الساده اعضاء المنتدي و السادة زوار الموقع ، في حالة وجود أي مشكلة في التسجيل بالموقع او إستعادة كلمات السر برجاء التواصل برساله علي الواتس آب علي رقم 01001045545 الخاص بصاحب الموقع الأستاذ كريم الكراني. |

 
العودة   رابــطة الصــيد و الرمــاية > الصيد البحري و النهري > صيـــد الأسمــــاك
 
صيـــد الأسمــــاك معلومات عن جميع انواع الأسماك البحرية و النهرية و أساليب صيدها.

الموضوع سيتم تحديثة آليا كل 600 ثواني(s). Automatic thread refreshing has been stopped because you appear to be idle. Un-Idle - إعادة تحميل
إضافة رد
 
أدوات الموضوع انواع عرض الموضوع
  رقم المشاركة : [1]  
قديم 10-11-2013, 12:56 AM
 
ashraf elsaed hassan
صياد
مزاجي
رايق
شكراً: 0
تم شكره 21 مرة في 17 مشاركة

 الأوسمة و جوائز
 بينات الاتصال بالعضو
 اخر مواضيع العضو
  ashraf elsaed hassan غير متواجد حالياً  
الملف الشخصي





ashraf elsaed hassan صياد بالرابطة
هام اسرار سمك البلطي ... موضوع جاااااااامد

تتواجد اسماك البلطى على جوانب الانهار و الترع و ليس فى منتصفها و في الاماكن التي يكثر فيها الزرع او اماكن للاختباء و ابتعد عن المياه الجارية فابحث عن منطقه تكون المياه فيها هادئة حيث تتواجد اسماك البلطى .

افضل طعم لسمكة البلطى هو الريم و يكون على سن مقاس 12 او اصغر من ذلك و يمكن استخدام دود الارض ايضا على سن مقاس 9
و يمكن ايضا صيد سمكة البلطي بالعجين حيث يتم اختيار مكان هادى وياحبزا لو كان مدور والمدور هو مكان يلتف به جانب النهر او الترعه لتاخذ شكل نصف دائره فتهدا حركه التيار فيه

ا ويتم استخدام سن مقاس 7 او 8 فرنساوى مع خيط 30 او 35 مع تظفير الدور بقطع صغيره جدا من العيش المبلول بكميات قليله على فترات حتى يتم جذب السمك للمكان وليس بكميات كبيره حتى لا يشبع السمك


طريقه عمل الجين
و يتم عمل العجين عن طريق عجن عيش بلدي مستوى وليس نىء بالماء عجنا مستمر مع اضافه الماء حتى تصبح عجينه مرنه ويتم وضعها على شكل كور صغيره تغطي السناره كلها فيتهافت عليها السمك الصغير اولا ثم ينجذب اليها البلطى الكبير ومبزه هذه العجينه هو تماسكها فى تيار الماء بالاضافه الى تفتت الرده من العجينه الموضوعه على السناره وانتشارها فى مكان الصيد مما يجذب مزيد من السمك

و العجينه اساسا للصيد من اول ضؤ نهار الى اخر ضؤ و لكن يمكن استخدامها ليلا ايضا ولكن عيب الصيد بالعجينه فى الليل هو ان السمك بياكل على فترات متباعده ولذلك لا تسطيع العجينه الصمود على السناره فترات طويله

موسم صيد سمكة البلطى
يكون ما بين شهر 3 وشهر11 ماعدا شهر 4 لانه موسم وضع البيض و الاسماك لا تاكل لان الانثى تقوم بوضع البيض و الذكر يقوم بالتلقيح و يقومان بعد ذلك بحراسة البيض حتى يفقس

صيد سمكة البلطى
من بعد شروق الشمس حتى منتصف الليل
يمكن جذب سمكة البلطى عن طريق القاء بواقى الخبز فى منطقه تكون المياه هادئة فيها بعد بل الخبز و تقطيعه قطعا صغيره و بعد ساعه فقط سوف تجد ما يسرك

اهم انواع الطعم المستخدمة في صيد البلطي

1 - الغلة

2 - العجينه اليابسة
(غليظه القوام المصنوعه من الخبز البلدي بعد اعادة عجنه باليد)

3 - دود الارض

4 - البرغوت
( جمبري ابيض صغير الحجم يتم صيدة من المياة العذبة)

5- دود السبلة


أشهر اماكن صيد البلطي في مصر

- منطقة محاجر ابو زعبل سمك بلطى كفافى سريع وقرموط بحجم كبير و السمك هناك كبير و المياة عميقة جدا جدا جدا من 7 متر و فى حتت تيج 12 متر دة كدة و بتصقط امامك وليس بالداخل .


2- منطقة دير الميمون قبل بنى سويف وبعد الكريمات جميع الاسماك وخاصة الرعاد

3- الترعة التى امام البلاجات فى فايد قرموط سريع جدا

4- ترعة الصحافة تروح لها من ابو زعبل تركب عربة باتجاه بلبيس وتنزل الصحافة وتمشى شوية فى الزراعة بلطى سريع5- ترعة معرفش اسمها تروح لها من شبين تركب عربية بتقول الشرابية وممكن تنزل الشرابية او كفر عبد النبى بلطى حلو

6- ترعة القلج خلف السجن بلطى كفافى

7- أبو الخاو على الهدار طريق الخطاطبة كفر الزيات جميع أنواع السمك بلطي في النهار (ريم) وف الليل قرموط و بياض وأفضل موسم لها يبدأ من شهر مايو و حتى شهر يناير وأفضلهم شهر أغسطس و سبتمبر

8- المنصورية و النجيلة ( كفر الزيات ) جميع أنواع السمك بلطي في النهار (ريم) وف يالليل قرموط و بياض وأفضل موسم لها يبدأ من شهر مايو و حتى شهر يناير وأفضلهم شهر أغسطس و سبتمبر

9- كوم شريك ( كفر الزيات ) جميع أنواع السمك بلطي في النهار (ريم) وف يالليل قرموط و بياض وأفضل موسم لها يبدأ من شهر مايو و حتى شهر يناير وأفضلهم شهر أغسطس و سبتمبر

10- قناطر بولين (كفر الزيات ) لطش من على الغلة طوال أيام العام

11- فى منطقة فى حلوان اسمها ركن فروق (و هى مرسى للسنادل الخربانا) اخر طريق الكرنيش فى اتجاة حلوان لحد متلاقى مصنع لمواسير البترول (طعم و عجين ) حداف و غماز ( فلاش باشا )

12- القناطر هتروح القناطر و تسئل عن سجن القناطر و انزل بعدها عند المطافى و اول يمين قبل الكبرى الى علية الكامين تدخل يمين لحد اللسان و انزل هتلاقى جزر على فكرة الدوار حجارة (طعم ) غماز

13- غمازة الصغرى بعد حلوان على الكورنيش هناك ثلاثة ترع موازيين… آخر ترعة أدخل يمين حتى تجد هيش… بلطي جميل أحمر كفافي حجاري بالطعم الموسم من شهر 5 لكن ممكن يشتغل من4

أولا – البحري :

14- ابتداءا من المناشي – منشأة القناطر – ساعات بيقع فيها غلطات محترمة تشتغل صباحا ( بالريم ) و مساءا بالطعم و لو الجو هادي باليل و مافيش زحمة ممكن ترموا حداف بسن 6 أو 5 و طعم محترم ( معنكب ) و تلعبوا على البياض.

15- اتجاه الباجور : بالترتيب كدة : صروة – أو السبع روس و ده دور حداف و غماز

16- بير شمس – و ده دور غماز بالأساس و ساعات الحداف بيشتغل فيه لكن عيبه إنه بعيد شويه

17- الباجور نفسها – و فيها عدة أدوار على الحجر على كيف كيفك بلطي و رعدات

18 – اتجاه نكلا : نكلا نفسها – ولكن أنا ما بفضلش الصيد فيها أولا علشان المية هناك حامية جدا و ما ينفعش فيها غير الحداف و من على البغال مش من البر.. و ثانيا .. علشان الريحة..!!!!

19- أبو غالب : و فيها دورين حلوين جدا عند المجزر و تقدر تشتغل فيهم غماس و حداف و البلطي بتاعها يفرح

20- الحاجر : و هي بعد أبو غالب على طول و فيها كذا دور و أنا بفضل دور المدرسة و سمكها زي أبو غالب تمام

21- الخطاطبة : وهو دور مسلي سواء عند الجامع اللي على الطريق أو قدام على الحجر… و لكن عيبه إن سمكه صغير و الراي فيه كتير ( بالمناسبة الدور ده في يناير تشيل منه تعابين زي ما إنت عايز(

22- كفر داود – دور ريم و طعم و سمكته أكبر شوية من الخطاطبة بس المية فيه حامية و علشان كدة هو دور بالأساس غماس.

23- الدلنجات و دمشق – زي كفر داود بس سمكتهم أكبر و لكن مشوارهم أبعد بكتير.

24 – اتجاه قبلي : الصنادل – دار السلام – و ده مكان قدام شرطة المسطحات و بنروحله بالمعدية و ما تستهونوش بالمكان ده لأن سمكته لو اشتغلت بتطلع منه سمك محترم خصوصا على الحداف .

25- كوتسكا – دور تسلية ( لتعليم الصيد ) بصراحة ما شفتش منه خير.

26- الإخصاص : دور حلو جدا بس لو المية واطية في النيل و بناخد بلطي حلو منه.

27- ميت القايد : دور رائع لصيد الريم صباحا و الطعم في الليل ( الحداف ما ينفعش علشان الحجارة هناك كبيرة و المية سريعة(

28- نزلة عليان (غمازة) – و من هنا نخش على الجد – يعنى عدة نضيفة و خيط جديد و سنون محترمة و ده دور بلطي و رعدات و شيلان و بياض و أنوم.

29- جرزا – زي نزلة عليان بالظبط و هي في الجهة المقابلة منها.

30- من جرزا إلى بني سويف ممكن تعد أكثر من 100 دور على الناحيتين و معظمهم أدوار تقيلة و زي الفل



ودا شرح من صياد محترم جدا للقناطر و الادوار التمام جزاة الله كل خير:

ان القناطر صعب تلم بكل ادوارها كلها لان القناطر فيها فرع رشيد ودمياط والتفرع بيبقى في القناطر وفيها حوالي 4 رياحات(المنوفى ، التوفيقى ، البحيري , الناصري) من اجمل الرياحات قي القناطر المنوفي ميته شديدة جدا فالحداف افضل الطرق وارضه حجارة

الطعم / دود الارض عادي وعنكبوت للبلطي والراي و البياض و الانومة و الدقماق وغلطات شيلان , العجينة للراي و للبني والبلطي و غلطات مبروكة وممكن تطعم للمبروكة من البوص النامي على الجوانب بس تكون حاضرة في المية

الرياح البحيري من الرياحات القوية وهي الممتدة على طريق الخطاطبة وفكرته نفس فكرة المنوفي

والرياحات في القناطر كلها او اغلبها ميتها شديدة لان القناطر هي منطقة الهاويس لهذة الرياحات فبتبقى المية في بداية إندفاعها اما التوفيقي والناصري فمعرفش عنهم اي معلومات بصراحة

فرع رشيد في القناطر فحدث ولا حرج فية عندك ياسيدي الكوبري القديم ودا في الصيف شغال طعم وعجين … وطول السنة تقريبا التشميط كويس

الجرف بين الكبريين ودا دور ممتد بطول المناشي ويقع ما بين الكوبري القديم والكوبري الجديد ودا طعم وريم حلو جدا في الصيف وتشميط طول السنة تقريبا والسمك بلطي وبياض وانوم وقليل جدا من البني وشيلان نادرة جدا

نطلع بعد كدة على الكوبري الجديد والرمي من فوق الكوبري ناحية قبلي غير بحري الكوبري قبلي هيبقى زي الجرف والكوبري القديم

اما الرمي من من نفس الكبري بس على بحري بكون على المشاية الملحقة بالكبري

من فوق العيون مباشرة ودي بتكون ميتها شديدة جدا جدا فية مواسم المبروكة بتاكل من عليها في المية الحامية بالطعم (عنكبوت) او ريم او البوص (قصب الفار) وهو البوص النامي على حواف النيل

المواسم دي عادة بتكون في شهر 6 , 7 ,8

الطعم التاني المميز العجينة بس دي عايزة حرفنة شوية في تجهيز العجينة وحرفنة في الصيد بيها

علشان العجينة ما تسيبش من السنارة من شدة المية

والعجينة دي من الطعوم السحرية إللي كتير من الناس بيتجاهلها بسبب صعوبة الصيد بيها

انواع السمك الراي – البني – القراميط – البياض – الشيلان إن وجدت و البلطي والمبروكة تأكلها لكن بالصدفة ويفضل في حالة توجية الطعم لصيد البياض تزفير العجينة بوضع زفارة سمك عليها لانها جاذبة للبياض

الطعم الدولي (مصارين الدجاج) ودي للقرموط رقم واحد وصدف ثعبان في الشتاء وصدف مبروكة

العنب البناتي للقراميط والبني في شهر 7,8

والصيد بالسمك زي انك تطعم راية صغيرة جدا او جلمانة ودي ممتازة للبياض والشيلان والرعاش

القرموط والبني الكبير جدا بيدخل عليها بس دي عايزة يكون معاك سنارة تطعمها وتنساها بس الغلطة فيها بإذن الله بحاجة محترمة زمان كنا بنجيب بيها قشر بياض بس دا إنقرض

ننزل من فوق المشاية على الجرف البحري ودي ادوار مبروكة ممتازة بس لما المية تكون عالية وبلطي في موسم الريم , وبالطعم في الشتاء التعبان بياكل كويس وادوار القراميط كتير نظرا لوجود البوص ودي صيدها بالطع الدولي

نطلع بعد كدة على منطقة السد او الشلالات ودي منطقة ممتازة لهواة الصيد بالفلة (الغماز) بالريم وبيقع فيها بلطي محترم بس لازم مركب وتنزل على الهدار او الشلال او كما نسميها في القناطر الدشم والراي والبني بياكل كويس في الصيف على العجينة والطعم …..والمبروكة والدقماق والبياض والتعبان و الشلباية كل الاسماك دي هناك بس انت ورزقك ..لانهم مبيكلوش بالساهل وعايزين صبر وحرفنة

واحب اضيف بعض الاماكن

1-بنها ,برشوم,الطريقة حداف الطعم دود ارض الاسماك انوم وبياض وممكن غماز ادوار حجر بلطي ورعاش كتير

2-ترعة الاسماعيلية ,سرياقوس علي الهويس الجديد حداف جميع انواع السمك والطعوم ,البني كتير جدا

3-التحرير ,عزبة الباشا غماز بلطي ورعاش وبياض على الوش الطويل

4-القنطرة غرب ,الرياح ,ترعة ابو خليفة الطريقه حداف و غماز بياض رهيب بالعلق,وبلطي

5-الشرقية ,السعديين ,ترعة ابو الاخضر حداف بياض وكرور ولبيس وانوم وبني

6- شبين القناطر ترعةالشرقاوية و الحسنية بلطي علي الغماز وقرموط , نهارا ريم وليلا طعم ولهواة السبلة والسمم (مالهاش حل)

ووادي الريان يقع غرب مدينه الفيوم ويبعد عنها حوالي 20ك واحلي مكان للصيد هو

البحيره الاولي وبالتحديد عند مدخل المياه اي المجره والطعم هناك بيكون سمك صاحي

واحلي طعم هو سمك البوري وده هتجيبه تشميط من المجره ويليه ابو رياله

والبني وابو رياله واضعف طعم هو الِشر

وأحب أضيف من عندى مكان خلف مطار النزهه بالأسكندريه إسمها العفاريتى وفيها سمك جامد

اهم اماكن صيد البلطي بالاسكندريه

1- مزارع خاصة

أ - مزرعه العاصي في اول طريق زاويه عبد القادر
ب- مزرعه سي عبدة في ابو المطامير
ج-مزرعه مطار النزهة

2 - مجموعه من الترع التي تقطع طريق الاسكندريه الزراعي في المسافة من اسكندرية حتي دمنهور علي سبيل المثال احمد عرابي , وصلاح سالم ولكن يجب الاخذ في الاعتبار ان هذة الترع يتم فتح الماء فيها بنظام المناوبه وان السمكه حساسه جدا لاي تغير في الوسط الموجودة به وهو الما

ء ولذلك بيكون اكلها للطعم اقل ما يمكن في يوم فتح الماء في الترعة وكذلك في يوم قفلها ولذلك يجب معرف ميعاد فتح الماء وقفل الماء في كل ترعه لتجنب الصيد في هذة الترعه في ذلك اليوم
3 - بحيرة ادكو
--
الصور المرفقة
 
رد مع اقتباس مشاركة محذوفة
قديم 10-11-2013, 05:03 AM   رقم المشاركة : [2]
hatem hagag
صياد متميــــز
 
مزاجي
رايق
شكراً: 0
تم شكره 88 مرة في 84 مشاركة

الملف الشخصي



hatem hagag صياد نشيط جدا بالرابطةhatem hagag صياد نشيط جدا بالرابطةhatem hagag صياد نشيط جدا بالرابطة
 
 الأوسمة و جوائز
 بينات الاتصال بالعضو
 اخر مواضيع العضو

hatem hagag غير متواجد حالياً

افتراضي رد: اسرار سمك البلطي ... موضوع جاااااااامد

  رد مع اقتباس مشاركة تمت مراقبتها
قديم 10-11-2013, 12:58 PM   رقم المشاركة : [3]
هيثم موسي
* صياد vip بالرابطة *
 
مزاجي
رايق
شكراً: 998
تم شكره 1,172 مرة في 929 مشاركة

الملف الشخصي




هيثم موسي عضو هام بالرابطةهيثم موسي عضو هام بالرابطةهيثم موسي عضو هام بالرابطةهيثم موسي عضو هام بالرابطةهيثم موسي عضو هام بالرابطةهيثم موسي عضو هام بالرابطةهيثم موسي عضو هام بالرابطةهيثم موسي عضو هام بالرابطة
 
 
 الأوسمة و جوائز
 بينات الاتصال بالعضو
 اخر مواضيع العضو

هيثم موسي غير متواجد حالياً

افتراضي رد: اسرار سمك البلطي ... موضوع جاااااااامد

موضوع متميز
جزاكم الله خيرا علي المعلومات القيمة عن احد اكثر الأسماك شعبية في مصر
  رد مع اقتباس مشاركة تمت مراقبتها
قديم 10-11-2013, 01:57 PM   رقم المشاركة : [4]
أحمد عطاالله
قنــاص مُخضرم
 
مزاجي
ملل
شكراً: 257
تم شكره 408 مرة في 390 مشاركة

الملف الشخصي




أحمد عطاالله شخصية مميزة بالرابطةأحمد عطاالله شخصية مميزة بالرابطةأحمد عطاالله شخصية مميزة بالرابطةأحمد عطاالله شخصية مميزة بالرابطةأحمد عطاالله شخصية مميزة بالرابطةأحمد عطاالله شخصية مميزة بالرابطة
 
 
 الأوسمة و جوائز
 بينات الاتصال بالعضو
 اخر مواضيع العضو

أحمد عطاالله غير متواجد حالياً

افتراضي رد: اسرار سمك البلطي ... موضوع جاااااااامد

موضوع مميز .. شكرا عالمعلومات القيمة
التوقيع

Alex Hunter
[SIGPIC][/SIGPIC]

  رد مع اقتباس مشاركة تمت مراقبتها
قديم 10-11-2013, 02:34 PM   رقم المشاركة : [5]
miroo
قنـــاص مــتمـيز
 
مزاجي
قلق
شكراً: 147
تم شكره 562 مرة في 462 مشاركة

الملف الشخصي




miroo شخصية مميزة بالرابطةmiroo شخصية مميزة بالرابطةmiroo شخصية مميزة بالرابطةmiroo شخصية مميزة بالرابطةmiroo شخصية مميزة بالرابطةmiroo شخصية مميزة بالرابطة
 
 
 الأوسمة و جوائز
 بينات الاتصال بالعضو
 اخر مواضيع العضو

miroo غير متواجد حالياً

افتراضي رد: اسرار سمك البلطي ... موضوع جاااااااامد

موضوع متميز و معطي معظم المناطق و طرق الصيد
و البلطي من اكثر انواع السمك تواجدا في مصر بالكامل


  رد مع اقتباس مشاركة تمت مراقبتها
إضافة رد

مواقع النشر (المفضلة)
الموضوع سيتم تحديثة آليا كل 600 ثواني(s). Automatic thread refreshing has been stopped because you appear to be idle. Un-Idle - إعادة تحميل

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة



المواضيع المتشابهه
الموضوع كاتب الموضوع المنتدى مشاركات آخر مشاركة
البلطى البلدى المشوى الحاج مطبــخ الصيادين 19 11-19-2013 07:46 AM
اسرار مهمة عن جهازك المحمول يجب ان تعرفها ! jimmy_awad الموضوعات العامة 10 04-04-2013 06:07 AM
اسرار طول عمر اليابانيين ( منقول ) ابو هاني صياد دمشق الموضوعات العامة 3 03-24-2013 10:05 PM
اسرار 11 سبتمبر سمير الكبير الموضوعات العامة 4 09-13-2012 09:32 PM


الساعة الآن 07:03 PM


جميع الحقوق محفوظة لمنتدى رابطة الصيد والرماية.
. v1.1.1 (Pro).

Security team