضوع مميز.
  رد مع اقتباس مشاركة تمت مراقبتها
الأعضاء الذين قالوا شكراً لـ كريم الكراني على المشاركة المفيدة:
عمر على (09-07-2013)
قديم 09-07-2013, 02:07 AM   رقم المشاركة : [9]
عمر على
صياد متميــــز
 
مزاجي
مبسوط
شكراً: 49
تم شكره 47 مرة في 39 مشاركة

الملف الشخصي




عمر على صياد فعال بالرابطة
 
 الأوسمة و جوائز
 بينات الاتصال بالعضو
 اخر مواضيع العضو

عمر على غير متواجد حالياً

افتراضي رد: الموضوع الشامل للمبتدئين 2

اقتباس:
المشاركة الأصلية كتبت بواسطة كريم الكراني مشاهدة المشاركة
تسلم الأيادي يا أ / عمر ، بجد موضوع مميز.
استاذ كريم والله انا ليا الشرف بمرور حضرتك وكلامك وسام على صدرى اعتز بيه يا فندم
التوقيع
من مواضيعي في هذا القسم عمر على


  رد مع اقتباس مشاركة تمت مراقبتها
قديم 09-10-2013, 03:26 PM   رقم المشاركة : [10]
Ahmed Hassan Shaaban
صياد مجتهــد
 
مزاجي
رايق
شكراً: 10
تم شكره 65 مرة في 52 مشاركة

الملف الشخصي




Ahmed Hassan Shaaban صياد نشيط بالرابطةAhmed Hassan Shaaban صياد نشيط بالرابطة
 
 الأوسمة و جوائز
 بينات الاتصال بالعضو
 اخر مواضيع العضو

Ahmed Hassan Shaaban غير متواجد حالياً

افتراضي رد: الموضوع الشامل للمبتدئين 2

الف شكر أ/ عمر علي المجهود المميز والشرح
كمان طريقة الالقاء جميلة
جزاك الله كل خير
  رد مع اقتباس مشاركة تمت مراقبتها
الأعضاء الذين قالوا شكراً لـ Ahmed Hassan Shaaban على المشاركة المفيدة:
عمر على (09-14-2013)
إضافة رد

مواقع النشر (المفضلة)

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة



المواضيع المتشابهه
الموضوع كاتب الموضوع المنتدى مشاركات آخر مشاركة
الموضوع الشامل عن صيد اليمام ودجاج الماء ليلا القبطان المصرى77 الصيــــد العـــــــام 47 11-21-2016 02:13 AM
الموضوع الشامل للمبتدئين 1 عمر على دليل المبتدئين في هواية الصيد البري 10 09-10-2013 02:02 AM
سمكه القراض السامه mr.samakawi صيـــد الأسمــــاك 3 09-19-2012 08:18 PM
طلعه الدمار الشامل SHADOW صـــور و فيـديــو رحلات الصيد البري 13 07-03-2012 06:14 PM


الساعة الآن 08:23 PM


جميع الحقوق محفوظة لمنتدى رابطة الصيد والرماية.
. v1.1.1 (Pro).

Security team